Xəbərdə nevroloqlar alış-veriş alüdəçiliyinin müalicə oluna bilən psixoloji problem olduğunu bildirib.

Ehtiyacınız olmayan şeyləri alırsınızsa, pulunuz olmadıqda belə alış-veriş edirsinizsə alüdəçi ola bilərsiniz. (Şopokoliksinizmi?? Testimizlə özünüzü yoxlayın!)

Nevroloqlar əsl problemlərin, ehtiyaclar və qazanclar arasındakı tarazlığın pozulduğu zaman ortaya çıxdığını deyərək xəbərdarlıq edib.

Alış-veriş alüdəçiliyinin müalicəsi olan psixoloji bir problem olduğunu deyən mütəxəssislər, alınan əşyaların insanda yaratdığı qısa müddətli rahatlıq hissinin vaxt keçdikcə depressiya ilə əvəz olunduğunu bildirib.

Bu alüdəçilik depressiya ilə yanaşı maddə alüdəçiliyi və qida rejminin pozulmasına da səbəb ola bilər.

Evlenirik.Biz Mətbuat Xidməti

Təbii ki, bu ittifaq – ailənin əsasını təşkil edən nikah qarşılıqlı sevgi və inam hissinə arxalandıqda daha möhkəm olur. Ailə də öz növbəsində sağlam olmalıdır ki, cəmiyyət də sağlam olsun.

Psixoloqlara görə ailə xoşbəxtliyinin səkkiz şərti var. Ganca.az saytında həmin şərtlər sadalanıb. Evlenirik.Biz oxuculara həmin şərtləri təqdim edirik.

Psixoloqlar ailə xoşbəxtliyinin şərtlərini belə təsnifatlara ayırıblar.

1. Ailə həyatı ilə yaşamaq lazımdır. Bu sözlər ər və arvada eyni dərəcədə aiddir. Onlardan heç biri özünü həyat yoldaşından, uşaqlarından ayırmamalı və öz ömründə onların ömrünü yaşamalıdır. Ər-arvad ailənin sevinc və kədərini birlikdə yaşamalı, bir-birinin zövqünü, marağını və arzusunu nəzərə almalı, bir-birinin qayğısına qalmalı, asudə vaxtlarını bir yerdə mənalı keçirməli, öz xoşbəxtliklərini uşaqların səadətində axtarmalıdır.

2. Ər-arvad özlərinə övladlarının gözü ilə baxmalıdır. Ər-arvad bir-birinə təkcə ər-arvad kimi deyil, birinci növbədə, ana və ata kimi yanaşmalı, özlərinə övladlarının gözü ilə baxmalıdır. Bu yolla, eyni zamanda uşaqlarımızın psixi sağlamlığını qorumuş oluruq. Çünki onların əhvalı ana və atanın ovqatından asılıdır.

3. Xoş ünsiyyət (Yəni söz-söhbətsiz, giley-güzarsız, ixtilafsız ünsiyyət). Bu əlamətlərə görə, ailə xoşbəxtliyinin sirlərini müxtəlif istiqamətlərdə təhlil etmək olar. Ailə münasibətlərini xərçəng kimi içindən didən-dağıdan birinci hal deyingənlikdir. Qadının həmişə nədənsə narazı olması ailədə sakitliyi, əsl xoşbəxtliyi pozur və evə kədərli, soyuq ab-hava gətirir. Kişilər isə buna əhəmiyyət vermir, qadının nədən narazı olması ilə maraqlanmırlar. Bəs kişilər nə üçün deyinirlər? Həssas qadın həmişə bu suala cavab axtarır, evdə yersiz söz-söhbətin olmamasına çalışır. Ancaq o, öz təcrübəsində bir həqiqəti gec-tez kəşf edir ki, kişi deyinməyə sadəcə olaraq adət edib, deyinməsə darıxar. Psixoloqlar isə imkan daxilində deyinməməyi məsləhət görürlər. İkinci hal, ərin və ya arvadın bir-birini danlaması, tənqid etməsidir.

4. Həyat yoldaşının əhval və ovqatına həssaslıqla yanaşmaq lazımdır. Onun sevincinə şərik olmaq, dərdilə yaşamaq gərəkdir. Həyat yoldaşının hisslərini bütün zərifliyi ilə başa düşmək və ona həyan olmaq əslində ər-arvadlıq istedadıdır.
Psixologiyada başqa adamın sevincini, dərd-sərini sezməyə, ona şərik olmağa, bu emosional halların təsiri ilə yaşamağa empatiya (empateya – latın sözü olub, «hisslərlə yaşama» mənasında işlədilir) deyilir. Onun kökünü rəğbət hissi təşkil edir. Tanımadığımız, ancaq xoşladığımız, bəyəndiyimiz adamların halına belə, tez acıyırıq.

5. Etibar: ər və ya arvad bir-birinə etibar etməli, inanmalıdır. Etibar olmayan yerdə sədaqət də, vəfa da öz dəyərini itirir. Ər arvada, arvad da ərə inanmadığı üçün bir-birində qiymətli keyfiyyətləri görmür, görsələr də, onu başqa meyarlarla qiymətləndirir. Həmişə səmimi olmaq, həyat yoldaşından heç nəyi gizlətməmək, hər şeyi açıq etiraf etmək, yalan danışmamaq lazımdır. Qısqanclıq, ər və ya arvadı güdmə, telefon söhbətlərinə qulaq asma, cibini və ya çantasını xəlvəti axtarmaq və kim bilir daha nələr, ailə həyatının ab-havasını tədricən zəhərləyir.

6. Bir-birini anlama. Ər-arvadın bir-birini başa düşməsi onların sədaqəti ilə bağlıdır. Lakin bu iki amili eyniləşdirmək olmaz. Ailə münasibətlərinin inkişafında onlardan hər birinin öz yeri var. Ərlə arvadın bir-birini başa düşməsi və anlaması ailənin normal həyatı üçün olduqca zəruridir.

7. Normal intim həyat. Ər-arvad həyatının çox mühüm bir sahəsi onların intim münasibətləri ilə bağlıdır. Məhz bu münasibətlər sahəsində ərlə-arvad bir-birini təmin etmədikdə ailədə söz-söhbət, dava-dalaş üçün şərait yaranır, ailə münasibətləri tədricən pozulmağa başlayır, kişi və ya arvad evdən soyuyur, hətta kişinin gözü başqa qadınlarda qalır. Həkimlər bunu seksual uyğunsuzluq kimi qiymətləndirirlər. Mütəxəssislərin hesablamalarına görə, boşanmaların təxminən 30%-i məhz seksual uyğunsuzluq zəminində baş verir.

8. Və… öz Evlərinin olması. Psixoloqlar bu məsələdən danışarkən “Ev” sözünü böyük hərflə təsadüfən yazmırlar. Burada söhbət hər hansı bir yaşayış sahəsindən deyil, ailə münasibətlərini öz hərarəti ilə isidən doğma evdən gedir. Bu ocaq bənzərsiz, təkrarolunmazdır.

Psixoloq Azad İsazədə bu məsələlərlə bağlı fikirlərini Lent.az saytında bölüşüb. İsazədənin sözlərinə görə, ailə fərdi anlayışdır. Hər kəsin ailəsi özünəməxsus xüsusiyyətləri, daxili “qanunları” ilə müxtəlif ola bilər. Amma bütün ailələrdə ilk növbədə hər iki tərəf – ər və arvad bir-birini başa düşməlidir: “Söhbət ondan getmir ki, ər qadını döyür, yoxsa döymür, spirtli içkilər içir, ya içmir. Əgər ər-arvad bir-birini başa düşürsə, səhvlərini görüb ona göz yumursa, o ailədə inkişaf ola bilər. Başa düşməyəndə ailədə bir növ lider və onun tabeliyində olan insanlar yaranır. Ailə münasibətləri hegemonluğa, diktatorluğa çevrilməməlidir. Bütün məsələlər, problemlər ailədə birgə müzakirə olunmalıdır. Məsələn, ən xırda nümunələr göstərim. Evdə xörəyi qadının bişirməyi cəmiyyət tərəfindən birmənalı qəbul olunub. Amma qadın axşam yoldaşından, uşaqlarından sabah onlar üçün hansı yeməyi bişirməsini istədiklərini soruşur. Ya da başqa bir misal. Kişi maşın almaq istəyəndə niyə ailə üzvlərindən soruşmasın ki, məsələn, maşın nə rəngdə, hansı markada olsun. Onsuz da çox vaxt nəticə etibarilə kişi öz istədiyini edir. Amma ən azından qadının ürəyində xal qalmır, fikrinin soruşulması ona xoş təsir bağışlayır”.

Azərbaycan reallığında isə ailədə adətən kişi obyektiv və subyektiv qərarlar qəbul edir. Psixoloq deyir ki, bəzən xanım da lider rolu oynayır: “Əlbəttə söhbət vaxtilə kişinin “saqqızını oğurlayan” qadınlardan gedir. Belə hallarda qərarı guya kişilər qəbul edir, amma arvadının təsiri altında edir. Azərbaycan ailələrində və cəmiyyətimizdə başqa bir problem də var. Biz daha çox öz sözümüzü deməyə çalışırıq, bir-birimizi eşitmək istəmirik. Bunun özü də bir problemə yol açır. Bu, son vaxtlar tok-şoularda daha çox gözə çarpır. Əslində hamısı eyni fikri deyir, amma öz bildikləri kimi. Bir-birlərinə diqqətlə qulaq asmadıqlarına görə isə bunu başa düşmür”.

Ailədə qısqanclıq hallarının olmasına gəlincə, Azad İsazadə bunu normal hal kimi qəbul edir. Çünki qısqanc olmayan insan yoxdur. Amma qısqanclığın da həddi olmalıdır və onu daxilən nəzarət altında saxlamaq lazımdır: “Biz özümüz qısqanclıq hissini idarə etməliyik. Qoymamalıyıq ki, qısqanclıq bizi idarə etsin. Çünki qısqanclıq elə bir hissdir ki, xərçəng xəstəliyi kimi insan beynini içəridən yeyir. Və bu hiss ailələri dağıdır, faciəli nəticələrə gətirib çıxarır. Hətta qısqanclıq üstündə bir-birini sevən cütlüklər ailə qurmaq fikrindən də daşınır və ömürlərinin sonuna kimi bədbəxt olur. Çünki özünəinam hissini itirir”.

Evlenirik.Biz Mətbuat Xidməti

1. Uşağın suallarına səbrlə və doğru cavab verin.

2. Uşağın suallarını və dediklərini ciddi qəbul edin.

3. Uşağa məxsusi onun işləri üçün otaq və ya künc ayırın.

4.Uşağa öz işlərini və nailiyyətlərini nümayiş etdirmək üçün yer tapın.

5. Yaradıcılıq prosesi ilə bağlı stoldakı səliqəsizliyə görə uşağı danlamayın. Lakin bitirdikdən sonra iş yerini qaydaya salmağı ondan tələb edin.

6. Uşağı olduğu kimi, müvəffəqiyyət və nailiyyətlərinə görə deyil, şərtsiz sevdiyinizi və qəbul etdiyinizi göstərin.

7. Uşağa gücü çatan işləri və qayğıları tapşırın.

8. Ona öz planlarını qurmaqda və qərar qəbul etməkdə kömək edin.

9. Ona öz işinin nəticələrini yaxşılaşdırmağa kömək edin.

10. Maraqlı yerlərə gedəndə uşağınızı özünüzlə aparın.

11. Uşağınızın müxtəlif mədəni təbəqələrdən olan həmyaşıdları ilə ünsiyyətdə olmağına kömək edin.

12. Onun nöqsanlarını göstərərək başqaları ilə müqayisə etməyin.

13. Uşağınızı alçaltmayın, özünüzdən pis olduğunu ona hiss etdirməyin.

14. Uşağınızı sərbəst düşünməyi öyrədin.

15. Sevdiyi məşğuliyyətləri üçün kitablarla, oyunlarla və digər lazım olan əşyalarla uşağı təmin edin.

16. Uşağı əhvalatlar qoşmağa və fantaziyasını işlətməyə həvəsləndirin.

17. Az yaşlarından uşağınızı müntəzəm mütaliə etməyə həvəsləndirin.

18. Uşağın tələblərinə diqqətlə yanaşın.

19. Ümumi ailə işlərinin birgə müzakirəsinə uşağı da cəlb edin.

20. Səhvlərinə görə uşağa təhqir edərək kimi gülməyin.

21. Səy və zəhmətinə görə tərifləyin.

22. Müxtəlif yaşlı böyüklərlə ünsiyyətdə olmağı ona öyrədin.

23. Uşağınızı daha çox öyrənməyə, müşahidə etməyə həvəsləndirin.

24. Uşağa “lazımsız əşyalarla” oynamağı qadağan etməyin. Bu onun təxəyyülünü stimullaşdırır.

25. Problemləri aşkar edib, həll etməyə uşaqda həvəs oyadın.

26. Uşağın konkret əməllərinə tərifləyin ( bunu səmimi edin)

27. Uşağın müzakirə etdiyi mövzulara sərhəd qoymayın.

28. Uşağa sərbəst qəbul etdiyi qərarlara görə məsuliyyət daşımağa imkan verin.

29. Uşağa şəxsiyyət olmağa kömək edin.

30. Maraqlı televiziya və radio verilişlərini tapmağa kömək edin.

31. Uşağın bacarıq və istedadlarını aşkar edib inkişaf etdirin.

32. Böyüklərə hörməti itirmədən onlardan asılı olmamağı öyrədin.

33. Uşağınızın sağlam şüuruna inanın və etibar edin.

34. Çalışın ki, başladığı işin əsas hissələrini uşaq özü yerinə yetirsin, hətta müsbət nəticəyə tam inamınız olmasa belə.

35. Uşağınızın inkişafı ilə bağlı müşahidələrinizi gündəliyə yazın və beləliklə, onun inkişaf prosesini təhlil edin.

Artıq günümüzdə yalan danışmaq adi bir hal alıb.

İnsanlar yalan danışmağa adi bir şey kimi baxırlar. Birisinin sənə yalan danışmağının qarşısını ala bilməzsən amma səni aldadıb aldatmamağın anlaya bilərsən. Belə ki dünyaca məşhur psixoloq David J. Liberman da elə nəşr olunmuş kitablarının birində bu mövzuya yer ayırıb. Kitabın hər bölümündə yalanın bir üzünü ortaya qoyan Lieberman kitabdakı yeni taktikalar sayəsində hər kəsin ona yalan söylənib söyləmədiyin anlaya biləcəyini bildirib.

YALAN DEYİRSƏ…

Libermanın araşdırmalarına görə birinin yalan deyib demədiyini bu şəkildə anlaya bilərik :

-Yalan danışan insan göz təmasında qaçır, göz-gözə gəlməmək üçün əlindən gələni eləyir.

-Yalan danışan ya da həqiqəti gizlədən insan əllərindən və qollarından daha az istifadə edir.

-Ona sual verildikdə əllərini bərk-bərk sıxırsa ya da ovucları aşağı baxırsa bu yalanın xəbərçisidir.

-Əllərini üzünə və ya boynuna doğru apara bilər ancaq bədəni ilə təması sadəcə bundan ibarətdir.

-Verdiyi cavab səbəbi ilə rahat olduğunu göstərməyə çalışan insan yerli-yersiz çiyinini atar.

-İnsanın söylədiyi sözlər arasında bəzən səhvlər olur. Baş hərəkətləri mexanikidir.

-Məəttəl qalmış, qorxmuş ya da sevinmiş rolu oynayırsa üzündə əmələ gələn ifadələr sadəcə ağız bölgəsində olacaqdır.
[ad#468x15 text]
-Yalan danışan insan oturmuş ya da ayaq üstə durmuşsa danışıq sırasında kürəyini dik tutmayacaq.

-Onu ittiham edən insandan uzaqlaşmaq istəyərkən böyük ehtimalla baxışları qapıya doğru çevriləcək.

-Danışdığı insanla çox az fiziki təmas qurar ya da heç toxunmaz.

-Şəhadət barmağını inandırmaq istədiyi insana tərəf  yönəltməz.

-Özünü ittiham edən insanla arasına əşya qoymağa çalışar.

- Bilincində olmadan həqiqi duyğular, düşüncələr səhvən ağzından çıxmağa başlayar.

-Qarşısındakı insanı danışdığı hekayəyə inandırmağa çalışana qədər əlavə bilgilər verməyə davam edər.

-Suala əslə birdəfəlik cavab verməz dolaylı yollarla ifadə edər.

-Yalan danışan insan “mən”, “biz”, və “bizim” kimi əvəzlikləri daha az istifadə edir ya da heç istifadə edir.

-İşlətdiyi sözlər açıq və aydın olmaya bilər.

- Verilən suala həddən artıq reaksiya verər.
[ad#468x15 text]
-Yalan danışan insan sizin verdiyiniz sualların hamısına cavab verər ancaq özü sizə sual verməz.

David J. Libermanın araşdırmalarına görə yalan söyləyən insan, mövzu dəyişdiyinə sakitləşər, özünü rahat hiss edər.

-Haqsız yerə günahlandırıldığında hirslənməz.

-”Sözün düzü”, “düzünü desəm”, “niyə yalan deyim ki?” kimi cümlələr istifadə edir.

-Sualı əvvəlcədən düşünmüş və cavabı hazırlamışdır.

-Sualınızı təkrar etmənizi istəyər ya da suala sualla cavab verər.

-Fikrinizi dağıtmaq üçün zarafat eləyər ya da ələ salar.

-Daha ətraflı açıqlama verməsi lazım olan mövzuları adi bir şeymiş kimi danışar.

Çalışın aldatmayın və aldadılmayın. Yalandan uzaq durun!

YALANÇININ EVİ YANDI HEÇ KƏS ONA İNANMADI.

Onu hamı sevirdi. Qətiyyətli idi. Heç vaxt tələsik qərar qəbul etməzdi. Tələsik qərarların gec tez insanı çətin vəziyyətdə qoyduğunu bilirdi. Ondan bu vərdişi nece qazandığını soruşan adamlara isə uşaqlığında baş verən bir hadisəni xatırladırdı. Dediyinə görə, çox çılğın bir uşaq olub.

 Tez özündən çıxır və təbii ki , bu vəziyyətdə qəbul etdiyi qərarlar bir qayda olaraq səhv olurdu. Bir gün atası onu yanına çağırdı. Əlindəki qutunu ona uzadaraq: “Oğlum, səndən bir xahişim olacaq. Son zamanlar çox əsəbi görünürsən. Halbuki səni özündən çıxaran məsələlərin çoxu kiçik və bəsit hadisələrdir.

Sənə bir təklifim olacaq. Bu qutunu al və səni özündən çıxaran bir məsələ olanda  o andakı hisslərini yazib, bu qutuya at. Bir ay sonra qutunu aç və yzdıqlarını oxu. Onda bir vaxtlar böyütdüyün məsələlərin nə qədər əhəmiyyətsiz olduğunu görəcəksən” dedi. O, atasının dediyi kimi də etdi və hər özündən çıxanda hisslərini yazib, qutuya atdı.

Ay başa çatmamış qutu dolu idi. Kağızların bəzilərini oxuyanda gülürdü. Bunlar o qədər xırda şeylər idi ki… İndi o vaxtlar atasının nəsihətini dinləyib, özünü cilovlaya bildiyi üçün şükür edirdi.

QEYD:Psixoloqların fikrinə görə, əsəbi olarkən kiməsə demək istədiklərinizi yazin və bu sizi sakitləşdirəcək , amma sora yazdıqlarınızı oxuduqda sizə çox bəsit və gülməli gələcək.

Əslində bəlkə də belə bir qutuya da çoxlarınızın ehtiyacı var…

Aşağıda 8 rəng var. Bu rəngləri ən sevdiyiniz rəngdən ən sevmədiyiniz rəngə doğru sıralayın və 1-dən 8-ə qədər nömrələyin:

mavi,

sarı,

qırmızı,

yaşıl,

boz,

qara,

bənövşəyi

və qəhvəyi

Daha sonra mənalarını oxuyun..

MAVİ:

Ahəngdarlığın və sədaqətin rəngidir. Maviyə ilk sırada yer verənlər həssas, həmçinin əmin-amanlıq axtaran insanlardır. Həyatları həmişə “nəzarət altında”dır. Problemsiz bir  həyat arzusundadırlar və bunun üçün çoz şeyi fəda etməyə hazırdırlar. adi həyatda olduğu kimi ailə həyatında da mühavizəkadırlar. Əgər mavi rəng siyahınızda son sıradadırsa, bu sizin monotonluğun əleyhinə olduğunuzu göstərir. Həmçinin çərçivələr və məhdudiyyətlər sizin üçün deyil.

SARI:

Sarıya 2-ci,3-cü və 4-cü siralarda yer verənlər nikbin adamlardır.Həyatı asan dərk edirlər və həmişə gələcəyə ümidlə baxırlar.Problemlərdən uzaq olmağa çalışırlar. Ancaq bu, heç də onların təmbəl olması demək deyil. Hətta sariya 1-ci sırada yer vermisinizsə bu, sizin çətinlikdən qoxmayan,qətiyyətli bir adam olduğunuzu göstərir. Əgər sarı rəng siyahınızda axırıncı yerdədirsə, özünüzü ümidsiz və təcrid olunmuş hiss edirsiniz. Tez-tez özünüzə qapılırsınız.

QIRMIZI:

Yüksək arzular həmçinin, yüksək enerji deməkdir. Qırmızıya ilk sırada yer verənlər qətiyyətli, enerjili adamlardır. yaxşı lider olurlar.İşləməyi bacardıqları kimi,yaşamağı da bacarırlar. Əgər qırmızı rəng siyahınılzda 7-ci və ya 8-ci sıradadırsa, deməli, sizdə macəra çox azdır.

YAŞIL:

Dözümlülük və mühafizəkarlıq deməkdir. Əgər ilk rənginiz yaşıldırsa, deməli inadkar admsınız. Həmişə uğur qazanmaq istəyirsiniz. Qiymətli şeylərə sahib olmaq, hətta onları yiğmaq meyliniz ola bilər. Tanınmaq istəyirsiniz, ancaq qorxursunuz. Əgər yaşıl rəng siyahınızda son sıralardadırsa bu sizin qürurunuzun sındığını götərir. Sizdəki tənqidəmeyllilik bununla bağlıdır.

BOZ:

Birtərəf və neytral rəngdir. Əgər ilk rənginiz bozdursa, deməli, heç kimdən asılı olmadan müstəqil olmaq istəyirsiniz. Hissləriniz, düşüncələriniz hər dəqiqə dəyişə bilər. “Çoxluğun” içərisində əriməyi istəmirsiniz. İşi görməyi yox, işi görənlərə tamaşa etməyi üstün tutursunuz. Boz rəngə son sıralarda yer verənlər isə, əksinə ünsiyyətə meylli adamlardı. Kollektivçilik ruhu onlarda daha güclüdür. Belə adamlar məqsədlərinə nail olmaq üçün bütün yolları sınaqdan keçirirlər.

QARA:

Qara qisa bir ifadə ilə “YOX” deməkdirşbu rəngə ilk sırada yer verənlər(hansıki bu çox nadir haldır) bədbin olsalar da qətiyyətli və inadkardırlar. Qara rəng siyahınızda 2-ci yerdədirsə, məqsələriniz, arzularınız üçün hər şeydən imtina edə bilərsiniz. Əgər ilk rənginiz sarı,2-ci rənginiz qaradırsa, deməli həyatınızda əsaslı dəyişikliklər etməyə hazırsınız. adi halda qara rəngə son sıralarda yer verirlər və bu adamın öz taleyi ilə barışdığını göstərir.

BƏNÖVŞƏYİ:

Daxili ziddiyyətlərin rəmzidir. Bənövşəyi rəngə ilk sıralarda yer verənlər daha çox xəyalpərəst adamlardır. Belə adamlar intellektləri ilə də başqalarından fərqlənirlər. Bənövşəyi rəngə də qara rəng kimi daha çox son sıralarda yer verirlər. bu isə onların hər dəqiqə həqiqətlə üzləşməyə hazır olduqlarını göstərir. onları fərqləndirən başqa bir cəhət isə möhkəm xarakterə malik olmalarıdır.

QƏHVƏYİ:

Əgər qəhvəyi rəngə ilk sıralarda yer vermisinizsə, bu sizin sağlamlığınıza qarşı çox diqqətli olduğunuzu göstərir. Həmçinin belə adamlar narahat xarakterləri ilə seçilirlər. Əgər qəhvəyi rəng son sıralardadırsa(məsələn 4-cü və ya 5-ci sırala kimi) deməli, sağlamlığınızla ancaq lazım olduğu qədər maraqlanırsınız. Əgər qəhvəyi rəng son sıralardadırsa, deməli sağlamlığınızla kifayət qədər maraqlanmırsınız. Digər tərəfdən, güman etdiyiniz qədər sağlam olmaya bilərsiniz. Buna görə də müayinədən keçsəniz yaxşı olar.

Sualları “bəli” və ya “xeyr” deyə cavablandırın.

1. Müsbət hadisələrin zövqünü yaşayıram, neqativ hadisələrdən dərs çıxarıram. (inanma gücü)

2. Hələ ki, elə de bilmədiyim hədəflərimdən narahat oluram, planlı, nizamlı, və səbrlə çalışaraq hədəfimə çatıram.(inanma gücü)

3. İnsanları ürəkdən sevirəm, maraqlandığım kifayət qədər dostum var.(duyğu gücü)

4. Özümü başqaları ilə müqayisə etmərəm, özümlə yarışar, əlimdəki dəyərlərin fərqinə vararaq şükür edərəm.(qənaətbəxş olma gücü)

5. Müqəddəs hisslər içində səssizliyə çəkilə bilər, ürəkdən dua edə bilərəm. (duyğu gücü)

6. Boş oturmağı, lazimsız yuxu, yararsız məşğuliyyətləri sevmirəm. (israr gücü)

7. Mən və başqaları xəta edərkən reaksiyamı gecikdirər, səbəblərini analiz edərək məntiqi mövqe tutaram. (iradə gücü)

8. Haqsızlıq etməməyə diqqət edərəm, amma qarşıma çıxan hər kəsi razı etmək məcburiyyəti hiss etmərəm.

9. Özümü “mənliyim” ilə birgə səvər, özümə dəyər verər, inkişafıma diqqət yetirərəm.

10. Keçmiş neqativ hadisələrdən dərs alıb tezliklə unudaram və həmişə gələcəyə baxaram. (israr gücü)

11. Pulu dəhşətli dərəcədə sevirəm. İsrafdan kənar durar,eqoist zövqümün əsiri olmaram (qənaətbəxş olma gücü)

12. Ən çətin şərtlərdə Yaradana və gücümə güvənər, daxilə qapanmaq əvəzinə fəaliyyətə keçərəm.

TESTİN NƏTİCƏLƏRİ: “BƏLİ “cavablarınızın sayını hesablayın. Buna uyğun olaraq

1-3 arasında isə; Özünüzü çox pis hiss edirsiniz. Ruhi gücünüz aşağıdır. Bu baxımdan dəyişməlisiniz.

4-7 arasında isə; Həyat yavaş -yavaş sizə ağır gəlməyə başlayır. Müsbət tərəflərinizi inkişaf etdirin.

8 və daha çox; Çox güclüsünüz asanlıqla məğlub olmazsınız. Həyatı sizinlə bölüşmək çox gözəldir.

YAXŞI PSİXOLOQSUNUZMU?

1.Acı ədviyyatlı yeməkləri xoşlayırsınızmı?

bəli-3         xeyr-2

2.Bəzən dişlərinizi yumağı unudursunuzmu?

bəli-4        xeyr-1

3.Bəzən olurmu ki, sevincdən tavana hoppanmaq istəyirsiniz?

bəli-4       xeyr-2

4.Yığıncaqda özünüzü yaxşı hiss edirsinizmi?

bəli-2       xeyr-1

5.Özqonaqlarınızla məşğul olmağı bacarırsınızmı?

bəli-3      xeyr-2

6.Krassvord həll etməyi xoşlayırsınızmı?

bəli-1      xeyr-4

7.Gimnastika ilə məşğul olursunuzmu?

bəli-3      xeyr-1

8.Başınız tez- tez ağrıyır?

bəli-1    xeyr-2

9.Melonxonik əhval ruhiyyədə tez -tez olursunuz?

bəli-4    xeyr-1

10.Həmişə eyni saç düzümündə gəzirsiniz?

bəli-4       xeyr-1

11.Sakit, səssiz şəraitdə işləməyi sevirsinizmi?

bəli-4      xeyr-1

TESTİN CAVABI:

20 baldan az I tip

21-25bal II tip

25 baldan çox III tip

I – Tip- siz yığıncaqları sevmirsiniz, sakitliyə və təmiz havada gəzintiyə üstünlük verirsiniz. Axşamı səs küylü yığıncaqlarda keçirtməkdən daha çox evdə və ya təbii şəraitdə dostlarınızla ünsiyyət sizi sevindirir.O na görə də tanışlarınız fikirləşir ki, siz darıxdırıcı insansınız.

II – Tip-insanlara daha tez öyrəşirsiniz. Əhvalınız həddən artıq dəyişkəndir. Bəzən kədərli, bəzən son dərəcə şən.

III – Tip-tanışlarınız hiss edirlər ki, yığıncaqlarda siz əvəzedilməz və son dərəcə laımlısınız.Yumor hissiniz var. Başkalarına yüksək əhval ruhiyyə yaratmağa kömək edirsiniz. Maraqlı əhvalatlar danışmaqdan xoşunuz gəlir.

1 –  Məktəbdə ikən hansı dərslərə daha çox üstünlük verirdiniz?

a) Humanitar fənlərə

b) Texniki fənlərə

2 - Hansı idaman növünə üstünük verirsiniz?

a) F’ərdi olana

b) Qrup halında olana

3- Gördüyünüz yuxunu olduğu kimi xatırlayırsınız?

a) Əksər hallarda

b) Nadir hallarda və ya əsla

4 – Danışarkən:

a) Çox mimika və hərəkətlərdən istifadə edirəm

b) Az mimika və hərəkətlərdən istifadə edirəm

5 – Əllərinizi birləşdirin. Sağ baş barmağınız

a) Üstdədir

b) Altdadır

6 – Saata baxmadan real vaxtı təyin etməyə çalışın.

a) Təxmin ettiyimdən 10 dəq çox fərq var.

b) Təxmin ettiyimdən 1-10 dəq arası fərq var.

7 - Daha çox:

a) İnsanların üzünü xatırlayıram.

b) İnsanların adını xatırlayıram.

8 – Qələmi gözünün qarşısında olan düz bir yerə qoyun.Sol gözünüzü bir neçə dəfə bağlayıb- açın.Qələminiz yerini dəyişdirdimi? Sonra sağ gözünüzləhərəkəti eyni ilə təkrar edin.

Qələminiz:

a) Sol gözünüzü bağladıqda yer dəyişdirdi.

b) Sağ gözünüzü bağladıqda yer dəyişdirdi.

TESTİN  CAVABI:

Əyər a variantınln sayı b variantından çoxdursa, sağ, b variantının sayı a variantından çoxdursa sol yarımkrəniz daha inkişaf edib deməkdir.

Sağ yarımkürənin xüsusiyyətləri:

1. Daha yaradıcı olurlar.

2. musiqiyə qulaq asmağı xoşlayırlar.

3. İybilmə duyğu üzvü daha çox inkişaf edib.

4. Rəng və görmə xüsusiyyətləri inkişaf edib.

5. İncəsənətlə bağlı fəaliyyətlərdə iştirakı çox sevirlər.

6. Onları idarə etmək çətindir.

7. Xəyalpərəstdirlər.

8. Hissi ilə hərəkət edirlər, hadisələri təfərruatı ilə düşünmürlər.

9. İnsanlarla sosial əlaqələrio qədər də geniş deyil

Sol yarımkürənin xüsusiyyətləri:

1. Məntiqi hərəkət edirlər.

2. Təhliletmə xususiyyətləri inkişaf edib.

3. Şüurlu hərəkət edirlər.

4. Riyazi əməliyyatları həll etmə bacarıqları kifayət qədər inkişaf edib.

5. Xarici dilləri öyrənməkdə bacarıqlıdırlar.

6. Asanlıqla idarə edilən tiplərdir.

7. İnsanlarla münasibətləri olduqca genişdir.