Həyatımızın ən unudulmaz, ən gözəl, keçdiyi kimi geri qaytarılması mümkünsüz olan günləri vardır yaşamımızda, hansı ki, xatirələrə köçürürük zamanla o anları. Çəkdirdiyimiz fotolar, video çarxları o günlərin necədə əvəzsiz olduğunu hər dəfə onlara baxarkən bizə qısa xatırlatma edir. Lakin günlər vardır ki, qədrini belə bilməmişik və o anları nə çəkilişlərə, nə də kadrlara köçürmüşük və hər zaman o günlərin unudulacağı təhlükəsi ilə yaşamışıq. Amma varlığından asılı olmayaraq yaddaşımıza xatirə tək həkk olunan hadisələr baş verdiyi yeri və vəziyyəti ilə üstündən illər keçməsinə rəğmən qarşımıza canlı şahid kimi çıxır.

Sıralarımızda çoxları oldu keçmiş günlərini unutmaq istəyən və yaşadığı xatirələri həyatından silmək istəyənlər, çoxları oldu bir zamanlar canlı şahidi olduğu ən xoş hisslər keçirdiyi o yerlərdən indi gözü yumulu keçib getmək istəyənlər, çoxları oldu o yerlərdən keçərkən göz yaşlarına hakim ola bilməyənlər, çoxları oldu o yerlərə nifrətlə baxıb bugünkü həyatına şükür edənlər. Amma insanıq, güclü iradəmizə, həyat eşqimizə və sınmayan qürurumuza güvənib qəddimizi əymədən keçib getdik o yerlərdən və bir zamanlar canlı şahidimiz olan o yerlər indi cansız xatirəmizə döndürmüşük.

Sıramızda çoxları oldu həyatında keçmiş adlandırdığı və xatirəyə çevirdiyi o anlarda bu gün yaşayanlar, çoxları oldu ötən zamanını əhəmiyyətli itki adlandırıb o anları əbədiləşdirənlər, çoxları oldu xatirələrinə hörmətlə yanaşıb cansız məkanları sınaq məkanına çevirənlər.

Nə yaşadıqsa, nələr gördüksə bu gün, o dünənin xatirəsini əks etdirdiyi halda sabahın yeni ümmanı oldu. Bizi xatirələrimizə daima hörmətlə yanaşırıq və itirdiyimiz günlərin ən azı xatirəsi ilə yaşamağı bacarırıq. Xoşbəxtik ki, bunu bacarırıq.

Sən də xatirəni qoru saxla çünki öz-özünlə tək başına qaldığında təsəlli olacağın xatirən var olsun!

Qış bu il gözləniləndən daha tez gəlmiş oldu. Bu da bərabərində bir çox problemləri özü ilə gətirdi. Payız və qış aylarında gəlinlərimizə özlərini soyuqdəymədən qorumaq üçün bəzi məsləhətlər verəcəyik.  Əlbəttə ki, heç kim toy günündə xəstə olmaq istəməz. Əslində immun sistemi zəif olan, tez-tez soyuqlayan adamlar bəzi ölkələrdə çox sevilən yolu seçib qrip və soyuqdəymə əleyhinə peyvəndlərdən istifadə edə bilərlər. Ancaq nəzərə alsaq ki, bu ən az 1 ay əvvəldən olmalıdır (peyvənddən 10-15 gün sonra immun sistemi inkişaf etməyə başlayır) və siz bunu etməmisinizsə o zaman Evlenirik.Biz məsləhətləri ilə tanış olmaq üçün məqaləmizin ardını oxumağa davam edin.

Ən başlıcası geyiminizə fikir verin. Havanın dəyişkən olduğunu nəzərə alıb geyiminizi elə seçməlisiniz ki, nə tərləyəsiniz, nə də soyuq olmasın. Havanı mülayim görüb yüngül geyinməyə tələsməyin, çünki axşama yaxın hava təmamilə dəyişə bilər.

Ayaqlarınızı soyuqdan ve yaş olmaqdan qoruyun. Əgər ayaqlarınızda soyuqluq hiss etsəniz axşam yatmazdan öncə pəncə altına yod məhlulu ilə xəttlər çəkib pambıq corab geymək lazımdır. Bu 2-3 gün davam etməlidir. Yatmazdan öncə südlə bal içmək və ya bir qaşıq bal yemək də mübarizədə köməyinizə çatar. Ümumiyyətlə təbabətdə baldan çox istifadə edilir. Balı artıq xəstələnmiş insan içdikdə belə səhər özünü gümrah hiss edir.

Yuxunuzu tam alın və vaxtında qidalanın. Hər gün yatıb yuxunuzu almağınız, düzgün qidalanmağınız da vacib ünsürlərdən biridir. Epidemiya zamanı orqanizm təzə meyvə, tərəvəz, təbii şirələr, ağartı məhsulları daha çox qəbul etməlidir. Əks halda orqanizmin mikroblarla mübarizəsinə gücü yetməz.

Yaxın təmaslardan uzaq durun. Xəstəliyə yoluxmanın digər növü başqa xəstə ilə təmasda olmaqdır. Əgər evinizdə yaşayan qohumlarınızdan kimsə xəstələnibsə çalışın ona bütün təhlükəsizlik tədbirlərini yerinə yetirən bir nəfər qulluq etsin. Həmin adam təhlükəsizlik maskasından istifadə etməlidir ki, digərlərini yoluxdurmasın. Xəstəyə isə birdəfəlik dəsmallar (kağız salfetlər) versin və mütəmadi olmaqla istifadə olunmuş dəsmalları atsın.

Yadınızda saxlayın ki, zəif orqanizm bu xəstəliyə hava yolu ilə daha tez yoluxur. İctimai və qapalı yerlərdə çox olursunuzsa, nəqliyyat vasitələrindən çox istifadə edirsinizsə ağzınızda mixək, portağal və ya limon qabığı saxlayın – bu üsulla da bir çox mikroblardan qorunmaq olar. Bu zaman əlinizlə burnunuza, ağzınıza, gözünüzə toxunmayın. Evə gəldikdən sonra mütləq əllərinizi yuyun. C vitamini ilə zəngin olan itburnu dəmləməsi və ya zoğal mürəbbəsiylə isti çay içsəniz soyuqlama canınızdan çıxar. Bunu ana və nənələrimizdən də eşitmiş olarsınız.

Evlenirik.Biz məsləhətlərinə əməl etsəniz xəstələnməzsiniz və toy gününüzü arzuladığınız kimi unudulmaz keçirərsiniz.

Hər zaman sağlam olun! 

Dünya sevgi üzərində qurulduğu üçün bəzən insan sevgidən əzab da çəkir, başqa-başqa həyat tərzinə sahib olan insanlar sevgi alovu ətrafında pərvanə kimi dolanırlar və bir gün toqquşurlar. Yaxınlıq onlarında həyatını alovun istisini hiss etməyə gətirib çıxarır.

Evlenirik.Biz sevgidən yaranan bir hissdən danışaraq, bu gün qısqanclıq daşıyan xanımları hədəf almışdır.

Boş yerə deməyiblər ki, qadın zərif varlıqdır. Nə qədər güclü olsa belə kövrək qəlbə sahibdir, tək təsəlisi ağılı məsləhət və şirin sözlərdir. Qısqanclıq səhnələrinin əsas baş rol ifaçısı xanımlar olduğu üçün bəylərimizin diqqətinə bir sıra təkliflərimizi çatdırırıq.

Əgər xanımınız sizi hər şeyə qısqanırsa, bütün hərəkətlərinizdə sizi sorğu sual edirsə, hər dəqiqə sizin harda olduğunuzu soruşub sizi incidirsə bunu anlayışla qarşılayın çalışın hər bir şeyi ona düzgün şəkildə başa salın. Ən əsasıda odur ki, qısqanc keyfiyyətlərə sahib olan birinə heç bir zaman yalan danışmağa çalışmayın çünki bu halda daha çox etibarınızı itirmiş olursunuz və çox getməz siz sevdiyinizidə itirmək təhlükəsi ilə üzləşərsəniz. Ona heç nəyi izah etməyə çalışmayın çünki o sizi dinləməyəcək sadəcə olduğu kimi yaranan anlaşılmazlığın səbəbini söyləyin və onun sizin ən zəif nöqtənizin nə olduğunu tapmasına imkan verməyin əks halda o hər zaman onun üstünə basaraq keçəcək və bu vəziyyət sizi bezdirmək halına gətirib çıxardacaq.

Qısqanc xanımla mülayim tonda danışın, yüksək ton onun alovlanmasın səbəb olacaqsan alçaq ton onu özündən çıxaracaq. Telefonla zəng edib sizin nə işlə məşğul olduğunuzu, harda olduğunuzu soruşarsa ona bunu gizli şəkildə ifadə etməyin aydın formada və normal sən tonu ilə “mən indi məşğulam sonra sənə zəng edərəm” deyərək adını çəkib sagollaşın, o hiss etsin ki sizin yanınızda əks cinsin nümayəndəsi olsa belə siz yalnız ona dəyər verirsiniz.

Qısqanc sevgilisi və ya həyat yoldaşı olan bəylərin ilk növbədə inam hissini qazanmaları vəziyyətdən çıxış yolundan biridir çünki bunu duyan xanım müəyyən müddət keçdikdən sonra qısqanclıq hisslərini inam hissi ilə əvəz etməyə başlayacaq, daxilən əzab çəksə belə lakin sevdiyinə olan inamdan onu başqa şeylər düşünmək fikrindən çəkindirəcək. İnam və sübut olunmuş sevgi ən yaxşı metodlardır. Bu proses uğurla nəticələnərsə demək olar ki, bundan sonra bəyləri rahat həyat tərzi gözləyir.

Qısqanc xanımlar daima diqqət tələb edirlər, onlara olan diqqət azaldıqda düşünürlərki, bəylərinin həyatında başqa xanım var və bu zaman onlarda qıcıqlanma hissləri yaranır, hər bir vəziyyətdə bəhanələr uydurub dava dalaş edirlər. Sonra özlərinə qapanıb göz yaşı axıdırlar. Lakin həyat yoldaşınız yanınızda ağlayarsa ona yaxınlaşıb ülvi hisslərinizdən söz açın, onun gözünün yaşına qıymadığınızı dilə gətirin, nə olursa olsun ondan ayrılmazsınız kimi sözlərlə onu ovundurun, əks halda çırpılan qapılar, dönük sifətlər, səs küy onları depresiyaya sala bilər.

Qısqanc xanımlar sevdikləri ilə məlumat mübadiləsi etməyi sevirlər, hər hansı bir mövzu ətrafında müzakirələr apararlar sonu isə əks cinsin ona olan diqqətini yoxlamaq üçün fikirlər irəli sürüb onun reaksiyasını öyrənməyə çalışırlar, çalışın onu unutmayasınız və sizdə onun qısqanclıq hərəkətləri qarşılığında özünüzü çəkmədən ona qarşı tələbkar olduğunuzu vurğulayasınız “sənə olmaz”, “sən mənə tabesən”, “sən artıq azad deyilsən həyatında mən varam”, “sən tək deyilsən bir yerdə həll edək” kəlmələrindən istifadə edin, icazə verin ki onlar sizdən istədikləri sevgi reaksiyasını ala bilsinlər.

Qısqanc xanıma sahib olan bəylər hər zaman səbirli, təmkinli olsalar bu onların həyatlarını düzgün nizmalamağa böyük təsir göstərəcək. Hörmətli bəylərimiz unutmayın ki Qısqanclıq hissləri sevgidən yaranır və bu hissi də qiymətləndirməyi bacarın ki sonra onu itirdikdən sonra yaralı ürəyiniz ilə axtarmayasınız.

Evlenirik.Biz

İstirahət üçün hər şey hazırdır. Hələ bir də yay eşqi yaşayım deyə fikirləşirsinizsə, bilməyinizin vacib olduğu bəzi şeylər var! Yay ayı oğlanların da ova çıxdığı bir vaxt olduğu üçün ovlanmadan əvvəl gələ biləcək təhlükələrə nəzər salın! Evlenirik.Biz-in bu sahədəki məsləhətlərinə mütləq qulaq asın!

1) 3-lükdə gəzənlər:

Bu oğlanlar tamamilə  el dilində desək qız bişirmək yəni  qız ovlamaq üçün gəzən silahdaşlar kimidirlər. Bir yox, iki yox amma üç rəqəmi ehtiyat edilməsi vacib olan sayıdır. Bir-birlərindən qətiyyən ayrılmazlar. Gündüz yatıb gecələri gəzərlər. Biri qız tapan kimi digərləri də qızın rəfiqələri ilə əlaqə yaradırlar.

2) Gitaralı oğlanlar:

Gitaranı bir alət olaraq deyil qız ovlamaq vasitəsi kimi istifadə edən oğlanlardan söhbət gedir. Bu oğlanlar qışda gözəl bir repertuar hazırlayıb yayda sahillərə hücum edənlərdir. Qızların arxasınca gəzməzlər və özlərini rahat göstərməyə çalışarlar. Gecələr sahildə gitarada ifa edərlər, sadəcə romantik ifalar və qızları özlərinə çəkərlər. Tələyə düşməyin, əsasən ürəyinizi oğurlayıb sonrada yoxa çıxarlar.

3) Ağ şalvarlı oğlanlar:

Bu oğlanlar yay gələn kimi açıq rənk geyinmək lazım olduğunu nə vaxtsa, hardasa eşidiblər. Və cazibəli görünmək üçün ağ şalvar və qara köynək geyinməyi üstün tutarlar. Hələ hələ bu şalvar kətandırsa. Diqqət edin bu tip oğlanlar bəsitdirlər və çox kobud ola bilirlər.

4) Şəmsiyyə oğlanlar:

Bu oğlanlar pilyaja səhər saatlarında gəlib, kölgəlik yerləri tutar, günəş eynəklərin taxıb ovlarını gözləməyə başlayırlar. Qəzet oxuyaraq  ətrafla maraqlanmırlarmış kimi göstərirlər. Sahildə insanların çoxalmağa başladığı bir vaxtda “bağışlayın bura boşdur” deyən qızlara məmnuniyyətlə yer verərək diqqət çəkərlər. Bəyənmədikləri qız yaxınlaşan zaman isə xeyir doludur deyərlər. Bəzən isə küləkdən çevrilən  şəmsiyyələrə kömək edərək söhbət açarlar.

Evlenirik.Biz Mətbuat Xidməti

Sevdiyiniz insana güvənməyiniz və hər şeyi onunla paylaşmaq istəməyiniz çox gözəldir… Lakin bu hər zaman çox da düzgün yol deyil; bəzi şeyləri deməməyiniz və ya yalan deməyiniz (daha doğrusu söhbəti fırlatmağınız) münasibətləriniz üçün daha yaxşı olar! Evlenirik.Biz məsləhətlərini oxuyub münasibət bildirin.

Düşünün ki, bir-birinizi çox sevirsiniz, hər şey yolunda gedir və ailə qurmağa hazırlaşırsınız. Bu mərhələdə özünüzü güvəndə hiss edib sevdiyiniz insanla hər şeyi paylaşmaq istəyə bilərsiniz.

Dayanın! Çünki bu əlaqələrinizin əvvəlində sizin haqqınızda olan əlçatmaz və sirli fikirləri öldürə bilər. Bu mərhələdə bəzi şeyləri özünüzdə saxlamağınız sizin xeyrinizə olacaq. Heç olmasa müəyyən bir vaxta qədər…

Yalan 1

Əlaqə yaratdığınız oğlanların sayı iki əlin barmaqlarının sayını keçməz!

Sevdiyiniz insanın ondan əvvəl maraqlı bir əlaqəniz olduğunu bilməsi münasibətlərinizi dəyişə bilər və onu əvvəl həyatınızda olan insanla müqayisə edəcəyinizi fikirləşə bilər.

Bəs sevdiyiniz insan belə bir sual verərkən nə etməlisiniz? Suala sualla cavab verərək sualdan yayına bilərsiniz. Əgər bütün cəhdləriniz alınmazsa barmaqlarınızı göstərərək sayın, ürəkdən gülün və söhbəti dəyişdirin.

Yalan 2

İş yoldaşlarınızdan birini bəyənirsiniz…

Getdiyiniz yerlərdə və ya iş yerinizdəki oğlanları bəyənməyiniz təbi haldır. Lakin sevdiyiniz insan sizinlə eyni fikirdə olamaya bilər. Əgər sevdiyiniz insan belə məlumatları bilməkdən narahat olan biridirsə, belə şeylərdən danışmaq münasibətinizdə güvəsizlik yarada bilər. Bizə ünvanlanan təcrübələrdən sizinlə bölüşürük. Məsələn; 28 yaşındakı Günay, “çox yaraşıqlı bir oğlanın bizimlə işləməyə başladığını dedim. Bunu zarafatla dedim amma o bunu belə qəbul etmədi. İndi işlə bağlı harasa gedəndə, şüpələnirmiş kimi o oğlanında gəlib gəlmədiyini soruşur” deyərək peşmançılığını dilə gətirir. Bəyəndiyiniz insana olan marağınız sərhədi aşmadıqca, bu barədə özünüzü günahkar hiss etməyinizə ehtiyac yoxdur.

Yalan 3

Problemləri özüm həll edə bilərəm!

Yaşadığınız müəyyən problemləri onunla bölüşməyiniz çox gözəldir, amma bir yerə qədər. 26 yaşındakı Aytən “Keçən il işdə müəyyən problemlərim oldu. Bu problemləri həll etmək yerinə hər axşam sevdiyim insana şikayət etdim və bunu ona necə təsir etdiyini belə fikirləşmədim. Bir gün problemlərim olduğu üçün ehvalımın pis olmasını başa deşdünüyü, lakin deyingən bir insan olmağımdan xoşu gəlmədiyini dedi. O gün müəyyən şeyləri ona danışmaqla onun mənim haqqımdakı fikirlərini dəyişdirdiyimi anladım”.

Yaxşı bunu necə həll etmək olar? Hər zaman hər şeyin mükəmməldirmiş kimi görünsün demirik. Burada sirr, minimalist olmalısınız. Problemi həll etməyə çalışdığınıza lakin ondan kömək gözlədiyinizi açıqca bildirin.

Yalan 4

Bədənimi çox sevirəm…

Baldırlarınızın böyüklüyü, və ya köklüyünüzlə bağlı sıxıntılarınızı ona deməyiniz, onda nə qədər səhv bir seçim etdiyi fikrini yaradar. Bəlkədə bədəninizlə əlaqəli heç bir probleminiz yoxdur, amma sevdiyiniz insanın bədəninizi bəyənmədiyini fikirləşirsiniz. Amma yenə də bunu onunla bölüşməyin. Kişilər, mükəmməl olmasa da öz bədənlərini bəyənən qadınları sevirlər.

Yalan 5

Qarışıq keçmişim keçmişdə qaldı…

Bəzi insanlar əvvəl yaşadıqları sevgiləri danışmaqdan çəkinməzlər. Lakin hər dəfəsində səhv və uğursuz sevgi yaşadığınızı deməyiniz qarşınızdakı insanda sizin haqqınızda səhv fikir yarada bilər və sonradan bu fikirləri dəyişməyiniz çətin ola bilər.

Əgər bu barədə məlumat vermək fikirinizdəsinizsə də, bunu danışandan sonra mütləq yaşadıqlarınızdan dərs çıxartdığınızı vurğulayın.

Evlenirik.Biz

Həqiqətən də həyatınız boyu bir yerdə olmaq istədiyiniz biri ilə, yaxşı-pis hər şeyi bölüşmək üçünmü ailə qurmaq istəyirsiniz, yoxsa bu 6 səhv səbəblərə görəmi? Evlenirik.Biz Sizə ciddi tövsiyələr edir.

1. Səhv səbəb: Sevirəm, Ölürəm

Sevgi; əsaslı izah edilə bilən bir ruh halı deyil. Sevirsiniz, ölürsünüz bunu ürəkdən yaşamağı sadəcə tövsiyə edə bilərik. heç bir sevgi bir neçə ildən çox çəkməmişdir.  Müəyyən bir müddətdən sonra bitər. Diqqət edin o sevgi dediyiniz öz yerini çox istəməyə, mütləq yanında olmaq istəməyə, bir-biri ilə yaxşı anlaşmağa, dostluğa buraxırmı? Vurulmuşsunuzsa ailə qurmaq qərarı almaq üçün o vurğunluğun sona çatmağını gözləyin.

2. Səhv səbəb: Tənhalıqdan sıxıldım

Bilinir ki, sıxılan insansınız. Tənhalıqdan olduğu kimi bərabərlikdən də sıxılacaqsınız. Üstəlik ondan daha tez sıxılacaqsınız. Çünki tənhalığın əvvəl-axır sizin nəzarətinizdə olması  ehtimal edilən bir şeydir. Tənha olan zaman istədiyiniz vaxt harasa gedə bilər, istədiyiniz vaxt televizorun istənilən kanalına baxa bilərsiniz. Lakin bərabərlik heç vaxt tamamilə sizin nəzarətiniz altında olmur. Və tənhalıqdan sıxıldığınızdan daha çox biri ilə birlikdə olmaqdan və bir evdə yaşamaqdan sıxılacaqsınız.

3. Ailəm sevgili olmağa icazə verməz

Bir müddətdir bir sevdiyiniz insan var ailənizin bu vəziyyətdən xəbərdar oldu. Bu vəziyyətdə ailəniz daha çox sizi töhmət etməsinlər deyə  hər hansısa bir yolla sevdiyiniz insana təsir edərək artıq ailə qurmaq istədiyinizi deməyə, ima etməyə başlayırsınız. Lakin sevgililik sevgililikdir, ailə qurmaq isə tamamən fərqlidir. İki insan ən azından müəyyən bir müddət bir yerdə yaşamadan ailə qurmağa qərar verməməlidir, idealı budur, amma coğrafiyamızda bu nadir hallarda mümkün olduğu üçün sizə tövsiyəmiz; heç olmasa biraz böyüməyi gözləyin.

Böyüdükcə həyatdan nə istədiyinizi biləcəksiniz. Sırf  ailəniz belə istəyir deyə bir insanla 50 il bir evdə yaşamaq sazişi bağlamağın necə bağlayıcı bir sözləşmə olduğunun fərqinə varmaqdan ötəri biraz daha gözləyin.

4. Səhv səbəb: Çətin bir mərhələdən keçməkdə mənə köməklik etdi

Çətin bir mərhələdən keçməkdə sizə kömək edən şəxslərə dost, qohum və ya psixoloq deyirlər. Və bunlar sonradan o şəxslərin həyat yoldaşınız olması üçün kifayət edəcək  qədər şərt və yaxınlıq deyil. Həmin çətin mərhələ bitdikdən sonra sizinlə ailə qurmaq istədiyini deyən insan, onsuzda o mərhələdən əvvəl bunu  beyninə yeritmiş deməkdir. Yəni sizə o köməkliyi və dəstəyi əvəzsiz etməmişdir. Yaxşı deyək ki, həqiqətən də o yaxşı niyyətli biridir və sizə əvəzsiz olaraq köməklik etmiş olsa belə bir insanın köməksevər, yaxşı və pis gün dostu olması onunla eyni evdə və xoşbəxt bir cinsi həyat yaşaya biləcəyiniz mənasına gəlmir. O yaxşı bir insandır; bu qədər… Digər kriteriyaları dəyərləndirmək lazımdır!

5. Səhv səbəb: maddi vəziyyəti yaxşıdır

Pul heç bir xoşbəxtçiliyin açarı deyil, ola bilməz. Bir insanla bölüşəcək xoşbəxtlik, sadəcə yaxşı maşın və restoranlarda keçirilən günlərdən ibarətdirsə, ona xoşbəxtlik yox istifadə deyirlər. Sizin və özünün rahat, fikirləşmədən xərcləməsini təmin edən kişiyə yalnız sponsor deyilər. Həyat yoldaşı yox.

Xoşbəxtlik, bir birini yaxşı başa düşmə, birlikdə nələrdənsə zövq almaq, pulun gücü ilə edilən birşey deyil. Pul sadəcə seçimləri çoxaldır. Lakin olmayan birşeyi əvəz edə bilməz. Amma vaxt aşırı keçdiyini fikirləşdirəcək qədər aldadıcı ola bilər. Sonunda isə “hərşeyim var, mən niyə xoşbəxt deyiləm?” deyə fikirləşməmək üçün vaxtında bunları fikirləşmək lazımdır.

6.  Səhv səbəb: Artıq özümə aid bir evim olsun istəyirəm

Xüsusilə də bizim mentalitetimizə aid bir şey. Gənc qızlar rahat-rahat gəzib, əylənə bilmədikləri üçün özlərinə aid bir dünya yaratmağın yolunun bir evdə yaşamaq olduğunu fikirləşirlər. Cəmiyyətimizdə ailələr qızlarının ayrı yaşamaqlarına icazə vermədikləri üçün onlar da ev sahibi olmağı ailə qurmaqda görürlər. Qızların vəziyyətini başa düşməyə çalışırıq əlbəttə çətindir. Amma nə olursa olsun özünüzə aid bir evin olması üçün ailə qurmaq doğru deyil. Yəni sadəcə bu səbəbə görə ailə qurulmaz. Unutmayın ki, o həyatda sadəcə sizə aid olmayacaq. Sərbəstliyinizin daha da az olduğu həyat ailə həyatıdır. Doğru insanlar seçilmədiyi müddətcə ata evi daha rahatdır.

Evlenirik.Biz

“Gecə macərasına” görə cərimə ödəyən və ya polisə düşən turistlərin arasında həmvətənlərimizin də olması istisna edilmir.

İnsanların məhəbbətlərini dəniz kənarında izhar etməsi dünyanın bütün ölkələrində heç də birmənalı qarşılanmır.

Bu yaxınlarda “Forbes” jurnalının tərtib etdiyi siyahıda ən seksual çimərliklər arasında dünya liderliyi Karib dənizi ətrafı və Latın Amerikası çimərliklərinə verilib. Bu yazıda biz Avropanın 5 ən seksual çimərliyi barədə məlumat vermək istərdik.

Birinci yerdə İspaniyanın Kosia Del Sol regionundakı çimərliklər gəlir. Gecə saat 1-dən sonra bütün diskotekalar və xidmət obyektləri bağlanır. Bundan sonra cütlüklər dənizin ləpələrinə qulaq asaraq ehtiraslarını söndürə bilərlər (aylı gecə, dəniz kənarı, xəfif meh. Ardını sizin təxəyyülünüzə buraxıram – müəl.). Lakin hava açılanadək hər şey bitməlidir.

İspaniyanın digər çimərliklərində isə bu işlə məşğul olanı bir neçə min avro cərimə gözləyir.

İkinci yer yenə də öküz döyüşdürənlərə aiddir. İbiza adasının çimərliklərində hər kəsin gözü qarşısında sevişən cütlüklərlə yanaşı, xəlvəti guşələri (qayalıqlar) seçənlərə də çox rast gəlinir.

Üçüncü yerdə isə keçmiş sosialist ölkəsi Bolqarıstan gəlir. Bu yaxınlarda ölkə rəhbərliyi çimərlikdə seksə görə cinayət məsuliyyətini ləğv etdi. İndi çimərlikdə sevişənlərə ən pis halda şifahi xəbərdarlıq edilə bilər. Polislər isə bir qayda olaraq “yanıq” cütlərə fikir vermirlər. Bolqarıstan çimərliklərində reportaj hazırlayan alman jurnalisti açıq seks səhnələrindən dəhşətə gəldiyini yazmışdı.

Dördüncü yerdə isə dəniz suyunun temperaturu 17 dərəcəni keçməyən Hollandiya gəlir. 2008-ci ildə hökumət çimərliklərdə seksə rəsmən icazə versə də, soyuq su insanların “fəaliyyətini” çətinləşdirir.

Nəhayət, top 5-in sonuncusu – Xorvatiya. Azərbaycanla təxminən eyni dövrdə müstəqillik əldə etmiş bu ölkənin çimərliklərində sekslə məşğul olanı ağır cərimə gözləyir. Burada yalnız Dubrovnik vilayətinin şimalındakı Lopud adası istisnadır. Burada qanunvericilik digər bölgələrlə eyni olsa da, polislər və yerli hakimiyyət sadəcə olaraq “gecə ovçuları”na göz yumurlar.

P.S. Əziz həmvətənlər. Artıq bütün dünyada çimərlik mövsümü başlayıb. Xarici ölkələrdə istirahət edərkən diqqətli olun. Qanunu bilməmək məsuliyyətdən azad etmir.

Vüqar Ələsgərov ( vy_aleskerov [at] mail.ru )

Evlenirik.Biz Mətbuat Xidməti

Qadın olmaq çətin deyilmiş kimi hələ birdə “mükəmməl qadın olmaq” cəhdləri ömrünüzü daha az bir vaxta məhv etməkdən başqa bir işə yaramayacaqdır. Evlenirik.Biz Sizlərə həqiqəti əks etdirir. Budur, mükəmməl qadının modeli və onu gözləyən təhlükə!

Mükəmməl qadın necə olur ?

1) Əvvəlcə yaxşı bir övlad olar. Qadınlıqla bağlı məlumatlar uşaqlıqdan öyrədilir.  Qız uşağı olaraq edə biləcəklərin və edə bilməyəcəklərin  barədə dəqiq məhdudiyyətlər vardır. Eyni vaxtda yaxşı bir “ev xanımı” ola bilmək üçün böyüklərimizdən ev işləri dərsi almağa başlayırıq, ancaq yaxşı bir ev xanımı olmaq elə də asan iş deyil. Təmizliyin dib bucağını, dizaynın ən gözəlini, ütünün ən yaxşısını, yeməyin ən ləzzətlisini edə biləcək bir səviyyədə olmalısınız. Hələ birdə gələn pulla evi dolandırmaq, hətta kənara pul qoymaq kimi bir bacarığınız olmalıdır.

2) Ev xanımlığını bacardınızsa, növbədə yaxşı bir həyat yoldaşı olmaq var. Həyat yoldaşınız nə etsə də “evimin dirəyidir” deyib susmalısınız. Onun azadlığı limitsiz olacaq, “ləb” deyəndə ləbləbi başa düşüləcək, bir əli yağda digər əli balda olması təmin olunacaq. Yoldaşınızın geyinəcəyi paltarlara görə də siz cavabdehsiniz. Cinsi əlaqələrinizdə problemlər olsa da şikayət etməyəcəksiniz. Yataq otağında sahib olduğunuz ucsuz-bucaqsız sərbəstliyi başqa heç bir sahədə tələb etməyəcəksiniz.

3) Bu dərsdən də uğurla keçdinizsə, növbə yaxşı bir ana olmağa gəldi. Uşaqlarınızı vətənə, millətə xeyirli bir övlad olaraq böyüdəcəksiniz. Məktəbindən tutmuş dostlarına qədər ən kiçik detalla maraqlanacaqsınız. Uşaqlarınızın etdiyi səhvlər sizin gündəliyinizdə mənfi qiymət olaraq yer alacaq.

Mükəmməl qadının gələcəyi son nöqtə mutsuz qadındır.

Həyatını başqalarına həsr edən və sadəcə ətrafdakılar üçün yaşayan bir qadın, xoşbəxt olmaz. İnsanlar rahata tez öyrəşirlər. Həyatınızdakı insanların da məsuliyyətlərini üstələnərək onlara edəcəkləri bir iş buraxmadığınızdan, daha sizi izləyib, sevməzlər. Əksinə bir müddət sonra etdiklərinizin sizin vəzifəniz olduğunu fikirləşib, hesab soruşarlar. Uşağınızın rəsm dərsini edərək, yoldaşınızın təmir etməsi lazım olan krantı təmir edərək, qarşı tərəfə edəcək bir iş buraxmamış olursunuz. Bunları edərək həm onların inkişafını, həm də paylaşmanı ortadan qaldırmış olursunuz. Hər insanın təqdir edilməyə və özünü lazımlı hiss etməyə ehtiyacı vardır. Bunları onların əllərindən aldığınız üçün bu zövqü başqa yerdə axtarmağa başlayırlar.

Mükəmməl amma tənha

Mükəmməl qadınların həyatları əsasən uğursuz əlaqələrlə sona çatar, xüsusilə sevgi münasibətlərində əziyyət çəkərlər. Qüsursuz qadınlar, aldadılar, tərk edilər və hər cəhətdən xəyanətə məruz qalarlar. Yəqin ki, ətrafınızda qibtə ilə baxdığınız cütlüklər vardır. Bir gün kişinin həyat yoldaşını tərk edib qat-qat çirkin bir qadına getdiyinin şahidi olursuz. Kənardan bunu heyrətlə qarşılaya bilər və adamı qınaya bilərsiz. Lakin klonun digər üzünü görməmisiniz.

Mükəmməl qadın özündən vaz keçən qadındır

Başqaları üçün yaşamaq, öz ehtiyaclarından əl çəkmək, onların sevdiyi şeyləri etmək, gərəksiz fədakarlıqlar etmək, təxmin etdiyiniz kimi təqdirə layiq görülməz.

Mükəmməl qadın olmağa çalışarkən ətrafınızdakıları da mükəmməlləşdirməyə çalışdığınızın fərqinə belə varmırsınız. Onların səhvlərini düzəltmək, onları öyrətməyə çalışmaq, hər sahədəki boşluğu doldurmaq, qarşı tərəfi yox saymaq mənasını bildirir. ətrafınızdakıların var olmaq cəhdlərinə, səhv edərək öyrənmək istəyinə mane olmaq deməkdir. Həyat yoldaşınız, övladlarınız, rəfiqələriniz hətta dostlarınız belə zaman zaman sizdən uzaqlaşacaqlar.

Hər sahədə yaxşı olmayın, insan mükəmməl olmayan bir canlıdır.

Özünüzü olduğunuz kimi sevdirməyə çalışın

Buraxın içinizdəki əksik və səhv yönləriniz üzə çıxsın. Siz mükəmməliyi əldə etməyə çalışarkən həyat axıb gedir. Həyatınızın sonlarında mükəmməl amma tənha bir qadın olmaq istəmirsinizsə, qüsursuz həyat fikrindən can qurtarın. Əksikləriniz və səhvlərinizlə özünüzü sevin. Siz özünüzü dəyərli hiss etməz və sevməzsəniz başqalarından bunu gözləməyin.

Evlenirik.biz olaraq ümid edirik ki, bu yazımızdan sonra bir çox komplekslərinizdən can qurtara biləcək və olduğunuz kimi görsənəcəksiniz…

Evlenirik.Biz

Evlenirik.Biz, qarşıdan gələn yay fəsilində çay içilmə nisbətinin yüksəlməsini nəzərə alaraq, dəyərli oxucularına çayın içilmə qaydasını izah etməyi özünə vəzifə sayır.

Təzə və gözəl dəmlənmiş çaydan imtina edilməz amma yenə də çay içərkən çox vacib məqamlara diqqət edilməsi gərəkir. Çünki yeməkdən sonra içilən çay zövq versə də sağlamlıq üçün zərərlidir. Əlbəttə bu çayın kimyəvi tərkibi və hətta isti olması ilə əlaqəlidir.

Hər zaman evdə, işdə, bir qonaqlıqda bu vərdişimiz təkrarlanır. Yeməkdən dərhal sonra təzə dəmlənmiş çay servisi əslində xoş təəssurat bağışlasa da zərəri daha çoxdur. Məsələn yemək əsnasında tərkibində dəmir olan qida qəbul edilibsə, yeməkdən dərhal sonra içilən çay dəmirin orqanizm tərəfindən mənimsənməsinə mane olur.

Tərkibində yüksək miqdarda dəmir olan qırmızı ətdən hazırlanmış bir yemək yemisinizsə, yeməkdən sonra içəcəyiniz çay yediyiniz yeməkdəki dəmirdən vücüdunuz faydalana bilməyəcək. Qəhvə üçün də nəticə eynidir.

Odur ki, sağlamlığınızın keşiyində olmaq üçün, bu növ yeməklər yediyinizdə ən az yeməkdən sonra 1 saata qədər səbr edib gözləməyiniz kifayətdir. Qan azlığı olanlar, xüsusilə bu vaxta riayət etməlidirlər. Həkimlər anemiya xəstəliyi olanlara yeməkdən təqribən iki saat sonra çay içməyi məsləhət görürlər.

Ayrıca çayı açıq içmək, zövqə görə də limonla içmək C vitamini qəbul etməyiniz üçün faydalıdır. Bütün bunlardan əlavə çayın isti içilməməsi qırtlaq və bağırsaq yolunda yanıqlar yaradmasına səbəb ola bilər və bu da öz növbəsində xərçəng riski yaradır.

Evlenirik.Biz Mətbuat Xidməti

Evlenirik.Biz-in “internethaber.com” saytına istinadən verdiyi məlumatda, Amerikalı elm adamları, üzündəki qırışları ləğv etmək məqsədilə botoks tətbiq ədənlərin mimikalarını ifadə etməsi, dartılan əzələlərə görə çətinləşdiyinə diqqəti cəlb edir. Bu da öz növbəsində əlaqədə olduqları insanlara düzgün olmayan “sosial mesajlar” ötürdüyü üçün tədricən münasibətlərin pozulmasına gətirib çıxarır.

Xəbərə görə Visconsın Madison üniversitetində aparılan tədqiqatlar nəticəsində məlum olub ki, botoks tətbiq edənlər, əsəbi ya da üzgün olduqları zamanda belə mimikalarını ifadə etməkdə böyük çətinlik çəkirlər.

Araşdırma üçün botoks tətbiq edən 40 könüllü insandan fərqli duyğuları əks etdirən mətnlər oxunması istənildi. Botoks tətbiq edənlər, ad gününün unutulmasını ya da axşam yeməyi zamanı narahat edilmək kimi xoşa gəlməz halları daha gec dərk etdi həm də bu hadisələrə daha uzun bir vaxtda reaksiya verdilər.

Elm adamları, bir hadisə danışılarkən qulaq asanın geç reaksiya verməsini əlaqəsiz, soyuq və anlayışsız olaraq qəbul ediləcəyi üçün bu səbəbdən tənha qalacağına diqqəti cəlb edirlər.