Qış bu il gözləniləndən daha tez gəlmiş oldu. Bu da bərabərində bir çox problemləri özü ilə gətirdi. Payız və qış aylarında gəlinlərimizə özlərini soyuqdəymədən qorumaq üçün bəzi məsləhətlər verəcəyik.  Əlbəttə ki, heç kim toy günündə xəstə olmaq istəməz. Əslində immun sistemi zəif olan, tez-tez soyuqlayan adamlar bəzi ölkələrdə çox sevilən yolu seçib qrip və soyuqdəymə əleyhinə peyvəndlərdən istifadə edə bilərlər. Ancaq nəzərə alsaq ki, bu ən az 1 ay əvvəldən olmalıdır (peyvənddən 10-15 gün sonra immun sistemi inkişaf etməyə başlayır) və siz bunu etməmisinizsə o zaman Evlenirik.Biz məsləhətləri ilə tanış olmaq üçün məqaləmizin ardını oxumağa davam edin.

Ən başlıcası geyiminizə fikir verin. Havanın dəyişkən olduğunu nəzərə alıb geyiminizi elə seçməlisiniz ki, nə tərləyəsiniz, nə də soyuq olmasın. Havanı mülayim görüb yüngül geyinməyə tələsməyin, çünki axşama yaxın hava təmamilə dəyişə bilər.

Ayaqlarınızı soyuqdan ve yaş olmaqdan qoruyun. Əgər ayaqlarınızda soyuqluq hiss etsəniz axşam yatmazdan öncə pəncə altına yod məhlulu ilə xəttlər çəkib pambıq corab geymək lazımdır. Bu 2-3 gün davam etməlidir. Yatmazdan öncə südlə bal içmək və ya bir qaşıq bal yemək də mübarizədə köməyinizə çatar. Ümumiyyətlə təbabətdə baldan çox istifadə edilir. Balı artıq xəstələnmiş insan içdikdə belə səhər özünü gümrah hiss edir.

Yuxunuzu tam alın və vaxtında qidalanın. Hər gün yatıb yuxunuzu almağınız, düzgün qidalanmağınız da vacib ünsürlərdən biridir. Epidemiya zamanı orqanizm təzə meyvə, tərəvəz, təbii şirələr, ağartı məhsulları daha çox qəbul etməlidir. Əks halda orqanizmin mikroblarla mübarizəsinə gücü yetməz.

Yaxın təmaslardan uzaq durun. Xəstəliyə yoluxmanın digər növü başqa xəstə ilə təmasda olmaqdır. Əgər evinizdə yaşayan qohumlarınızdan kimsə xəstələnibsə çalışın ona bütün təhlükəsizlik tədbirlərini yerinə yetirən bir nəfər qulluq etsin. Həmin adam təhlükəsizlik maskasından istifadə etməlidir ki, digərlərini yoluxdurmasın. Xəstəyə isə birdəfəlik dəsmallar (kağız salfetlər) versin və mütəmadi olmaqla istifadə olunmuş dəsmalları atsın.

Yadınızda saxlayın ki, zəif orqanizm bu xəstəliyə hava yolu ilə daha tez yoluxur. İctimai və qapalı yerlərdə çox olursunuzsa, nəqliyyat vasitələrindən çox istifadə edirsinizsə ağzınızda mixək, portağal və ya limon qabığı saxlayın – bu üsulla da bir çox mikroblardan qorunmaq olar. Bu zaman əlinizlə burnunuza, ağzınıza, gözünüzə toxunmayın. Evə gəldikdən sonra mütləq əllərinizi yuyun. C vitamini ilə zəngin olan itburnu dəmləməsi və ya zoğal mürəbbəsiylə isti çay içsəniz soyuqlama canınızdan çıxar. Bunu ana və nənələrimizdən də eşitmiş olarsınız.

Evlenirik.Biz məsləhətlərinə əməl etsəniz xəstələnməzsiniz və toy gününüzü arzuladığınız kimi unudulmaz keçirərsiniz.

Hər zaman sağlam olun! 

Əziz oxucularımız, bədənimizin vitamin ehtiyaclarını qarşılayan meyvələrin geniş faydaları haqqında məlumat verəcəyik. Hər mövsümünə görə bol meyvə qəbul etməyiniz sağlamlığınız üçün çox faydalıdır.

* İlk növbədə bədənimizin başlıca düşməni olan xolestrol heç bir meyvədə yoxdur!

* Meyvələrdə təbii şəkər var, nə qədər çox meyvə yeyərsək beynimizdəki sinir hüceyrələri o qədər inkişaf edər, və yaddaşımızı gücləndirir!

* Meyvələr mükəmməl lif qaynağıdır!

* Meyvələr vitamin və mineral baxımından çox zəngindir!

* Az kalorilidirlər və kökəltmir! (Ancaq dieta vaxtnda kalorisi nisbətən yüksək olan əncir, banan və üzümdən uzaq olun)

* Meyvələri ac qarına yemək həzm prossesini asanlaşdırır!

Gilas

* Güclü bir ağrı kəsicidir,

* Xolestrol və qan şəkərini azaldır, bədəndəki zəhəri təmizləyər

* Qəbzliyi aradan qaldırır,

* Nikotinin vücuddan atılmasına kömək edir,

* Böyrəkləri daş və qum yığılmasından qoruyur, varsa zamanla tökər,

* Öd kisəsi daşının tökülməsinə kömək edir,

* Üzdə olan sızanaqların təmizləməsinə kömək edir;

(100 gr. gilas=70 kalori)

Üzüm

* Böyrəklərin işləməsini asanlaşdırıb, ürək döyüntülərini tənzimlər,

* Qaraciyəri təmizləyər,

* Qara üzüm, qabığı və tumları ilə yeyilərsə hüceyrə yeniləyicidir,

* Həzm prossesini asanlaşdırır, qan azlığını tənzimlər,

* Uşaqların inkişafı üçün çox faydalıdır.

* Ancaq kalorisi yüksək olan üzümün bir gündə 15-20 ədəddən çox yeyilməməsi lazım olduğunu unutmayın;

(100 gr. üzüm=65 kalori)

Şaftalı

* Ürək narahatlıqlarına və xərçəngə qarşı qoruyucudur,

* Həzm sistemini düzgün işləməyinə kömək edər, həzmi asanlaşdırır,

* Böyrəklərin və öd kisəsinin problemsiz işləməsinə yardım edir,

* Böyrək daşı sökücüdür;

(1 ədəd orta şaftalı=42 kalori)

Ərik

* Qan bərpaedicidir, qan azlığına xeyirlidir,

* Gözəl bir cild və saç üçün yaxşı təsiri vardır,

* Xüsusilə ağciyər xərçənginin qarşısının alınmasına kömək edər,

* Ürək xəstəliklərinə xeyirlidir,

* Sümük əyilməsinin qarşısını alır,

* Əsəbləri sakitləşdirib, yuxu gətiricidir,

* Qəbzlik üçün və həzm sistemində problem yaşayanlar üçün faydalıdır,

* Səhərlər ac qarına yeyilən ərik qurusu (qaysı) həzm baxımından faydalı olmaqla yanaşı cildə də canlı rəng verər;

(1 ədəd ərik=15 kalori)

Əncir

* Bağırsaqları çalıştırır,

* Enerji verir,

* Cinsəl gücə yardım edir,

* Yüksək qan təzyiqini azaldır,

* Sümük möhkəmliyini artırır;

(1 ədəd orta əncir=37 kalori)

Ananas

* Bakteriya və parazitlərlə mübarizədə faydalıdır,

* Həzmi asanlaşdırır ,

* İltihablanma riskini azaltmaqda və yaraların tezliklə sağalmasında təsirlidir;

(1 qalın dilim ananas=43 kalori)

Alma

* Qanı və böyrəkləri təmizləyir,

* Cildə parlaqlıq və gözəllik verir,

* Soyuqdəyməyə və öskürəyə xeyirlidir,

* Xolsetrolu azaldır,

* Həzm sistemindəki narahatlığa kömək edir,

* Baş ağrısına xeyirlidir,

* Yüksək təzyiqi salır,

* Qandakı şəkəri nəzarətdə saxlayar,

* Revmatizmaya kömək edir,

* Yuxusuzluğa yaxşıdır,

* Bağırsaqlardakı qurdların tökülməsinə kömək edir;

(1 ədəd balaca alma=63 kalori)

Kivi

* Kivi bütünlüklə C vitamini mənbəyidir, bir ədəd kividə bir günlük alınması lazım olan C vitamini ehtiyacından daha çoxu var,

* Qandakı şəkərin nəzarətdə saxlanması üçün yararlıdır,

* Xərçəngin yaranmasına mane olur.

* Qan təmizləyici xüsusiyyətiylə qan laxtalanması riskini əhəmiyyətli bir şəkildə salmaqda və qanınızdakı yağ miqdarını azaltmaqdadır;

(1 ədəd kivi=46 kalori)

Banan

* Ürəyə və əzələ sisteminə yararlıdır,

* Yorgunluğa xeyr edir,

* Yüksək təzyiqin qarşısını alır,

* Yuxuyu rejimə salır,

* Mədə xorasının qarşısını alır və onların müalicəsinə kömək edir,

* Xolestrolu azaldır və mədə ağrısına faydalıdır

* Böyrəkdəki iltihablanmada müalicə edici özəlliyə sahibdir;

(1 ədəd banan=105 kalori)

Albalı

* Şəkər nisbəti gilasınkından aşağı olduğu üçün daha az kaloridir

* Qızdırmanı salır, susuzluğu keçirir.

* Tündə rəngli albalı açıq rəngli olanlara nisbətən daha çox mineral tərkiblidir;

(100 gr. albalı=50 kalori)

Greyfurt

* Soyuqdəyməyə yaxşıdır,

* Həzmi asanlaşdırır,

* Diş əti qanamasını azaldır,

* Xırda damarlardakı qan dövranını sürətləndirir ,

* Mədə xərçənginə tutlmaq riskini azaldır,

* Təzyiqi normallaşdırır,

* Böyrəkdaşı sökücü özəlliyi vardır

* Yağlı yeməklərin ardından içilən greyfurt suyu yediklərinizin ağırlığını aradan qaldırır;

Portağal

* Soyuq dəyməyə və qripə yardım edir,

* Tərkibindəki C vitamini və turşular sayəsində öskürəyi azaldır,

* Ürək xəstəliklərinə və iflicdən qoruyur,

* Bədənin əzik və göyərmiş yerlərinin daha tez sağalmasına kömək edir,

* Mədə xərçənginin qarşısını alma təsiri var,

* Təzyiqi normallaşdırır.

* İçindəki minerallar cildin quruyub, qırışlanmasının qarşısını alır,

* Bağırsaq qazını təmizlər, bağırsaq qurdunun tökülməsinə xeyirlidir,

* Qaraciyərin davamlı və düzgün işləməsini tənzimləyir,

* Öd sekresiyasını artırar;

(1 ədəd portağal=60 kalori)

Çiyələk

* Strese xeyr edir, sakitləşdirici təsiri vardır,

* Siqaret tüstüsün təsirini azaldır.Siqaret çəkilən bir otağdaykən gün boyunca ağıza ən az 2 çiyələk atılması məsləhətdir.

* Uşaq iflici və ağız-dəri yaralarına yol açan virusları öldürücü təsiri vardır,

* Xərçəngə tutulmaq riskini azaldır,

* Mədə və bağırsaq zəifliklərini aradan qaldırır,

* Öd kisəsi xəstəliklərinə xeyirlidir,

* Yüksək qızdırmanı salır,

* Dişlərə və diş ətinə yaxşıdır, dişin karieslərini yaranmasının qarşısını alır,

* Cildə canlılıq verir;

(100 gr. Çiyələk=30 kalori)

Armud

* Ürək-damar sağlamlığı, aşağı qan təzyiqi və fiziki performansa xeyirli olan vitaminləri saxlayar,

* Yüksək təzyiqi olanlar və böyrəklərində problem yaşayanlar üçün faydalıdır,

* Qansızlıya və qəbizliyə yaxşı gəlir;

(1 ədəd kiçik armud=82 kalori)

Yemiş

* Qanı təmizlələr,

* Zərərli maddələrdən qoruma xüsusiyyəti vardır,

* Narahatlıq və yuxusuzluğa xeyirlidir,

* Bağırsaq və dəri xərçənginə qarşı Amerikan Xərçəng xəstəliyi Birliyi tərəfindən tövsiyə edilmişdir;

(100 gr. yemiş=26 kalori)

Saçlar insan gözəlliyinin əsas hissələrindən biridir. Sağlam və gözəl saçlar isə bu gözəlliyi daha da qabardır. Ancaq gözəl saçlar yaxşı qulluq tələb edir. Saçlara qulluq haqqında doğru bildiklərimizin hamısı heç də həmişə düzgün olmur. Bəs, saçlar haqqında doğru bildiyimiz yanlışlar hansılardı? Bu barədə Evlenirik.Biz faydalı məlumatları nəzərinizə çatdırır.

1. Saçlar kəsildikcə daha tez uzanır Saçın uzanması genetik xüsusiyyətdir. Saçlar ayda 0,5-1,5 sm-ə kimi uzanır. Yayda saçlarda uzanma qışa nisbətən daha tez baş verir.

2. Ağ saçı qoparanda sayı artır. Ağ saçın sayı onu qoparmaqla artıb, azalmır. Amma saçı qoparmaq yaxşı vərdiş deyil. Çünki bu zaman dəri və başqa saç kökləri ziyan görə bilər.

3. Soyuq su saça parlaqlıq verir. Saç üçün ən yaxşı ilıq sudur. Soyuq su ayılmağa və əzələlərin canlanmasına kömək etsə də, saça parlaqlıq vermir.

4. Saçın təmizlənməsi üçün bir necə dəfə şampunla yumaq lazımdır. Saçı bir dəfə yaxşı şampunlamaq kifayətdir.

5. Gündə 100 dəfə saçı daramaq faydalıdır. Saçları çox daramaq onların daha tez yağlanmasına və vaxtından tez tökülməsinə səbəb olur.

6. Saçın haçalanmış uclarının kosmetik müalicəsi olur. Bu məqsədlə olan vasitələrin əksəriyyəti heç bir işə yaramır. Saçların ucu ilə çox oynamamaq, onların ucundan az miqdarda kəsdirmək, fendən və boyadan çox istifadədən qaçmaq ən yaxşı strategiyadır.

7. Sulu saçı fen ilə qurutmaq. Daha yaxşı olar ki, saçları ilk olaraq 5 dəqiqə dəsmal ilə qurulansınlar. 5 dəqiqə gözlədikdən sonra fenlə saça forma verərək qurutmaq lazımdır.

8. Sulu saçı dibdən ucuna kimi daramaq. Daha yaxşı olar ki, əvvəlcə dolaşıq saçları səliqə ilə açasınız. Dolaşıq olmayan saçı daramaq daha az saçın tökülməsinə səbəb olacaq. Yanlış daramaq həm də saçların qırılmasına yol açır.

9.Daraq seçimi Saç nə qədər uzundursa, o qədər böyük daraq seçmək lazımdır.

10.Saçları toplamaq Saçları həmişə eyni cür yığmaq və ya eyni yerdən ayırmaq doğru deyil. Saç toplanan yerlərdə qırıqlar meydana gəlir. Onların çox sıx yığılması isə tökülməyə yol açır.

Mənbə: anspress.com

Evlenirik.Biz Mətbuat Xidməti

Türkiyəli həkim Prof. Dr. Burhanettin Uludağ yaxşı yuxu üçün nələrin vacib olduğunu anlatdı.

Yuxunuz gəlmirsə yatağı tərk edin.

Prof. Dr. Burhanettin Uludağ, “Yastığa başınızı qoyduqdan 20 dəqiqə içində hələ də yata bilməmisinizsə yata bilməyəcəksiniz deməkdir. Ən yaxşı yataqdan durub biraz rahatlamaq üçün ya kitab oxuyun ya biraz televizor izləyin.” dedi.

Yatmamışdan əvvəl kəsinliklə siqaret çəkməyin, kafein qəbul etməyin.

Doktor buyurur ki: “Yatamamışdan əvvəl qətiyyən siqaret çəkməyin. Çünkü nikotin beyinə təsir edən maddədir. Bu da yuxunuzun qaçmasına səbəb olar.” Bundan əlavə olaraq doktor yatmamışdan əvvəl spirtli içkilər və kafein, xırda şirniyyatların da yuxunuzun qaçmasına ya da gecə tez-tez oyanmağınıza səbəb olacaqdır. Yuxu keyfiyyətinizin pozulmaması üçün bu növ vərdişlərdən uzaq qalmağın vacibliyini vurğuladı.

Yatma və oyaqmaq saatlarınız düzgün olmalıdır

Həftə sonu və ya tətil vaxtı yuxu saatlarınızı dəyişdirməməyə çalışın. Hər zaman vaxtında yatıb vaxtında oyanmağa çalışın.

Yataqdan sadəcə yatarkən istifadə edin

Uzanıb televizora baxmaq, kitab, qazet oxumaq və ya kompüter ilə oyun oynamaq, yemək yemək kimi vərdişlərdən uzaq olun.

Yuxu dərmanlarını vərdiş etməyin

Yadınızdan çıxarmayın ki, bu yuxu təbii vərdişdir və öz-özünə olmalıdır. Siz bunu dərman vasitəsilə etsəniz xeyirindən çox zərəri ola bilər.

Yatmaq istərkən muhakəmə etməyin

Yaddan çıxarmayın ki, yataq günün muhakəməsinin aparıldığı yer deyil. Əyər belə vərdiş etsəniz tez yatma problemi ilə qarşılaşacaqsınız.

Yataq otağı səssiz, sakit və sərin olmalıdır.

Yataq otağınız sadə olmalıdır. Budan əlavə olaraq qaranlıq və sərin olmalıdır. İşıq və istilik yuxunu qaçırar. Əyər işıqlı otaqda yatmaq istəsəniz, yataq otağının deyil koridorun işığını yandırın. Mütləq səsli olsun istəsəniz narahat etməyən bir musiqi dinləyə bilərsiniz.

Evinizi ağ yerinə sarı işıqla işıqlandırın.

Oturduğunuz otaq çox işıqlı olmasın. Beyniniz ağ tondakı işıqları günəş işığı kimi başa düşər və yuxu gətirən melatoni adlı hormonun ifrazını azaldar. Bu da yuxu keyfiyyətinizi pozar.

Evlenirik.Biz

Sənətçilərin üz dərilərinə peşəkar baxışı

Geyimləri, saç düzümləri, qalmaqalları ilə daim üzdə olan sənətçiləri bu dəfə nə dərəcədə baxımlı olmaları ilə gündəmə gətiririk. Müxtəlif xarici ölkələrdə kosmetologiya kursu keçən tanınmış həkim-kosmetoloq Xariqə Quliyeva məşhur xanımların kosmetologiya sahəsində nə dərəcədə baxımlı olub-olmamalarını təsnifatlandırdı. Əvvəla, onu qeyd etdi ki, bir neçəsini çıxmaq şərtilə, müğənnilərin heç biri dərisinə düzgün qulluq etmir. Üzdəki qüsurları kosmetika ilə gizlətməyə çalışırlar.

Kosmetoloqdan da ən yaxşı və ən ucuz şeyləri istəyirlər: “Bizim müğənnilər geyimə, makiyaja daha çox pul verirlər, amma üzlərindəki problemi aradan qaldırmağa çalışmırlar. Bu, hamısına aiddir. Əminliklə deyirəm ki, üzdə olan xanımların əksəriyyəti təbii geldən istifadə etməyib. Çünki təbii gel qalıcı olmur. Fikirləşirlər ki, bu qədər pul verib gel vurdurum, o da bir neçə aya getsin? Ən yaxşı, natural gelin tərkibində qialiron asid olmalıdır. O da oynaqlardan alınmış sinavial mayenin tərkibində olur. Bu təbii gellər isə 6-12 ay qalır. Görünür, buna görə də müğənnilər qalıcı, amma keyfiyyətsiz polimerlərə – süni gellərə üstünlük verirlər. Əksər müğənnilərin gel sarıdan problem yaşamasına səbəb də məhz bu faktdır”.

Beləliklə, həkim-kosmetoloq Xariqə Quliyevanın Azərbaycanın məşhur sənətçilərinin dəriləri bağlı fikirlərini təqdim edirik:

- İlhamə Quliyevanın makiyajı necə etməyinə müdaxilə edə bilmərəm. Amma yaşına görə çox gözəl dərisi var.

- Flora Kərimovanın da yaşına görə çox qəşəng dərisi var. Ancaq eynək taxdığına görə gözündə nə problemi var, bilmirəm.

- Dərisinə düzgün qulluq edən müğənnilərdən bəlkə də birincisi Brilliant Dadaşovadır.Üzünə həmişə ən bahalı prosedurları etdirib. Əminliklə deyə bilərəm ki, onun üz dərisində süni heç bir prosedur olunmayıb, polimerlərdən istifadə edilməyib, hər şey təbiidir.

- Aygün Kazımovanın vaxtilə çox gözəl dərisi olub, hazırda deyə bilmərəm. Amma üzündə süni gellər olduğuna görə, onun dərisini bəyəndiyim dəri hesab etmirəm. Üz dərisində gelin həddən çox olması və düzgün vurulmaması problemi yaşanır. Bir sözlə, üzündə görüləcək xeyli iş var.

- Zülfiyyə Xanbabayeva hər halı ilə xoşuma gəlir. O xanım çox təbiidir. Adicə onu deyim ki, üst dodağı nazik olsa da, indiyədək gel vurdurmayıb. Birinci növbədə, baxımlı saçı var. Üz dərisi qəşəngdir. Makiyajı yerindədir.

- Röyanın dərisi bəyənilən dərilərdəndir. Amma bir az baxıma ehtiyacı var.

- Faiq Ağayevin üz əməliyyatını uğurlu əməliyyat hesab edirəm.

- Ən bəyəndim dəri Ruhinin dərisidi. Mənim tanıdıqlarım arasında üz dərisi üçün xərc çəkən müğənni Ruhidir. Həm üzünə, həm saçına lazım olan ən yaxşı prosedurları edir.

- Nazpəri Dostəliyevaya baxanda əvvəl adama elə gəlir ki, onun qaşı-gözü özününkü deyil. Amma hamısı təbiidir, həqiqətən də çox gözəl gözü, qaşı var. Üz dərisində elastiklik problemi yaşanırdı. Amma problem həll olunub.

- Nisə Qasımova xoşuma gələn dəriyə sahibdir. Amma hesab edirəm ki, uğurlu olmayan göz əməliyyatı keçirib. Xanımın özünü çox istəyirəm, amma tam baxımlılar sırasına daxil etməzdim.

- Ruhəngiz Allahverdiyevanın üz dərisində, göz ətrafında problemlər çoxdur. Mənə elə gəlir ki, uğurlu olmayan gellər onun dərisində problemlər yaradıb.

- Elza Seyidcahanın dərisi gözəldir. Amma əminliklə deyə bilərəm ki, üzünə heç bir professional tədbir görmür. Sonradan onun üzündə hansısa problemin yaşanma ehtimalı ola bilər.

- Rəqsanə indən belə kosmosa da getsə, biopolimeri dərisinin altından tam çıxartdıra bilməz. Türkiyədə dünyaca məşhur cərrah Hasan Fındıkın plastik əməliyyatında iştirak etdik. Dodaq-burun arası nahiyəni açdı, 1 il əvvəl vurulmuş biopolimeri təmizləyə bilmədi. Rəqsanənin üzündə isə o problem artıq bir neçə ildir yaşanır. Müəyyən qədər yaxşılaşa bilər, amma tamamilə aradan qaldırıla bilməz.

- Mətanət İsgəndərlini baxımsızlar sırasına daxil edərdim. Onun dərisində o qədər görüləcək iş var ki…

- Almaz Ələsgərovaya birinci növbədə arıqlamağı məsləhət görərdim. Kök olan xanımın dərisində qırışlar, hallogen-elastin liflərinin zəifləməsi bilinmir. Üzündə elə bir problem görmürəm. Əsas problemi köklükdür.

- Nüşabə Ələsgərlinin göz ətrafında problemlər var. Dəri tonu heç xoşuma gəmir. Çox yaxşı olardı ki, rəngi daha təravətli olsun.

- Natəvan Həbibinin dərisi bəyəndiyim dərilərdəndir. Deməzdim ki, üz dərisi baxımlı dəri deyil. Həm də o hələ gəncdir. Pis dəri deyil, orta qiymətləndirirəm.

- Rəqqasə Fatimənin dərisini bəyənirəm. Baxımlı xanımdır. Üzündə bircə problem qaşları ilə bağlıydı. Onu da aradan qaldırdıq, təbii halına qayıtdı.

- Oksanaya baxımlı deməzdim. Üzdən qəşəng görünə bilər. Amma mənə elə gəlir ki, onda genetik faktor özünü göstərir.

- Validə Abbasova baxımlı deyil. Dodaqları çox vulqardır.

- Sənubər İsgəndərlinin çox gözəl dərisi var. Amma problemi var, o da dodaqları ilə bağlıdır.

- Vəfa Zeynalovanı baxımlılar sırasına daxil edirəm. Gözəl dərisi var.

- Məleykə Əsədovanın da qəşəng dərisi var. Amma deyərdim ki, bir neçə il sonra o xanımın dərisi böyük təhlükə ilə qarşılaşacaq. Çünki o dəhşətli dərəcədə çox makiyaj edir. O qədər edir ki, üz dərisindəki problemi bilinmir. Hansısa qırışı da kosmetika ilə gizlədir. Özü də mən vizajist olmasam da, onun makiyajına professional makiyaj deməzdim. Yaxşı olardı ki, kosmetika ilə gizləmək əvəzinə, problemi birbaşa həll etsin.
Mən bütün xanımlara baxımlı olmağı arzulayıram. Qoy unutmasınlar ki, kosmetoloqa hansı yaşda gedirsənsə, o yaşda da qalırsan.

Mənbə: Lent.az / Banu Çiçək

Evlenirik.Biz Mətbuat Xidməti

Soyuq ayların başlanması ilə özünüzü təbii yollardan sığortalamaq üçün möhtəşəm qida olan bəkməz haqqında Evlenirik.Biz-in araşdırması ilə yaxından tanış olun.

Üzüm, tut ya da əncir kimi fərqli meyvələrin əzilərək qaynadılması ilə bişirilən bəkməzin üzümdən hazırlananı biraz şirin, tutdan hazırlananın isə acıtəhər şirin dadı ilə tarix boyunca süfrələrimizi bəzəyib.

Bəkməzin tünd rəngi və qatılığı qaydılma prosesində şirənin içindəki şəkərin karamelləşməsi nəticəsində meydana gəlir. Bəkməz bişirərkən diqqət edilməsi gərəkən vacib bir xüsus var. Bu onun sadəcə bir dəfə qaynadılmasıdır. Meyvədən çəkilən şirə qaynadıqda buxarlaşdığı üçün qatılanmasının qarşısını almaq üçün əlavə şirə tökülür. Yoxsa bəkməzin keyfiyyəti aşağı olur.

Şirə qaynamağa başladıqda və qoxusu yayılmağa başladıqda hazırlandığına işarətdir.

Bəkməzin qida dəyəri istifadə olunan meyvələrə görə fərqlənsə də, karbohidratlara baxıldıqda ( 1,276 Kj / 305Kcal) yaxşı bir enerji mənbəyidir. B1, B2 vitaminləri ilə zəngin olan bəkməz halq təbabətində də dərman kimi istifadə olunmaqdadır. Ən vacib xüsusiyyətlərindən biri də həzm prosesində heç bir parçalanmaya ehtiyacı olmadığı üçün bir başa qana qarışır və beləcə qansızlıq problemi çəkənlər üçün gözəl təbii vasitədir.

Tut bəkməzi:

Tut meyvəsindən əldə edilir. Qan azlığı xəstəliyi olanlar üçün çox faydalıdır. Ayrıca mədədə narahatlıqları olanlar üçün faydalıdır. Astma və bronxit xəstəliklərində vücudun imultetini artırmaq üçün istifadə olunur. İdman edənlər üçün böyük enerji mənbəyidir. Körpələrin və uşaqların beyin və vücud inkişafına köməklik göstərir. Suya qarışdırılıb qarqara edilərsə ağız və boğaz xəstəliklərinə faydası olur. Yeni doğulan körpələrdə tez-tez yaranan

Üzüm bəkməzi:

Üzüm meyvələrindən əldə edilir. Vücudda qan artırmaq üçün, enerji ehtiyacını qarşılamaq üçün, iştah açmaq üçün istifadə olunur. Mədə bağırsaq və böyrəklər üzərində faydası vardır. Damar sərtliyinə faydalıdır və qan dövranını asanlaşdırır.

Evlenirik.Biz

Buna səbəb sıxışdırılmış plastikin tərkibində olan “Bisfenola-A” maddəsidir.

Plastik qab-qacaq kişilərdə sonsuzluq yaradır. Bu, Amerikada “Milli əmək təhlükəsizliyi və Səhiyyə” akademiyasının keçirdiyi araşdırma nəticəsində məlum olub. Türkiyənin “Hürriyət” qəzetinə istinadən Şirəli Məmmədovun ANSPress-də verdiyi məlumatlarda bildirilir ki, gündəlik həyatda istifadə olunan plastik çənqəl, qaşıq, boşqab, su şüşəsi, stəkan və s. əşyalar kişilərdə qısırlıq problemi yaradır. Buna səbəb isə sıxışdırılmış plastikin tərkibində olan “Bisfenola-A” (BPA) maddəsidir. Bu maddə kişilərdə sperm sayını əhəmiyyətli dərəcədə azaldır.

Qeyd edək ki, araşdırma plastik su şüşəsi istehsal edən çinli fəhlələrin üzərində aparılıb və “Bisfenola-A” maddəsinə məruz qalan bu kişilərin çoxalma orqanlarında xəstəliklər yarandığı məlum olub.

Xatırladaq ki, daha əvvəl alman uroloq Frank Sommer mağazalarda istifadə olunan kassa çeklərində də bu “Bisfenola-A” olduğunu, həmin maddənin isə kişilik hormonunun tarazlığını pozduğunu bildirmişdi.

Evlenirik.Biz Mətbuat Xidməti

Nə qədər bahalı olsa da bəzən çəkdiyimiz dırnaq boyaları uzun müddətli olmur. Bu da əsasən işgüzar xanımların şikayətinə səbəb olur.

Evlenirik.biz xanımları nəzərə alaraq dırnaq boyalarının uzunmüddətli olması üçün bəzi məsləhətləri onların nəzərinə çatdırır.

1 – Boyanı yarıyadek çekin:

Dırnaq uclarını gücləndirmək və boyanın daha çox uzun müddətli olması üçün birinci qat dırnaq boyasını dırnaqların dibindən ortasına qədər çəkin. Quruduqdan sonra isə ikinci qatı tam formada dırnaqınıza çəkin.

2- Dırnaq boyasından çox istifadə edin.

Hər iki qattı çəkərkən dırnaq boyasını qalın çəkin. Qurumaqı üçün biraz vaxt tələb olunsa da boyanın ömrü daha uzun müddətli olur.

3- Soyudun

Dırnaq boyasının çəkdikdən sonra daha tez quruması üçün əllərinizi soyuq su olan qaba salın və dayana bildiyiniz qədər gözləyin. 5 deqiqe erzində dırnaqlarınızı sudan çıxarıb təkrar suya salmaqla daha tez qurumuş və parlaq dırnaqlara sahib olarsınız.

4- Dırnaqlarınızı qoruyun

dırnaqlarınızı qorumaq üçün boyadan əvvəl dırnaq qoruyucu boya çəkə və ya yodla silə bilərsiniz. Bu zaman hem dırnaqlarınız möhkem olar hem de dırnaq boyasının zərərlərindən qaçmış olarsınız.

Həmçinin qadınlarımız dırnaqlarının ayrılmasından yəni ikiyə bölünməsindən şikayət edirlər. Bununla qarşılaşmamaq üçün hazır çay paketindən istifadə edə bilərsiniz. Əvvəlcə çay paketini dırnaqlarınızın formasında kəsin daha sonra birinci qat dırnaq boyasını çəkdikdən sonra qurumaqını gözləmədən kəsdiyiniz çay paketlərini dırnaqınıza yapışdırın ve ikinci qatı çəkin. Bundan sonra dırnaqlarınız güclənir və soyulmur. Və ən əsası dırnaqları asetonla sildiyiniz zaman paketlərdə silinir və heç bir çətinlik yaranmır.

Nəyi nə vaxt etməli? İnsan bədəninin hər bir işi yerinə yetirmək üçün ideal saatı mövcuddur. Türkiyənin Qaziantep Universiteti Bədən Tərbiyəsi və İdman Məktəbinin müdiri, həkim Kürşat Karacabey bildirib ki, insanların hansı saatda hansı işi görməli olduqları onların genlərində kodlaşdırılıb. Evlenirik.Biz Sizə, Anspress.com-un Türkiyənin “Hürriyet” qəzetinə istinadən verdiyi məlumatdan qururla çatdırır.

“Yaradan bütün insanların saatını qurub. Elm adamları gün ərzində insanların hansı saatda hansı işi görməli olduqlarını müəyyən ediblər”, deyə K. Karacabey qeyd edib.

Araşdırmalara görə, günün ən yaxşı iş vaxtı saat 09:00-11:00 arası, insanın ən xoşbəxt olduğu vaxt isə saat 15:00-dur.

Saat 01:00-02:00: İnsanın iş qabiliyyətinin ən aşağı olduğu saatdır. Bu zaman işləyənlər xətaya yol verirlər. Çünki bu saat insan bədəni ancaq yuxuya proqramlaşdırılıb. İnsanın refleksləri zəifləyir.

Saat 03:00: İnsan tamamilə halsız olur. Melatonin hormonu artdığı üçün insan tənbəl və qərarsız olur. Bu saatlarda isanın intihar etmək ehtimalı yüksəkdir.

Saat 04:00: Bədən yenidən enerji yığmağa və özünü günə hazırlamağa başlayır. Qan yüksəlməyə, damarlar genişlənməyə başlayır. Ürək xəstəliyi olanlar günün bu saatında daha diqqətli olmalıdırlar.

Saat 05:00-06:00: Stres hormonu 6 dəfə artır. Bədən yeni günə başlamağa hazırlaşır.

Saat 07:00: Orqanizm oyansa da, hələ ki zəifdir. Bu saatda idman etməkdən çəkinmək, əvəzində yaxşı səhər yeməyi etmək lazımdır.

Saat 08:00: Nəbz və təzyiq artmağa başlayıb. Yatanda 60 dəfə vuran ürək, bu saatlarda sağlam insanda 72-78 dəfə döyünür.

Saat 09:00-11:00: Ən yaxşı və effektiv iş saatıdır. Bütün diqqəti toplamaq və məntiqli düşünmək üçün də ideal vaxtdır.

Saat 12:00-14:00: Bədən yorğunluğun ilk əlamətlərini nümayiş etdirməyə başlayır. Diqqət dağılmağa və yuxu gəlməyə başlayır. Beyinə gedən qan miqdarı azalır. Nahardan sonra yuxu artır.

Saat 15:00: İnsanın özünü ən xoşbəxt hiss etdiyi saatdır. Bu saatda xoşbəxtlik hormonu ən yüksək həddə çatır. Yenidən insana enerji gəlir.

Saat 16:00-17:00: Adrenalin yüksəlir. Əzələlər qüvvətlənir. Aparılan araşdırmaların nəticələrinə görə, olimpiya rekordlarının əksəriyyəti məhz bu saatda qeydə alınıb.

Saat 18:00: Bədəndə yenidən yorğunluq başlayır və orqanizm özünü şam yeməyinə hazırlamağa başlayır. Əzələlər qüvvətdən düşməyə başlayır.

Saat 19:00-20:00: Orqanizm özünü yuxuya hazırlamağa başlayır. Nəbz yavaşlayır.

Saat 21:00: Bu saatda yemək yemək təhlükəlidir. Həzm prosesi zəifləyir. Belə ki, bu saatda yeyilən yemək mədədə səhərə qədər qalacaq. Həzm edilməyən qidalar mədədə çürüyərək zərərli çöplər olacaqlar.

Saat 22:00: Bu saatdan sonra siqaret çəkmək qadağandır. Çünki bədən saat 22:00-dan sonra nikotini ata bilmir. Səhərə qədər bu nikotin bədəni zəhərləyir.

Saat 23.00: Yuxu üçün ideal saatdır. İnsan rahatlaşır, sakitləşir. Uzanandan sonra 20-25 dəqiqə içərisində insan yuxuya gedir.

Saat 24:00: Yuxuda olarkən hüceyrələr yenilənir. Saçlar bu saatda daha tez uzanır. Fəaliyyətin ən aşağı olduğu saatdır. Bu zaman işləyənlər xətaya yol veririlər. Çünki bu saat insan bədəni ancaq yuxuya proqramlaşdırılıb. İnsanın refleksləri zəifləyir.

Evlenirik.Biz Mətbuat Xidməti