EUROVISION MAHNI MÜSABİQƏSİNİN QALİBİYİK!

Bütün Azərbaycanlıları və sevincimizə şərik olan hər kəsi təbrik edirik! Məhz bu qalibiyyətdə böyük efor sərf etmiş iştirakçılar Nigar və Eldar-a da saytımız adına böyük təşəkkürlərimizi çatdırırıq.

[Show as slideshow]

[View with PicLens]

“Eurovision-2010″dakı təmsilçimiz hovuzda boğulmaq təhlükəsi ilə üzləşib.

Norveçin paytaxtı Osloda keçiriləcək “Eurovision-2010” mahnı müsabiqəsində Azərbaycanı təmsil edəcək Səfurə Əlizadə ifa edəcəyi “Drip drop” mahnısının klip çəkilişləri zamanı ölüm təhlükəsi ilə üzləşib. ANS PRESS-in təmsilçinin rəsmi internet saytına istinadən verdiyi məlumata görə, klipin çəkilişi ötən həftəsonu Kiyevdə beş ulduzlu oteldə baş tutub.

Ancaq bu çəkilişlər Səfurə Əlizadəyə baha başa gəlib. Müğənni hovuzda aparılan çəkilişlər zamanı boğulmaq təhlükəsi ilə üz-üzə qalıb. Hadisəni şərh edən Səfurə Əlizadə üzə bilmədiyini deyib: “Amma klipdə yer alacaq bir neçə səhnənin çəkilişi üçün hovuzda səkkiz saat qalmalı oldum və qəflətən boğulmaq təhlükəsi ilə rastlaşdım. Bu anı heç zaman unuda bilməyəcəyəm. Şoka düşmüşdüm. Məni təhlükədən qurtardığına görə, bütün yaradıcı heyətimizə minnətdarlığımı bildirirəm. Yoxsa həyatımı itirə bilərdim”.

Klipin rejissoru Rupert Ueynrayt bu hadisədən sonra Səfurə Əlizadənin ilk sözünün “mən hazıram, bu səhnəni bir daha çəkək” olduğunu bildirib: “Mən çox təəccübləndim, inana bilmirdim ki, Səfurə bu şokdan dərhal sonra çəkilişlərə davam etməyi istədi. Çoxsaylı sənətçilər bu təhlükədən sonra çəkilişdən imtina edərdi, ancaq Səfurə davam etmək istədiyini dedi. Səfurə hələ gəncdir, ancaq güclüdür. Onun uğur qazanacağına əminik”.

Evlenirik.Biz Mətbuat Xidməti

“Eurovision” mahnı müsabiqəsinin bukmeykerləri bu ilin mayında Osloda keçiriləcək 55-ci “Eurovision” müsabiqəsində Azərbaycanın birinci olacağına inanırlar.

AzerTac-dan aldığımız məlumata görə “www.oddschecker.com/specials/tv/eurovision” saytında artıq bukmeykerlərin səsverməsi yerləşdirilib. Səsverməyə əsasən, Azərbaycan 39 ölkə arasında birinci yerdədir. Bukmeykerlərin səsverməsinə görə, Ermənistan 4-cü, Türkiyə isə 12-ci yerdədir. Martın ilk ongünlüyündən başlanan səsvermədə Azərbaycan ilk gündən birinci yerdədir.

Qeyd edək ki, bu ilin mayında Norveçin paytaxtı Osloda keçiriləcək “Eurovision-2010” mahnı müsabiqəsində Azərbaycanı Səfurə Əlizadə “Drip drop” mahnısı ilə təmsil edəcək. Azərbaycan təmsilçisi mayın 27-də keçiriləcək II yarımfinalda 16 ölkənin təmsilçiləri ilə finala çıxmaq uğrunda mübarizə aparacaq.
Mayın 25-də müsabiqənin I yarımfinalı, 29-da isə finalı keçiriləcək.

Evlenirik.Biz Mətbuat Xidməti

O, Madonna, Selin Dion, Backstreet Boys və s. kimi dünya ulduzlarının ifa etdiyi mahnıların yazılmasında iştirak edib.

Bu ilki “Eurovision” təmsilçimiz hazırda İsveçin paytaxtı Stokholmdadır. O, İsveç paytaxtına Anders Baqqenin studiyasında dünyaca məşhur musiqi prodüseri Niklas Fliktin iştirakı ilə bir neçə mahnı yazdırmaq, ilk albomunu hazırlamaq üçün yollanıb.

Qeyd edək ki, bu studiya dünyanın ən qabaqcıl səsyazma studiyalarından biridir. Bir neçə gün öncə məlum olduğu kimi Anders Baqqe, Stefan Örnün iştirakı ilə, mahnının musiqisini bəstələyib. Baqqenin bu mahnının ərsəyə gəlməsində iştirakı çoxları üçün gözlənilməz olub.

Məlum olduğu kimi, Səfurə “Eurovision” səhnəsində “Drip-Drop” mahnısını ifa edəcək. Bu qərar Səfurənin bu ayın əvvəlində İsveçdə yazdırdığı final mahnılarının bağlı qapılar arxasında bir neçə dəfə dinlənilməsindən sonra qəbul olunub. “Drip-Drop” mahnısı münsiflərə öz təbii gücü və potensialı ilə təsir edib.

“Drip-Drop” mahnısının bu studiyada yazıya alınması Britney Spearsin məşhur “Toxic” mahnısına görə Qremmi mükafatı almış Niklas Fliktin rəhbərliyi altında baş tutub. Bu Niklasın yazdığı və Madonna, Selin Dion, Backstreet Boys və s. kimi dünya ulduzlarının ifa etdiyi yüzlərlə mahnıdan biridir. “Drip Drop” mahnısının sözlərinin müəllifi istedadlı Sandra Bjurmandır.

Səfurə eyni zamanda məşhur İsveç TV proqramı olan “Aschberg”ə dəvət alıb, o həmçinin martın 20-də “Fryshuset” klubundada görünəcək.

eurovisionaz.com

Yeni il gecəsi  küçədə yaşlı skripkaçıdan başqa heç kim yox idi. Skripkaçı bir yandan ifa edir, bir yandan da ağır-ağır yeriyirdi. Qar yağdığı üçün ara sıra əllərini isitmək üçün bir birinə sürtürdü. Soyuğun şiddəti artıq dözülməz hala gəlmiş, ayaqlarında taqət qalmamışdı. İçindən “Bu küçəni də keçim bəlkə orda kimsə olar, üç-beş qəpik ala bilərəm deyirdi” son qalan gücünü toplayıb yeriyərkən yanından bir neçə nəfər keçdi. Əlləri artıq soyuqdan donmaq üzrə idi. Ona görə də skripkadan çıxan səslər bir-birinə qarışırdı, paslı simli, sınıq-salxaq skripka inləyirdi.

Ara yoldan keçmiş böyük küçəyə çıxmışdı. Çıxmışdı amma qorxduğu başına gəlmişdi, küçə bomboş idi. Skripkanı kimin üçün çalsın? Bütün evlərin lampaları yanır, içəridən gülüş səsləri gəlirdi. Yadına nəvələri düşdü. Ana və ataları öldükdən sonra onlara baxmaq məcburiyyətində idi. Bu il nəvələrinə hədiyyə alacağına söz vermişdi. Bunları xatırladı. Son taqətini toplayıb öncə əllərini ovuşdurdu, son gücü ilə çalmağa başladı.
[ad#468x60]
Evə gedə bilərdi amma nəvələrinə hədiyə almadan əsla getmək istəmirdi! “Bu küçə”-dedi bəli orda bir neçə nəfər var idi. Gedib onlar üçün skripka çalmalıydı. Cəld hərəkət etdiyi üçün ayağı ilişib yıxıldı və ağlamağa başladı. Oturduğu yerdən iki nəfərin yaxınlaşdığını gördü. Skripkanı əlinə aldığı anda adamlar qollarından tutub qaldırdılar. Onlardan biri niyə evinə getmədiyini soruşdu. Yaşlı skripkaçı bir nəfəsə niyə evə getmək istəmədiyini başa saldı. Adamlardan biri pul vermək üçün əlini cibinə saldığında, digəri ona göz vurdu və yaşlı musiqiçidən skripkasını istədi. Sınıq salxaq, paslanmış və yaşlı musiqiçinin əlində inləyən skripkadan möhtəşəm melodiyalar yüksəlməyə başladı.

Skripkaçı o qədər gözəl çalırdı ki, hər kəs küçələrə tökülüşdü. Bir neçə dəqiqə sonra musiqini eşidən hər kəs evlərinin pəncərəsindən, ya da küçəyə çıxıb yaxından bu uzun boylu, arıq və çirkin adama heyranlıqla baxırdılar. Skripkaçı birdən çalğısını saxladı və papağını çıxardıb yerə qoydu. Bir anda papağın içi doldu. Orda olan hər kəs  cibində olan xırda pulları papağa doldurdular. Pəncərədəkilər pulları papağa ata bilməsələr belə küçəyə saçmağa başladılar.

Aralarından birisi yaşlı skripkaçıya “Bunların hamısı sənindir” deməsiylə skripkaçı hıçqırıqlara boğularaq qarların altında gizlənmiş, küçəyə saçılmış pulları toplamağa başladı. Bir yandan pulları yığır bir yandan ağlayırdı. Birdən skripkaçının səssizcə uzaqlaşdığını görənlərdən biri arıq, uzun , çirkin skripkaçıdan “Heey! Sən kimsən? Adın nədir?” deyə soruşdu..

Yaşlı musiqiçi çevrilərək “Paqanini” dedi….

Katib bu vəziyyəti normaya salmaq üçün Mədəniyyət və Turizm Nazirliyinə və Bəstəkarlar İttifaqına müəyyən səlahiyyətlər verilməsinin vacibliyini vurğulayıb: “Baxmayaraq ki, mahnı janrı digərlərindən çox irəli gedib, lakin ən ağır vəziyyət də elə mahnı janrındadır. Biz bir dəfə bununla bağlı yığıncaq keçirdik, özəl telekanallara müraciətlər göndərdik.

Düşünürəm ki, nazirliklə birlikdə bədii şura yaratmalıyıq. Lakin bu gün bədii şuraların əleyhinə olanlar da çoxdur”. Səslənən iddialarla bağlı özəl telekanalların səlahiyyətli nümayəndələrinin fikrini öyrəndik.

ANS şirkətlər qrupunun vitse-prezidenti Mirşahin Ağayev açıqlamasında iddiaların ANS-lə bağlı olmadığına əminliyini ifadə etdi: “Bizdə bütün departamentlərə rəhbərlik edənlər peşəkar mütəxəssislərdir. Biz “Marş” verilişinə görə departamentə hərbi, “Futbol” verilişinə görə futbolçu rəhbər təyin etməli deyilik. Ümumiyyətlə, bizim şirkətdə musiqi departamenti yoxdur. Prodüser departamenti fəaliyyət göstərir, o da çoxşaxəlidir. Burada musiqidən başı çıxan adamlar var, təbii ki, onlara da baş prodüser olaraq işini bilən adam rəhbərlik edir. Əgər Eldar müəllim konkret olaraq ANS telekanalının adını çəksəydi, onda biz də konkret olaraq ANS-lə bağlı suallara cavab verə bilərdik”. Azad Azərbaycan televiziyasının bədii rəhbəri Elçin Əlibəyli telekanalın belə bir təklifə məna verməkdə çətinlik çəkdiyini bildirdi: “Bizdə, ümumiyyətlə, departament yoxdur. ATV başqa sistemlə işləyir.

Mahnıların bərbad olmasına məsuliyyət daşıyan bəstəkardır, müğənnidir. Bunun ayrı izahı yoxdur. Biz demokratik cəmiyyətdə yaşayırıq, bizdə senzura sistemi yoxdur. Eldar müəllimin açıqlamasına məna verə bilmərik”. Xəzər radiosunun rəhbəri Səxavət Nur bəstəkar Eldar Mansurovun fikirlərinin sırf Xəzər telekanalına şamil olunduğunu güman etmədiklərini deyib: “Eldar müəllimin fikirlərinin müəyyən qismi ilə razıyam, senzura olmalıdır.

O ki qaldı bizim televiziyanın fəaliyyətinə, televiziya məhdud sayda musiqili verilişlər təqdim edir, radioda isə musiqi mədəniyyətinin təbliği ilə bağlı bir çox rubrikalar təqdim olunur. Buna görə də səslənən fikirlərin Xəzər televiziyasına aid olmadığını güman edirik”. Lider telekanalının baş prodüseri Murad Dadaşov münasibət bildirəcəklərini vəd etsə də, sonra ona edilən telefonları cavabsız qoydu. Srace Teleradio Şirkətinin icraçı direktoru Kamil Şahverdiyevdən münasibət öyrənmək istəsək də, bu mümkün olmadı.

Ayna

12 yaşında olarkən Üzeyir Şuşada maarifçi Haşım bəy Vəzirovun açdığı məktəbdə iki ilə təhsil alıb, daha sonra təhsilini davam etdirmək üçün öz arzusu ilə Qoridə Zaqafqaziya müəllimlər seminaryasının aşağı hazırlıq sinifinə daxil olur. Burada təhsil aldığı müddətdə kaman, tar dərslərinə maraq göstərib və seminariyanın orkestrinə qəbul olunub. Seminaryanı bitirdikdən sonra bir müddət müəllim kimi fəaliyyət göstərən Üzeyir bir sıra qəzetlərdə də müxtəlif təxəllüslərlə yazılar dərc etdirmişdir. Jurnalist kimi fəaliyyəti dövründə yazıları cəmiyyətə, oxuyucuya təqdim edən Üzeyir bu fəaliyyəti ilə artıq kifayət qədər tanınmışdır.

O zamanlar opera sənəti hələ Azərbaycan səhnəsində öz yerini tapmamışdır, lakin Üzeyirdə sənətə olan maraq onu bu sahənin inkişaf etdirilməsində birinci olmaq iddiası ilə üzləşdirdi.

1908-ci ildə yanvar ayının 12-də Tağıyev teatrında “Leyli və Məcnun” operası səhnəyə qoyuldu. İki gəncin məhəbbətindən bəhs edən bu operanın davamı kimi Üzeyir ikinci böyük sənət incisi səhnəyə təqdim etdi bu “Şeyx Sənan” operası idi, lakin naməlum səbəblərdən opera o qədərdə uğur qazana bilmədi. Daha sonra “Rüstəm və Söhrab”, “Şah Abbas və Xurşid Banu”, “Əsli və Kərəm”, “ Harun və Leyla” operaları sevənlərə təqdim olundu. Sənətkarın ən böyü maraq doğuran əsəri isə “Koroğlu” operası oldu. Bu əsər Şərq dünyasının füsunkar sənət incisi kimi dünyaya yol açdı. Bu  opera rus dilinə tərcümə olunun Moskvada və başqa sovet ölkələrində səhnəyə qoyuldu.

Əsərlərinin əsas mövzusunu məhəbbət təşkil edən sənətkar ölməz sənət inciləri ilə özündən sonra iz qoyub getdi. Hal-hazırda Üzeyir dühası Azərbaycan adı ilə birgə səslənir. Azərbaycan musiqisi deyəndə Üzeyir notu, ahəngi, diapozonu göz önündə canlanır.

Yaratdığı bənzəri olmayan operaları kino şəkilində çəkilərək video lentinə köçürülüb gələcək nəsilə təqdim olunmaq üçün saxlanılır. Gənclər onun  operalarına  canlı şahid olmaq üçün opera teatrına gedib, bu obrazları canlandıran böyük sənətkarların tamaşalarının izləyir və o məhəbbətin ağuşuna düşürlər.

Üzeyir sözü ilə deyil notu ilə danışırdı, hələdə danışır və daima danışacaq.

İqor Fyodoroviç Strvinski (Rus: Игорь Фёдорович Стравинский) (17 iyun, 1882 – 6 aprel, 1971) həm Qərb, hım də anadan olduğu Rusiyada bir çoxlarının 20-ci əsrin ən böyük bəstəkarı hesab etdiyi rus bəstəkarı. “Time” jurnalı Stravinksini iyirmi əsrin ən nüfuzlu şəxsiyyətləri siyahısına daxil etmişdir. Bəstəkarlıqla yanaşı Stravinksi həm də mahir pianoçu və dirijor kimi də dünya şöhrəti qazanmışdır.

Strviskii bəstəkarlıq fəaliyyəti özünün üslubu rəngarəngliyi ilə diqqət çəkir. Ona ilk şöhrəti Sergey Daygilev adlı impressariyo tərəfindən həvalə edilmiş üç baleti olmuşdur. Bu baletlər, yəni-Alovquşu (The Firebird) (1910), Petruşka (1911) və Bahar mərasimi (1913) Daygilevin Rus Baleti səhnəsində tamaşaya qoyur.

Premyerası iğtişaşla sonuclanan Mərasim baleti ritmik quruluşca daha çox fikir verən əvvəlki nəsil bəstəkarların fikriniə təsir edir və günümüzə qədər bütpərəstlik mərasimi kimi qəbul olunan qədim Rusiyada baş verən hadisələri əks etdirən təcəssümü indiyə qədər tamaşaçıları valeh etdirməkdədir.

1920-ci illərdə Stravinski yaradıcılığının rus dövründən neoklassik dövrünə qədəm qoyur. Bu dövrə adi əsərlərində ənənəvi klassik musiqi formları olan concerto grosso, fuga, simfoniyalardan istifadə edir, gırgin emosiyanal anları soyuqluq və ya laqyedsizliyin səthi görünüşü altında gizlədir və tez-tez Baxç Verdi, Çaykovski kimi ustad bəstəkarları anır.

Bu dahi bəstəkarın bu gün anadan olduğu gündür.

Kiçik Mosart, İmparatoriçanın hüzuruna çıxarkən ona iki gənc qız köməklik göstərirdi. Bunlardan birisi, Ransa kralı ilə evlənəcək olan Marie-Antoniette idi. Yeni cilalanmış parketin parlaqlığı kiçik Mosartın xoşuna gəlmişdi. O, xalıdan kənara çıxaraq döşəmənin üzəri ilə yerimək istəyərkən yıxıldı. Marie-Antoniette o dəqiqə kiçik dəcəli qucağına alaraq, ona bir şey olub olmadığını soruşdu. Gənc qızın boynuna sarılan kiçik Mosart çox ciddi şəkildə bunları dilə gətirdi: ” Mənə qarşı çox incə davrandınız sizinlə evlənmək istəyirəm…”

SƏNİ 1.o6o.437.082 DƏFƏ ÖPƏRƏM…

“Sevgili həyat yoldaşım, səndən bəzi xahişlərim var. heç bir şeyi ürəyinə salma, sağlığına diqqət yetir və baharın havasına güvənmə. Məktublarında ikimizi maraqlandıran mövzulara daha çox yer ayır. Hər gecə yatmadan əvvəl şəkillərinlə danışdığımı unutma.  Səni 1.060.437.082 dəfə öpürəm. Bu rəqəmi rəqəmi nitq çalışması etmək üçün yazdım… İmza: Hər zaman sənə sadiq Mosart”

ÇOX QORXURAM

Bəstəkar Rossini bir konsertdən əvvəl salona daxil olarkən yanına bir qadın gəlmiş və “Senyor ilk dəfə sizin ariyalarınızı səsləndirəcəyəm və çox qorxuram” demişdir. Bəstəkarın cavabı isə qısa olmuşdur  ”Mən də…”

DƏYƏRLİ FORTEPİANO..

Böyük alman bəstəkarı Beethovenin Viyanada ikən yaşadığı evin dəyərli xatirələri arasında bir də kiçik fortepiano vardır. Beethoven bir çox əsərlərini bu alətdə bəstələmişdir.

Amerikalı kiçik gənc bir qız, muzey halına gətirilmiş bu evi gəzərkən ilk gözünə dəyən, elə bu fortepiano olmuş və arxasına keçərək çalmağa başlamış. Bir yandan da muzey işçisindən soruşmuş:

-Bura çox ziyarətçi gəlir elə deyilmi?

-Bəli xanım.

-Məşhurlar da gəlir elə deyilmi?

-Bəli. Məsələn məşhur piyanoçu Padarevski də gəldi.

Gənc qız, barmaqlarını hələ də fortepianonun dilləri üzərində gəzdirərək :

-Padarevski də bu alətdə çaldı elə deyilmi? diyə soruşdu.

Muzey işçisi cavab verdi:

-Xeyr xanım. Dünyanın ən böyük bəstəkarının istifadə etdiyi fortepianoya özünü layiq görmədiyini söyləyərək, ona əlini belə vurmadı…

ARTHUR RUBİNSTEİN

Məşhur piyanoçu Arthur Rubinstein, barmaqları çox yorğun olduğu üçün, konsertlərindən sonra ondan imza istəyənlərin arzularını yerinə yetirməzdi.

Yenə bir axşam, konsertdən sonra, piyanistin dinləyicilərindən kiçik bir qız, piyanistin konsert salonundakı otağının önündə əlində kiçik bir imza dəftəri ilə gözləyirdi.

Piyanisti qapının eşiyində görününcə, yanına yaxınlaşaraq dedi:

-”Bilirəm barmaqlarınız çox yorğundur. Ancaq mənimkilər də elədir. Sizi alqışlamaqdan…”

Musiqinin uşaqlar və gənclər üzərindəki təsiri alimlər tərəfindən dəfələrlə isbatlanmışdır. Musiqinin insan həyatındakı rolu əvəzedilməzdir. Musiqi stresi azaldan vacib bir vasitə olaraq da istifadə edilməkdədir. Əgər stres davam edirsə ya seçdiyiniz musiqi janrı doğru deyil, ya da bu stresdən böyük problemlər ortaya çıxa bilər.

Hamımıza məlumdur ki, günümüzdə klassik, jazz, muğam, xalq musiqisi dinləyiciləri azalıb. 21-ci əsrin gəncləri pop, rock kimi musiqi janrlarına daha çox üstünlük verirlər. Hər kəsin öz zövqü istəkləri musiqini duyma qabiliyyəti vardır. Biz heç kimin musiqi seçiminə qarışa bilmərik. Sadəcə seçim etmədən əvvəl alimlərin apardığı bir təcrübəyə nəzər salaq.

Wilkes Universitetindən Carl Charnetski və Francis Brennanın çalışmalarına görə , musiqinin, hər notun belə özünə məxsus xüsusiyyətləri vardır və ona görə insan vücuduna təsir etməkdədir. Mikroplarla savaşan ağız suyu (tüpürcək), tər və göz yaşı kimi mayelərdə mövcud olan lgA (immunglobuin A)  musiqinin növünə görə fərqli miqdarlarda və tiplərdə ifraz olunmaqdadır. Araşdırmada dörd qrup şagird ayrılmış və hər qrupa fərqli musiqi dinlədilib, 30 dəqiqə sonra ağız suyundakı lgA  səviyyəsi ölçülmüşdür.

Nəticələr:                 

1. Klassik – 14% artım 
2. Jazz – 7.2% artım
3. Səssizlik – 1% azalma
4. Yüksək səsli, küylü musiqi – 19.7% azalma

Bu çalışmaya görə diskoteka dediyimiz yüksək səsli, hətta gurultulu musiqi mikroblarla savaşan əsgərlərimizin sayını azaltmaqdadır. Bu aparılan araşdırmaların çoxunda klassik musiqidən istifadə edilir.

Ancaq mütəxəssislər xalq musiqisinin və muğamların da insan psixologiyasına və sağlığına müsbət təsir göstərdiyini vurğulayırlar.

Gurultulu, küylü musiqilərin ( bunların başında rock gəlir) içərisində olan sərt melodiyalar isə insanlardakı neqativ hissləri ortaya çıxartdığı aşkarlanıb. Bu musiqilərdə vokalistin səsini müşayiət edən ritmlərin sərtliyinin gənclərə keçdiyini və dinləyicini sakitləşdirmək yerinə tam tərsi aqressiv hala gətirdiyini söyləyən mütəxəssislər küylü musiqilərin gəcləri çılğınlığa, üsyankarlığa vadar etdiyini vurğulayırlar. Rep, rock tərzli musiqilər dinləyib stres atdıqlarını söyləyən gənclər əslində tam tərsi olduğundan xəbərsizdirlər.

Musiqi insanlara təsir göstərir. İnsanlar isə millətin təmsilçiləridir. O zaman musiqi seçimimizi edərkən bunları nəzərə alaq. Bir millətin xarakterini anlamaq üçün onun musiqisinə baxınız…