Yay günlərimizin çox isti başlaması ilə problemləri də bərabərində gətirdi.  Radio xəbərlərindən paytaxtda gün vurma hadisələrinin artdığını eşidib bu sahədə Evlenirik.Biz olaraq araşdırma edib Sizlərlə bölüşmək istədik. Xəbəri oxuyub dostlarınızla mütləq bölüşün!

Gün vurmasının göstəriciləri nələrdir?

Yüksək dərəcəli istilik və nəm nəticəsində bədən istiliyinin tənzimlənə bilməməsi nəticəsində bəzi problemlərin yaranmasına xalq dilində “gün vurma” deyilir.  Bu zaman müşahidə olunanlar:

• Əzələ yığılması,
• Halsızlıq,
• Yorğunluq,
• Baş gicəllənmə,
• Hal hərəkətdə pozulmalar, əsəbilik
• Solğun və isti dəri
• Həddindən çox tərləmə (daha sonra azalır)
• Mədə ağrıları, qusma, bulantı
• Şuurunda pozulma, xəyal görmə
• Nəbzin yüksəlməsi

Gün vurarkən ilk təcili tibbi yardım necə olmalıdır?

• Xəstə sərin və havalanan bir yerə aparılır,
• Paltarları çıxarılır,
• Arxa üstü uzadılır,
• Əl və ayaqlar yüksəldilir,
• Bulantısı yoxsa və şuuru açıq isə tuz itkisini tənzimləmək üçün 1 litr su-1 çay qaşığı soda, 1 çay qaşığı duzlu məhlul içilir.

Gün vurması kimlər üçün daha risklidir?
Gün vurması müəyyən xəstəliyi olan və ya yüksək həssaslığı olan insanlar üçün daha tez özünü biruzə verir. Bu insanlar;

• Ürək xəstələri,
• Təyziq xəstələri,
• Şəkər xəstələri,
• Xərçəng xəstələri,
• Normal kilonun çox altında və çox üzərində olanlar,
• Psixoloji ya da ruhi əsəb xəstəliyi olanlar,
• Böyrək xəstələri,
• 65 yaşından yuxarı insanlar,
• 5 yaşından aşağı uşaqlar,
• Hamilələr,
• Tez-tez düzgün olmayan diyet tətbiq edənlər,
• Kifayət qədər su içməyənlər

İsti yay günlərində gün vurmasından qorunmaq üçün nələr etmək məsləhətdir?

• Xüsusilə şapka, günəş eynəyi və çətir kimi günün işığından qoruyacaq aksesuarlardan istifadə edilməlidir,
• Mövsümə xas açıq rəngli tərlətməyən yüngül geyimlər geyinilməlidir,
• Bol mayə qəbul edilməlidir,
• Bədən təmiz saxlanmalıdır,
• Hər yemək vaxtı kifayət qədər kalorili qida yeyilməlidir,
• Lazımsız və diqqətsiz dərman içilməməlidir,
• Bir başa günəş aldında qalınmamalıdır,
• Bağlı məkanların tez-tez havalandırılmasını təmin etmək gərəkir.

Evlenirik.Biz Mətbuat Xidməti

Yaz-yay ayları üçün xüsusi bir diyetimiz var.

15 günlük şok bir proqramla 1 həftədə 3 kilo arıqlaya bilərsiniz. Evlenirik.Biz sizlərə, Lent.az saytının “ensonhaber.com” saytına istinadən verdiyi məqaləni təqdim edir. Məqalədə həftədə 3 kilo arıqlaya biləcəyiniz 15 günlük şok bir pəhriz proqramı təqdim edilir.  Evlenirik.Biz olaraq bu məlumatın informasiya xarakterli olduğunu və tətbiq etməmişdən əvvəl mütləq bu sahədə mütəxəssis olan həkimlə məsləhətləşməyin vacibliyini nəzərinizə çatdırırıq.

Kök ağırlıqlı bu pəhrizlə dəriniz daxildən qidalanaraq hamar bir görünüşə qovuşacaq və artıq çəkiniz əriyəcək. Həftədə 1-2 kilo arıqlaya biləcəksiniz. Bu pəhrizin bir başqa xüsusiyyəti də zamanın vəbası xərçəngə qarşı təsirli olmasıdır. Xüsusilə də dəri xərçənginin son illərdə artması kök pəhrizinin əhəmiyyətini daha da artırır.

BAZAR ERTƏSİ
Səhər: 1 çay qaşığı cem çəkilmiş 3 nazik dilim qızarmış çörək, 1 fincan çay və ya qəhvə
Ara pay: 150 qr təzə meyvə
Nahar: 200 qr taxıl əlavəli qatıq, 1 kasa qarışıq meyvə
Axşamüstü: 1 stəkan meyvə şirəsi
Şam: 100 qr balqabaqlı plov, 150 qr qarışıq mövsüm salatı, 1 stəkan mineral su və ya su

ÇƏRŞƏNBƏ AXŞAMI
Səhər: 200 qr təzə meyvə, 1 fincan çay və ya qəhvə
Ara pay: 1 kasa yağsız qatıq
Nahar: 1 stəkan meyvəli süd, 150 qr təzə meyvə
Axşamüstü: 1 kasa limonlu pudinq
Şam: 200 qr qızartma toyuq və ya hinduşka, 200 qr qaynadılmış balqabaq və kök, 1 stəkan mineral və ya adi su

ÇƏRŞƏNBƏ
Səhər: 1 çay qaşığı bal çəkilmiş 1 dilim kəpək çörəyi, 1 fincan çay və ya qəhvə
Ara pay: 150 qr təzə meyvə
Nahar: Qatıqlı tərəvəz püresi, 1 təzə meyvə
Axşamüstü: 1 meyvəli dondurma
Şam: 200-250 qr az yağlı balıq, 200 qr qaynadılmış tərəvəz, 4-5 pəhriz biskviti, 1 stəkan mineral və ya adi su

CÜMƏ AXŞAMI
Səhər: 1 stəkan südlü qəhvə
Ara pay: 1 stəkan təzə meyvə şirəsi
Nahar: 1 paket pəhriz biskviti, 150-200 qr təzə meyvə, 1 stəkan mineral su
Axşamüstü: 1 fincan çay
Şam: 100 qr pomidorlu makaron, 200 qr qatıqlı badımcan salatı (yağsız), 1 stəkan mineral və ya adi su

CÜMƏ
Səhər: 1 fincan südlü qəhvə, 1 çay qaşığı bal çəkilmiş 3 nazik dilim qızarmış kəpək çörəyi
Ara pay: 1 stəkan təzə meyvə şirəsi
Nahar: 200 qr qaynadılmış tərəvəz, 1 stəkan pomidor suyu
Axşamüstü: 1 fincan çay
Şam: 2 qaynadılmış yumurta, 150 qr qaynadılmış təzə paxla, 1 stəkan mineral və ya adi su

ŞƏNBƏ
Səhər: 1 kasa qatıq, 1 fincan çay və ya qəhvə
Ara pay: 200 qr təzə meyvə
Nahar: 150 qr sadə pizza, 1 stəkan mineral su
Axşamüstü: 1 kiçik meyvəli dondurma
Şam: 100 qr quru paxla yeməyi, 100 qr kartof və 150 qr ispanaq əlavəli şorba,
1 stəkan su

BAZAR
Səhər: 1 fincan çay və ya qəhvə, 1 kasa kompot
Ara pay: 1 stəkan qreyfurt suyu
Nahar: 200 qr qatıq
Axşamüstü: 1 paket pəhriz biskviti
Şam: Bir neçə diş sarımsaq, 1 şorba qaşığı zeytun yağı, 1 acı bibər əlavəli 6 şorba qaşığı makaron, qatıq, 1 stəkan mineral su.

Evlenirik.Biz Mətbuat Xidməti

Evlenirik.Biz “Aysel” Jurnalındakı məqaləni sizlərə çatdırır. Qədim Yunanıstanda kişinin göz yaşını göstərməsində eyib heç nə yox idi. Ötən əsrin ortalarında psixoloqlar əmin edirdilər ki, göz yaşları stress və psixosomatik xəstəliklərlə mübarizə aparmağa kömək edir. Sonralar araşdırmalar nəzəriyyəni təsdiqlədi. Bir neçə on illər cəmiyyət güclü və qəhrəman kişi – emosiyasız terminatora pərəstiş edir. Amma kişilər anadan olandan ağlayırlar. Körpələrin göz yaşları gözü infeksiyadan qoruyur. Göz yaşı sosial siqnal kimi ətrafdakıların diqqətini və dəstəyini cəlb etməyə yönəlir. Hətta yanınızda heç kim olmasa belə göz yaşlarınız Allaha müraciət olunmalıdır.

Göz yaşının sağlamlığa faydası çoxdur: gözdən çıxan bioloji aktiv maddələr yaraların tez sağalmasına və ağrını kəsməyə qadirdir. Göz yaşları ilə bərabər təkcə qəm-kədər yox, həm də toksinlər, yəni zəhərli maddələr xaric olunur. Ağlayanda 43, güləndə isə 17 üz əzələsi hərəkət edir. Kişilərin sağlamlığı naminə onları arabir ağlatmaq lazımdır!

Kardioloqların fikrincə, ağlamaq ürəyə xeyirdir. Bəzi kişilər hisslərini boğanda ürəkləri zədə alır. Bu da infarkta səbəb olur. Ağlayanda isə bütün mənfi emosiyalar göz yaşı ilə birgə bədəndən xaric olur və insana rahatlıq gətirir. Ona görə də ağlamaq istəyəndə ağlayın. Bu sizi sakitləşdirəcək. Kişilərin dilindən bir sirri açaq – kişilər sevdiyi qadının kədərinə göz yuma bilmirlər. Onlar qadınlara nisbətən 30% daha çox təsirlənə və kədərlənə bilirlər. Gizlin bir yerə çəkilib ağlamağı üstün tutan kişilər “kişilər ağlamaz” yalanının qurbanıdırlar. Psixoloqların fikrincə, oğlan uşaqlarının kiçik yaşlarından belə böyüdülməsi çox yanlışdır. Bu tərzdə tərbiyə alan uşaqlar gələcəkdə sevgilərini və hisslərini ifadə etməkdə çətinlik çəkirlər. Bəzən öz duyğularını ifadə edə bilmədiklərindən kişilərin qadınların köməyinə ehtiyacları olur. Onun kədərli olduğunu görəndə, hər hansı probleminin olub-olmamasını soruşun. Sizin onunla maraqlandığınızı görüb dərdini bölüşməyə istəkli olacaq. Sizin etibarınızı qazanandan sonra isə duyğularını rahatlıqla anlatmağa başlayacaq.

Kişilər hansı halda ağlayırlar?

Arzuları puç olanda – Özlərini və hisslərini ifadə edə bilmədikdə baş verənlərə ağlayaraq reaksiya verirlər. Bununla da mənfi duyğuları özlərindən kənarlaşdırmış olurlar.

Yaxınları vəfat edəndə – Onlar köməksiz qalacaqlarını hiss edirlər. Yaxınlarının ölümü ilə barışmaq kişilərə heç də asan başa gəlmir. Onlar uzun müddət tənhalığa qapanır, real həyatdan uzaqlaşırlar.

Eşqə düşəndə – Sevgi elə bir duyğudur ki, heç kəs ona qalib gələ bilmir. Hətta ən güclü görünənlər belə eşq qarşısında diz çökürlər. Kişilər sevdikləri insana hisslərini aça bilməyəndə göz yaşına boğula bilərlər.

Sevdiklərindən ayrılanda – Bu zaman kişilər üçün dünya bitmiş olur. Yadda saxlayın ki, tərk edilmə ağrısı yalnız qadınları incitmir. Kişilərdən fərqli olaraq, qadınlar tərk ediləndə çəkinmədən ağlaya və kədərlərini başqaları ilə bölüşə bilirlər. Kişilər isə tərk edildikləri haqda heç kəslə danışmırlar, özlərinə qapanırlar. Sakit bir yerə çəkilib ağlamaqla sakitləşirlər.

Ata olanda – Kişilər istədikləri qədər soyuqqanlı görünmək istəsələr də, ata olduqlarını bildikləri an sevincdən ağlayırlar. Hər kişi nəslini davam etdirəcək bir oğlu olduğunu biləndə xoşbəxt olur. Sevinc göz yaşları da bu xoşbəxtliyin bir parçasıdır.

İşini itirəndə - Kişilərin işsiz qalması həyatlarında çox ciddi problemlər yaradır. Öz iş həyatını qurmaq üçün gecəsini gündüzünə qatıb əzmlə çalışan kişilər işlərini itirdikdə göz yaşı tökə bilərlər. Ailə qayğısı, yeni bir iş tapmaq və s. kimi problemlər kişiləri stresə salır. Hər hansı bir problemin qarşısında aciz qalmaq istəməyən kişilər işdən qovulanda bir müddət özlərinə gələ bilmirlər.

Azarkeş olduqları komanda uduzanda. Kişilər futbola vurğun olurlar. Komandalarının məğlubiyyəti onları məyus edir. Üstəlik də çarəsiz qalırlar və heç bir şey edə bilmirlər. Bu vaxt onlar yumruqlarını bərk sıxıb, gözlərindən yaş da axıda bilərlər.

İtləri öləndə - Kişilər sadiq heyvanın onları həyatda qeyri-şərtsiz sevən tək varlıq olduğunu düşünürlər. Vəfalı dostunun yoxluğu onlara çox pis təsir edə bilər.

Qeyd edək ki, qadınların kişilərə nisbətən daha uzunömürlü olmaları vaxtında ağlaya bilmələri ilə də izah olunur.

Evlenirik.Biz Mətbuat Xidməti

Son dövrlərdə insanlar arasında saçın kimyəvi boyalarla rənglənməsi prosesi geniş dəb halını alıb. Demək olar ki, artıq insanların daimi vərdişinə çevrilinə bu halın mənfi təsirləri də çoxdur. Həkim dermatoloq Azər Qocayevin sözlərinə görə, bu gün daha çoxda qadınlar kimyəvi saç boyaları arasında amonim tərkibli rənglərə üstünlük verir. Bu növ saç boyalarına üstünlük vermələrinin səbibi həmin rənglərin daha tez effektiv təsir göstərmələridir. Amma bu növ boyaların müsbət təsirindən çox mənfi fəsadları olur. Belə ki, amonim tərkibli saç boyalarında toksiki təsir daha çoxdur. Yəni bu, baş dərisindən bədənə hoparaq qanda zəhərlənmə yaradır, eyni zamanda tükün folekullarını məhv edir. Nəticədə saçın tökülməsi baş verir. Hətta bədxasəlli şişlərin əmələ gəlməsinə səbəb olur.

Dermatoloq həmçinin kimyəvi saç boyalarından 23-24 yaşında olan gənclərin istifadə etməməsini məsləhət görür. Çünki boyalar saçı tez yandırıb sıradan çıxarır. Bundan başqa saçın tez-tez boyanması da məsləhət deyil. “Boya alanda onun tərkibinə baxmaq lazımdır. Əgər amonimsiz boyadırsa, 10-gündən bir hissəvi, amonimli boyadırsa, 2 aydan bir qoyulmalıdır”.

Saçın sağlamlığının qorunması üçün fenlə qurudulma prosesinə də diqqət yetirilməlidir. Ümumiyyətlə fen baş dərisində qan dövranını gücləndirir. Həkimin sözlərinə görə, fen saçdan 30 sm aralıda tutularaq qurudulmalıdır. Saçın tez-tez qurudulmasının da mənfi təsiri var. Fendən hər gün bir neçə dəfə istifadə saçın dibini yandıra bilər.

A.Qocayev bununla yanaşı saçın tökülməsinin başqa səbəblərini də izah edir. Onun sözlərinə görə, buna endokrinoloji, ekoloji, stress və qidalanma faktorları aiddir. Kişilərdə isə əsasən genetik və androgen amillərdir. Androgen faktorlar kişi hormonlarının çox olması ilə izah olunur. Saç tökülməsinin qarşısının alınmasından da danışan həkim dermatoloq bunun üçün ilk növbədə təbii boyalardan yəni xına, basmadan istifadəni məsləhət görüb. “Xına qan dövranını yaxşılaşdırır, tükün folekullarını stimullaşdırır. Tük güclənir, tükün öz təbii rəngini vermə imkanını artırır”, deyə A. Qocayev qeyd edir.

Evlenirik.Biz Mətbuat Xidməti

Çox insan bunun üçün ağır pəhriz saxlamaq vacibliyini düşünür. Ancaq indi artıq çəkidən azad olmağın daha asan yolu var -”düzgün qidalanma”.

Türkiyənin “Hürriyət” qəzetinə əsasən “ANSPress.com” yayınlanmış məqaləni nəzərinizə çatdırırıq.

1.Qidanı yavaş-yavaş çeynəyin
Vaxtınız olmasa belə önünüzdəki yeməkləri sürətlə yeməyə çalışmayın. Yemək vaxtı ən azı 20 dəqiqə olmalıdır. Çünki beynin “toxam” siqnalını verməsi üçün bu müddət vacibdir. Əgər yemək sürətlə qəbul edilsə, siz daha çox qida qəbul edə bilərsiniz ki, bu da artıq çəki deməkdir.

2. Hər yeməkdən öncə su için
Hər gün 1,5-2 litr su içməyi vərdiş halına salın. Gün ərzində içilən su həzmi sürətləndirir. Amma bu suyu bir dəfəyə deyil, gün ərzində içməlisiniz. Yeməkdən öncə içilən bir stəkan su aclıq hissini azaldır. Yemək zamanı isə sudan istifadədən çəkinin. Yeməkdən ən azı 1-1,5 saat sonra su için.

3.Tərəvəzə üstünlük verin
Yeməklərinizdən ən azı birində tərəvəzlərin üstünlük təşkil etməsinə diqqət edin. Bununla həm bağırsaqlar daha yaxşı işləyir, həm də az kalori qəbul etmiş olursunuz. Məsələn, ətin həzm edilməsi 3-4, tərəvəzin həzm edilməsi isə 2 saat çəkir. Tərəvəzi bir dilim çörəklə yesəniz, bu sizi daha uzun müddət tox saxlaya bilər.

4.Porsiyalarınızı kiçildin
Bir porsiya deyəndə ağlınıza dolu boşqab gəlməsin. Məsələn bir porsiya meyvəyə yarım banan, bir mandarin, kiçik alma və heyvanın 1/4-i daxildir.

5.Şirniyyata “embarqo” qoyun
Mütəxəssislər şirniyyatdan həftədə 1-2 dəfə istifadə etməyi məsləhət görürlər. Çünki şirniyyat yeyərkən 300-350 kalori qəbul edilir, qan şəkəri sürətlə yüksəlir, sonra sürətlə düşür. Bundan sonra insan daha çox acır. Şirniyyatın yerinə pendirli sendviç və ya meyvə sizi daha uzun müddət tox saxlayacaq. Yox əgər ürəyinizdən şirniyyat keçirsə, paxlava və şəkərbura kimi bol kalorili bişmələrin yerinə az kalorili südlü şirniyyatlar qəbul edə bilərsiniz.

6. Müxtəliflik yaradın.
Hər bir qida məhsulunun tərkibində müxtəlif vitaminlər, minerallar var. Bunun üçün də yeməklərdə müxtəliflik yaratmağa çalışın.

7.Yağları “qadağan olunanlar” siyahısına salmayın.
Arıqlamaq uğrunda yağlardan vaz keçməyin. Çünki yağlar uzun müddətli toxluq hissi yaradır. Ancaq hərəkətli həyat tərzi keçirmirsinizsə ət, pendir və qatıq kimi qidalar qəbul edin və doymuş yağlardan az istifadə etməyə çalışın.

8.Karbohidratdan vaz keçməyin
Artıq çəkidən azad olmağa qərar verənlərin əksəriyyəti ilk olaraq karbohidratlı qidaları süfrədən yığışdırır. Ancaq həm düzgün qidalanmaq, həm uzun müddət tox qalmaq, həm də günlük enerjimizin 50-60 faizini əldə etmək üçün karbohidratlı qidalara ehtiyacımız var. Məsələn, ət və yanında salat yeyəndən sonra bədənimiz kifayət qədər enerji ala bilmədiyi üçün 1,5 saat sonra yenidən acacağıq. Ancaq bunun əvəzinə kəpək çörəyi, buğda makaronu, paxla kimi qidalar daha uzun müddətli toxluğu təmin edir. Bununla da siz əlavə yeməkdən və artıq çəkidən azad olmaq üçün daha bir addım atırsınız.

9.Yeməkləri ötürməyin.
İstər səhər yeməyi, istər nahar, istərsə də şam yeməyini ötürmək arıqlamaq demək deyil. Çünki bir yeməkdən imtina digər yeməklərin artmasına və artıq kilolara səbəb ola bilər. Bunun üçün gündə 3-ü əsas olmaqla, 5-6 dəfə qidalanmağa çalışın.

10.Süfrəyə gec oturmayın
Xüsusilə axşam yeməyini gec saatlara qədər təxirə salmayın. Saat 19:00-da süfrəyə oturmaq ən ideal variantdır. Yatmazdan ən azı 4 saat əvvəl qida qəbul etməyə çalışın. Şam yeməyində az kalorili və tez həzm olunan yeməklərə üstünlük verin.

11.Qızartmayın, soyutma edin.
Artıq çəkidən azad olmaq üçün yeməklərin bişirilmə şəkli önəmlidir. Qızartma yerinə soyutmaya üstünlük verin. Qızartma yeməkləri həftədə 1-2 dəfəyə kimi azaldın.

12.Proteini çoxaltmayın.
Proteindən istifadədə ifrata varmayın. Çünki çox protein çox yağ mənasına gəlir. Bu da həzmə mane olur. Artıq proteinin böyrəklərin fəaliyyətinə də mənfi təsir etdiyini unutmayın.

Evlenirik.Biz Mətbuat Xidməti

Aclıq hissetdiyiniz vaxt yağlı yeməklər yerinə bir ədəd banan yeyə bilərsiniz.Bi çox qidadan daha az yağ və şəkər ehtiva edər.

2- Yumurta

Həftədə 12 və daha artıq yemədiyiniz təqdirdə yumurta protein ehtiyacı üçün idealdır. Proteinli qidalar daha sizi daha çox tox tutar.

3- Badam

Fındıq və badamın yemək ehtiyacını azaldan bir qida olduğunu Türk həkimləri vurğulamaqdadır. Badam turşu və protein olaraq zəngindir. Bir ovuc badam sizi uzun bir aclıqdan qoruyar.

4- Avakado

Düşünüldüyündən tam tərs olaraq içindəki doymamış yağ turşuları və protein sayəsində sizi xeyli tox tutar.

5- Püstə əzməsi

Qovrulmuş püstə əzməsinin tərkibində şəkər, əlavə duz və hidrogenləşmiş yağ yoxdur. İçindəki protein və doymamış yaölar həm sağlıqlıdır həm də tox qalmanıza köməklik göstərər.

6- Yulaf əzməsi

Yulaf əzməsi çox az miqdarda şəkər və çox miqdarda lif ehtiva edir. Hazırlanması da olduqca asan olan bu əzmə sizi saatlarca tox tutabilər.

7- Alma

Almalar çox geniş lif mənbəyidir. Gündə bir dənə alma yesəniz mədəniz liflə dolacağı üçün hər zaman yemək yeməyi düşünməyəcəksiniz.

Evlenirik.Biz Mətbuat Xidməti

Ağlamaq ürəyə yaxşı təsir göstərir.

İnsanın ən əhəmiyyətli orqanlarından biri olan göz narahatlıqlarının önündə göz yaşı kanalının tutulması durur. Lent.az Türkiyə mətbuatına istinadən bildirir ki, ölkənin tanınmış oftalmoloqlarından Harika Çevikel göz yaşı kanalı tutulmasının ən çox körpələrdə və qadınlarda rast gəldiyini, bunun da gözdə infeksiyaya səbəb olduğunu bildirib.

Göz yaşı kanalı tutulması ilə yanaşı, gözdə quruluğun da sağlamlıq üçün problem olduğu yazılarkən, aparılan araşdırmalarda zaman-zaman ağlamağın faydalarının da olduğu öyrənilib. Gözyaşının tərkibindəki bir maddə əgər heç axmazsa, göz quruluğu narahatlığına səbəb olur. Hərdən ağlayan adam beləcə bu xəstəliyə tutulmaqdan xilas olur. Xüsusilə kədərlənən zaman ağlamaq ürəyi daha az yorur. Çünki gözyaşı axıtmaqla kədərli olarkən sıxışan ürək damarları açılır. Ağlayaraq bir çox xəstəliyin əsas düşməni olan stresslə başa çıxa bilərsiniz. Çünki bu duyğu təəccüblü olsa da xoşbəxtlik hormonlarını hərəkətə gətirir.

Kədərli olduğu günlərdə gözyaşı tökən insanlar rahatlayaraq daha yaxşı yuxu alırlar. Sıxıntılı və ya sevincli olduğu zaman təzyiqi düşən, ya da qalxan adam ağladıqda təzyiqi normal vəziyyətə dönür. Ağladıqda bədəndəki stress hormonları göz yaşları vasitəsilə bədəndən uzaqlaşır və bir az sonra rahatladığını hiss edir.

Harika Çevikel körpələrdə gözyaşı kanalı tutulmasının masaj tətbiq olunaraq aradan qaldırıldığını söyləyib: “Körpələrdə göz yaşı kanalının tutulması zamanı ilk 1 il masaj tətbiq olunur. Masaj burun kökündən aşağı doğru sığallayaraq həyata keçirilir. Gündə 4 dəfə 15 dəfə olmaqla bu masaj hərəkətini etmək lazımdır. Masajla kanalın öz-özünə açılma ehtimalı 95 faizdir. Ancaq bu, mütləq işin mütəxəssisi tərəfindən edilməlidir”.

Evlenirik.Biz Mətbuat Xitməti

Qaranlıq qışın yerini canlı bahar günləri almağa başlayır. Bahar ruhumuzu da qaranlıqdan çıxarıb canlandırmaq üçün ən ideal zamandır. Qış boyunca alınan çəkilər, yaşanan iş stressi və problemlərdən yaranan depressiya baharın enerjisi ilə sona çatır.

Lent.az. “internethaber.com”  saytına istinadən Reem Nevroloji Mərkəzinin həkimi Mehmet Yavuzun məsləhətlərini sizlərə çatdırırıq. Həkim yaz aylarının stress, depressiya və artıq çəkidən azad olmaq üçün çox yaxşı bir fürsət olduğunu söyləyir və ruhumuzu təmizləməyin yollarını izah edir.

Belinizi dik saxlayaraq, oturun və ya ayaq üstə durun. Yavaş və dərin-dərin nəfəs alın. Havanın bədəninizə dolması ilə qarnınız şişəcək. Nəfəs almanızı hiss etmək üçün əlinizi qarnınıza qoyun. Daxilə mümkün olduğu qədər hava doldurduqdan sonra bir neçə saniyə müddətində nəfəsinizi saxlayın. Sonra bir şam üfləyirmiş kimi nəfəsinizi dodaqlarınızın arasından verin. Bunu dörd-beş dəfə təkrarlayın və sonra da bir neçə dəqiqə sakitcə oturun.

Sevdiyiniz işlərlə məşğul olmaq stressi azaltmanıza köməkçi olacaq. Nələrdən xoşunuz gəldiyinə qərar verin və bunları davamlı olaraq etməyə çalışın.

Daha əvvəl davamlı məşq etməmisinizsə, artıq yavaş-yavaş başlayıb tədricən artıra bilərsiniz. Məşqə avtomobilinizi gedəcəyiniz yerdən xeyli uzaqda saxlamaqla, lift əvəzinə nərdivandan istifadə etməklə başlaya bilərsiniz.

Evdə bağ və ya ev işləri ilə məşğul olun. Qısa bir gəzinti belə stresslə mübarizədə olduqca köməkçi olacaq. Daha aktiv olmaq üçün nələr edə biləcəyinizin siyahısını hazırlayın. Hər həftə və ya iki həftədə bir siyahınıza yeni şeylər əlavə edin.

Qidalanma vərdişinizi dəyişdirin. Səhər naharı edin. Məsələn, əgər iki qab yemək yeyəcəksinizsə, onlardan birinin salat olmasına diqqət yetirin. Bol-bol su üçün. Mümkün olsa hər gün eyni saatda yuxudan durun. Yeməkdən sonra dişlərinizi fırçalayın.

İdmanı həyatınıza daxil etməyə çalışın. Məşqə vaxt tapa bilmədiyiniz, ya da məhdud zaman ayıra bildiyiniz təqdirdə isə gündəlik həyatınıza daha enerjili və aktiv hala gətirə biləcək kiçik detallar qatın.

1. Açıq hava gəzintilərini və oksigenin çox olduğu yerləri seçin.
2. Qısa məsafələrdə maşından istifadə etməyin, gəzməyə üstünlük verin.
3. İş yerinizdə, evdə liftin yerinə nərdivanlardan istifadə edin.
4. Xüsusilə oturaq işiniz varsa, arada yerinizdən qalxıb gəzin, gün ərzində bədəninizi hərəkətsiz buraxmayın.
5. Hər gün mütləq duş alın. Suyun müalicəvi təsirini unutmayın.

Evlenirik.Biz Mətbuat Xidməti

1. Hamiləlik dövründə dərinin quruması və ya tündləşməsi təbiidir. Buna görə də, çalışın ki, dəriniz həmişə təmiz və nəmli olsun. Bunun üçün sabun əvəzinə təmizlik losyonlarından, isti su əvəzinə isə ilıq sudan istifadə edin.
2. Üzmək hamilə qadınlar üçün ən yaxşı idmandır.
3. Harmonlar diş ətlərini yumşaltdığı üçün dişlərinizlə bağlı problemlər meydana gələ bilər. Buna görə də, hər yeməkdən sonra dişlərinizi fırçalamağı unutmayın.
4. Hamiləlik dövründə gecələr ən azı 8 saat yatın. Günortadan sonrakı “gözəllik yuxusu” isə sizə rahatlıq gətirər.
5. Hamiləlik çatlarının qarşısını almaq mümkün deyil. Ancaq nəmləndirici kremlərlə dərinizin “elastikləşməsinə” nail ola bilərsiniz.
6. Hamiləlik dövründə fiziki hərəkətlər etmək istəyirsinizsə, mütləq həkiminizlə məsləhətləşin. Çalışın, bu hərəkətlər sizi yormasın.
7. Hamiləliyin 18-ci həftəsinə doğru əzələlərin boşalması və bağırsaqların “tənbəlləşməsi” qəbizliyə səbəb ola bilər. Bunun üçün təzə meyvə, kəpəkli qidalar, çörək və makaron qəbul edin.
8. Hamiləlik dövründə çəki artdığı üçün qarın nahiyəsində qaşıntılar əmələ gəlir. Belə hallarda krem və yağlarla dərini masaj edə, qan dövranını sürətləndirərək qaşıntını aradan qaldıra bilərsiniz.
9. Hamiləlikdə bəzi qadınların dırnaqları çatlayır və ya sınır. Narahat olmayın. Sadəcə olaraq qab yuyarkən əlcək geyin ya da krem və losyonlardan istifadə edin.