Lazer epilyasiya haqda bilmədikləriniz

• Tweet
• Share
• Email
• CevherShare

• Tweet
• Share
• Email

Arzu olunmaz tüklərdən azad olma hər bir kəsin, qadınların da, kişilərin də arzusudur. Bunu hər kəs istəyir. Amma onlardan qurtulmaq çox müşgül məsələdir. Əvvəllər tədqiqatçılar əmin idilər ki, tük follikulunu məhv etməklə tüklərdən birdəfəlik azad olmaq olar. Amma indi məlumdur ki, bu üsul yetərli deyil.

80-ci illərin əvvəllərində holland alimi, cərrah Bouman cərrahi əməliyyat vasitəsilə bir qadının qoltuqaltındakı tükləri follikullar və məməyəbənzər qatla (burada tük hüceyrələri bölünüb çoxalır) birlikdə götürür. Bir sözlə, həmin nahiyədəki dərini kəsib götürür. Lakin tüklər yenidən çıxmağa başlayır.

Yalnız 14 ildən sonra Pensilvaniya universitetinin alimləri bu məsələni aydınlaşdırırlar. Məlum olduğu kimi, tüklərin çıxmasına səbəb olan rüşeym hüceyrələridir. Bu hüceyrələr tük köklərinin ətrafında və piy vəziləri ilə əzələlər arasında yerləşir. Bu hüceyrələrin olduğunu əlbəttə ki, bilirdilər, sadəcə əvvəllər bu hüceyrələrin təkcə ehtiyat hüceyrələr olduğunu, ekstremal hallarda, follikul tam məhv olmadıqda fəaliyyət göstərəcəyini düşünürdülər. Lakin məlum oldu ki, hətta follikul tam məhv olsa da rüşeym hüceyrələri varsa, tüklər mütləq yenə də bitəcək və bu yenilik epilyasiyanın uğurları haqda düşüncələri dəyişdirdi.İndi isə yaxşı nəticə əldə etmək üçün kosmetoloqlar təkcə tük follikulunu yox, həm də onun rüşeym hüceyrələrini də məhv etməlidirlər.   

 Lazer epilyasiya

Aparat kosmetologiyasını son dəbdə olan nailiyyətlərindən sayılır.Lazer epilyasıyının da bir neçə növü var: aleksandrit, rubin və digərləri.

Bəs lazer necə təsir göstərir, bilirsiz? Müəyyən ölçülü lazer dalğaları   tünd rəngli tüklərdə olan melonin piqmetlərini udur və tük yanaraq, yüksək temperaturun təsiri nəticəsində follikul ölür. Sonra isə tük özü düşmürsə,onu pinset və ya voskla çıxarmaq olur. Sonuncu,yəni vosk  məsləhət görülmür,çünki onsuz da lazerdən sonra həssaslaşmış dəri voskla bir az da zədələnməyə məruz qalır. Digər epilyasiya növləri kimi, lazer  epilyasiyası da tükün aktiv bitmə fazasında tətbiq olunarsa daha da effektli olur və tükün uzunmüddətli çıxmamasına şans yaranır.

Lazer epilyasiyasının çatışmayan cəhətlərindən biri də piy vəziləri və əzələlər arasında qalan rüşeym hüceyrələrinin tam məhv olmadan qalmasıdır. Lazer  şüası bunu “görmür”, ilk növbədə ona görə ki, onlar rəngsizdirlər və görünmürlər,ikincisi isə lazer şüası bu zonaya daxil ola bilmir. Nəticədə də müəyyən müddət sonra hər şey yenidən təkrarlanır. Yeni tüklər nazik və qısa çıxır və nəzərə çarpmadan özü tökülür.3-4 aydan sonra isə həmin tük yenə əvvəlki vəziyyətdə qara, qalın, kobud şəkildə çıxır və nəticədə çox razı qalan pasient  ”tük niyə yenidən çıxır?” sualını verməli olur.

Lazerin digər ən mənfi cəhəti onun rəngsiz, nazik tüklərlə başa çıxa bilməməsidir. Yuxarıda qeyd olunduğu kimi,o rəngsiz heç nəyi görmür. Amma bu hələ problemin yarısıdır.Məsələ ondadır ki, o qısa, rəngsiz tükləri məhv edə bilməməklə yanaşı, həm də onlara stimulyasiya veərək həmin tüklərin qalın, qara və kobud çıxmasına səbəb olur.

Daha bir mənfi cəhəti isə bir prosedurada 5 sm2-dan artıq nahiyənin işlənə bilməməsidir. Çünki bu zaman toxuma lazım olandan çox qızır və bu da dəri üçün təhlükə yaradır.

Qeyd: Təəssüf ki, bizim ölkəmizdə bir seansa bir ayağı da tamamilə tüklərdən təmizləmək olur. Bu çox təhlükəlidir!!!!! Unutmayın!

Lazer epilyasından sonrakı ağırlaşmalar

Lazerin növündən asılı olaraq hiperpiqmentasiya (dəridə ləkələr),ödem(dəridə şişkinlik),yanıq, kapilyar dəri toxumasının termiki zədələnməsi  baş verə bilir. Bundan əlavə,tükün uzunluğunun da böyük rolu vardır. Məsələn,690-710 nm uzunluğunda olan lazer dalğası (aleksandrit və rubin lazeri) hemoqlobinin udulmasına səbəb olur.Bu da öz növbəsində damarların termiki koaqulyasına (yanmasına)  gətirib şıxarır və onlar məhv olurlar.     

Adətən, lazer epilyasiyadan sonra dəri tez bərpa olur, lakin onu normada (ayda 2-3 dəfə) etsəniz.  Bütün bu məlumatlara baxmayaraq bu üsul hələ də tam öyrənilməyib. 

Qeyd etmək lazımdır ki,bütün müsbət və mənfi cəhətlərinə baxmayaraq, lazer epilyasına maraq çoxdur və artmaqdadır. Onun yeni növləri də meydana çıxmaqdadır.Gələcək günlərdə sizə epilyasiyanın digər növləri haqda da məlumat verəcəyik.

Qeyd: Epilyasiya və ümumiyyətlə,  kosmetologiya ilə bağlı bütün suallarınızla saytımızın forumunda kosmetoloqumuza müraciət edə bilərsiz!

DİGƏR MƏQALƏLƏR