Evlenirik.BIZ Daima Sizinlə » Şou-Biznes

Eldar və Nigar Eurovision 2011

evlenirikbiz — Sat, 14 May 2011 19:38:30 +0000

EUROVISION MAHNI MÜSABİQƏSİNİN QALİBİYİK!

Bütün Azərbaycanlıları və sevincimizə şərik olan hər kəsi təbrik edirik! Məhz bu qalibiyyətdə böyük efor sərf etmiş iştirakçılar Nigar və Eldar-a da saytımız adına böyük təşəkkürlərimizi çatdırırıq.

[Show as slideshow]

[View with PicLens]

Ekstrahisli “AzeriQızı” ilə müsahibə

evlenirikbiz — Tue, 20 Jul 2010 05:26:27 +0000

“Qəlbimdən keçən şeylərin çoxu olur, yuxularım çin çıxır, yaxşı qəhvə falına baxıram”

Günel 25 oktyabr 1985-ci il Ağdamda, musiqiçi ailəsində anadan olub. 249 saylı məktəbdə təhsil alıb, amma 13 yaşından təhsilini yarımçıq qoyaraq İbrahim Tatlısəsin dəvətilə Türkiyəyə gedib, artıq 11 ildir ki, orada yaşayır və müğənni kimi fəaliyyət göstərir. 14 yaşında ilk, 19 yaşında ikinci, ötən il isə üçüncü albomunu çıxarıb.

Karvan jurnalının müsahibəsini Evlenirik.Biz oxucuları ilə bölüşür.
Sual: Albomu çıxarmaq üçün hətta avtomobilini satmısan. Əgər alboma böyük vəsait qoymusansa, yəqin, qazanacağın da az olmayıb?
Günel: Xeyr. Türkiyədə bir albomdan pul qazanmaq çox çətindir. Doğrudur. “Peugeot CC” markalı avtomobilimi 35 min dollara alsam da, çox ucuz qiymətə satdım. Türkiyədə albom çıxarmaq üçün böyük pul vəsaiti lazımdır. Qazancım əsasən konsertlərdəndir. Moskvaya tez-tez toylara, konsertlərə dəvət alıram. Elə Azərbaycana da toy dəvətilə çox gəlirəm. Bizim toylarımızın yeri bambaşqadır: rəqslər, kabablar…

- Neçə ildir Türkiyədəsən, orada ev almaq fikrin var?
- Təbii ki, ev almaq fikrim var. Türkiyədə çalışdığım 10 il ərzində bir Bakıda ev almışam, bir də ailəvi geyim biznesi qurmuşuq. Anam bizneslə məşğuldur, Bakıda bir neçə geyim dükanı işlədir. Atam isə daima mənim yanımdadır. Çünki bu sənətdə tək olmaq çətindir, adına min cür söz çıxarırlar. Amma atam yanımda olanda da şayiələrdən qaça bilmirəm.

- Valideynlərin erkən yaşda ailə qurublar, sənin belə fikrin yoxdur ki?
- Düzdür, atamla anamın böyük sevgiləri olub. Hazırda bacım ailəlidir, bir övladı var. Qardaşım Tunar evlənmək haqqında hələ düşünmür. Mən də düşünmürəm. Sənətimlə bağlı işlər görmək istəyirəm. Çünki evlənməyə həmişə vaxt tapılar. O qədər istəyənim var ki…

- Buradan, yoxsa Türkiyədən?
- Hər iki tərəfdən.

- Şəxsi həyatında xoşagəlməz nüanslar oldu, itirdiyin illərə heyifsilənirsən?
- Əsla yox. Həyat insana çox şey öyrədir. 24 yaşım var, amma bəzən 30 yaşındakı yetkin qadın kimi düşünürəm. Mən bir addımı atmamışdan öncə atamı, qardaşımı, sonra Vətənimi fikirləşirəm. Doğru yolda addımlamaq istəyirəm ki, haqqımda pis heç nə danışmasınlar.

- Hansı ölkədə heyranların daha çoxdur?
- Hər ikisində. Amma istəyirəm ki, xalqım mənə sahib çıxsın. Çünki mən Türkiyədə doğma Azərbaycanımı təmsil edirəm. Ölkəmizdən oraya gələn sənətçilər yerlərini qoruya bilmirlər. Bir mahnı ifa edəndən sonra tez unudulurlar və ya fərqli şeylərlə gəlirlər. Amma məni etdiyim bir səhvə görə yenə də qınayırlar.

- İbrahim Tatlısəsin dəvətilə Türkiyəyə getməsəydin, həyatın necə qurulardı?
- O məni kəşf etməmişdən öncə də mən ölkə daxilində keçirilən bütün uşaq musiqi festivallarına qatılmışdım, çoxunda da birinci yeri tutmuşdum. İnanırdım ki, nə vaxtsa məşhur müğənni olacağam. Bilirsiniz, gözəllik keçəndir, səs və insanlıq önəmlidir. Əgər sənət baxımından səsim olmasaydı, bu yerə gəlib çatmazdım. Mən İbrahim Tatlısəslə eyni səhnəyə çıxıb oxuyacağımı yuxumda görmüşdüm. Elə də oldu.

- Başqa çin çıxan yuxuların olub?
- Mən fərqli insanam. Qəlbimdən keçən şeylərin çoxu olur, yuxularım çin çıxır, yaxşı qəhvə falına baxıram. Bunları ilk dəfə sizə söyləyirəm. Bir dəfə yuxumda Seyid Lazım Ağanı görmüşdüm. O vaxt onun haqqında məlumatım yox idi. Sonradan nənəmgildə onun şəklini gördüm. O mənə röyamda həmişə pis günümdə yanımda olacağını söyləmişdi.

- Bəzi soydaşlarımız səni Türkiyə türkcəsində danışmağına görə qınayırlar?
- Mən 13 yaşından oradayam, öz ləhcəmizdə ancaq ailə içində danışıram. Çünki Türkiyə vətəndaşları Azərbaycan türkcəsini pis başa düşürlər. Mən bu ləhcəni 12 il ərzində mənimsəmişəm. Amma bəzi yerli sənətçilərimiz bir günün içində ləhcələrini dəyişirlər.

- Dərini yaman qaraltmısan, solyariyə gedirsən?
- Mən ilin bütün ayı solyaridəyəm. Solyaridən sonra günəş altında qaralanda effekt gözəl olur. Ümumiyyətlə, qara dəri efirdə, səhnədə gözəl görünür. Amma bilirəm ki, azərbaycanlılar ağ dərini xoşlayırlar.

- Çimərliyə sərbəst gedə bilirsən?
- Düzdür, üzməyi bacarmasam da, dənizə girməyi çox sevirəm. Üzgüçülük müğənni üçün çox lazımlıdır. İdman etməklə heç aram yoxdur. Evimizin altında idman zalı olsa da, heç getmirəm. Məndən arıqlamağımın səbəbini tez-tez soruşurlar. Sizə də söyləyim: çörək və axşamlar saat altıdan sonra yemirəm, səhərlər isə yaxşı yeməyə çalışıram.

Vaxtını bir gənc kimi keçirə bilirsən?
Elə rahat yaşayırım ki. Bəzən mənə deyirlər, sən elə bil sənətçi deyilsən. Menecerim də məni danlayır ki, ulduzsan, hər yerdə görünməməlisən. Amma mən bazara belə gedərəm. Məncə, sənətçi səhnədə divləşir. Amma normal həyatda adi insanam. Məni tanımayanlar özümdən razı olduğumu zənn edirlər. İlk növbədə, mənimlə oturun, danışın, bundan sonra necə bir insan olduğumu deyin.

Bildiyimizə görə, şəxsi stilistin var. Onun dediklərinə müdaxilə edirsənmi?
Əlbəttə. Bəyənmədiyim paltarı heç zaman geyinmərəm. Zövqlü olduğuma inanıram. Nə geyinəcəyimə qərar verməkdə həmişə çətinlik çəkirəm. İşimi peşəkar insanlarla görməyə çalışıram.

Sonda nə isə demək istəyirsən?
Oxuculara demək istəyirəm ki, ancaq mənim dilimdən çıxan sözlərə inansınlar. Ümid edirəm ki, məni sevməyənlər də nə vaxtsa səhvlərini başa düşüb sevəcəklər.

Evlenirik.Biz Mətbuat Xidməti

Toya dəvət olunmayan Doğuş sənətçimizdən küsüb

evlenirikbiz — Thu, 15 Jul 2010 05:32:48 +0000

Müğənni Yeganə: “Düşündüm ki, deyəcəklər Yeganə toyuna milyonlarla pul xərcləyib”.

Qız toyunu 29 apreldə Bakıda çaldıran müğənni Yeganə oğlan toyunu xeyli gözləməli olub. Hal-hazırda həyat yoldaşı Fatehlə Bakıda olan müğənninin ANS PRESS-ə verdiyi məlumata görə, cütlük nikah masasına 13 iyunda otura bilib: “Ayrı-ayrı ölkə vətəndaşlarının rəsmi nikaha girməsi olduqca çətin prosesdir. Sənədləşmə ən azından bir neçə ay çəkir. Məsələn, mənim subaylıq haqqında vəkalətnamə Türkiyəyə iki-üç aya gedib çıxdı. Ən tezi keçən ayın 13-də rəsmi nikaha girə bildik. Toyumuzdan bir gün əvvəl isə xına gecəm oldu. Qaynanam mənim üçün möhtəşəm xınagecəsi düzənləmişdi. Xınagecəsi üçün xüsusi libas da almışdı, elə gözəl idi ki… Hər şey çox gözəl idi. Qolumun kəsilməsinə baxmayaraq bir əlimlə oynamışam da”.

Müğənni xınagecəsi günü keçirdiyi qəzanın nəzərlə bağlı olduğuna inandığını da deyib: “Bakıdakı toyumdan çox danışıldı, çox yazıldı. Gəlin maşını, gəlinliyim müzakirə mövzusu oldu. Müğənni həmkarlarımın iştirakı toyumu daha da təmtəraqlı etdi. Çoxları elə düşündü ki, bütün bunlara külli miqdarda pul xərcləmişəm. Əslində gəlin maşını Fatehin hədiyyəsi idi, müğənni həmkarlarım isə nəinki pulsuz gəlmişdilər, həm də toya pul salmışdılar”.

Müğənni bildirib ki, bu üzdən Türkiyədəki toyunun mətbuata çıxmasını istəməyib. “Heç bir tanınmış türk sənətçisini toyuma dəvət etmədim, hətta dost münasibətində olduğum Doğuşu da. Buna görə Doğuş küsüb məndən. Axı biz ən azından həftədə bir dəfə birlikdə oturub çay içirdik. Düşündüm ki, deyəcəklər ki, Yeganənin toyuna milyonlarla pul xərclənib. Nəzərdən çox qorxuram, başıma gələnlərdən sonra belə şeylərə inanmaq məcburiyyətindəyəm”, – deyə o vurğulayıb.

Evlenirik.Biz Mətbuat Xidməti

Röya: “O toyda ki, dava düşmədi, toyun nə ləzzəti?”

evlenirikbiz — Wed, 14 Jul 2010 09:04:57 +0000

Müğənni konsertində baş verən davaya belə münasibət bildirib.

Röya və Zamiqin “Doğma diyar” turnesinin ilk konserti Qubada baş tutdu. Evlenirik.Biz, ANS PRESS-dən aldığı məlumata görə, Quba İdman Olimpiya Kompleksində baş tutan konsert saat 20:00-da başlamalı olsa da, saat 21:45-də start götürüb. Səhnəyə birinci Zamiq çıxıb və düz 1 saat ardıcıl olaraq öz mahnılarını ifa edib. Zamiqi ilk mahnılarında sevə-sevə alqışlarla müşayiət edən tamaşaçılar, 2-3 mahnıdan sonra artıq səhnəyə Röyanın gəlməsini istədilər. Röya isə Zamiqin bir saatlıq çıxışından sonra səhnəyə çıxdı.

Tamaşaçılar Röyanı gur alqışlarla qarşıladılar. Röya, “Sizi çox darıxdırdım?” deyə soruşduqda coşqu ilə alqışlandı. Lakin Röyanın da daha çox yeni mahnılarına üstünlük verməsi, yəni tamaşaçıların hələ alışmadığı mahnılar ifa etməsi konsertin bir qədər sönük keçməsinə səbəb oldu. Buna baxmayaraq, konsertdə izdiham yaşandı.

Mühafizəçilərin tamaşaçılarla rəftarı heç də xoşagələn deyildi. Konsertə gül dəstələri ilə gələn tamaşaçılar elə həmin gül dəstələri ilə stadionu tərk etdilər. Qubalılara populyar və sevilən sənətçilərə yaxınlaşmağa imkan verilmədi.

Röya və Zamiq 1 saatlıq çıxışlarından sonra birlikdə duet oxudular. Sonda isə “Sevişiyorum, gedişiyorum” ifadələrinin tez-tez təkrarlandığı yeni duetlərini təqdim etdilər. Duet rəğbətlə qarşılandı və sevildi. Demək olar ki, Quba İdman Kompleksini tərk edən hər iki nəfərdən biri bu mahnını zümzümə edirdi.

Röya Qubaya özü ilə balaca oğlu Hüseyni də aparmışdı. Dayəsinin qucağında İdman Kompleksini gəzişən Hüseyn onu dindirən hər kəsə şirin gülüşü ilə reaksiya verirdi.

Qeyd edək ki, Mədəniyyət və Turizm Nazirliyinin dəstəyi ilə təşkil edilən konsert yüksək səviyyədə təşkil edilmişdi. Konsertə Daxili Qoşunların əsgərləri, Fövqalədə Hallar Nazirliyinin və Təcili Tibbi Yardım Xidmətinin əməkdaşları nəzarət edirdi. Buna baxmayaraq, konsertdə Daxili Qoşunların əsgərləri ilə tamaşaçılar arasında insident yaşandı. Röya səhnədən gülə-gülə, “O toyda ki, dava düşmədi, toyun nə ləzzəti?”, deyə zarafat etdi. Polisinin əməkdaşlarının müdaxiləsindən sonra insident aradan qaldırıldı.

Konsertin sponsoru olan Nar Mobile tədbirin gedişatında tamaşaçılarla oyunlar keçirdi. Suallara 1111 nömrəsinə daha tez və düzgün cavab göndərən “Nar Mobile” abunəçiləri mobil telefonlarla mükafatlandırıldılar. Beləliklə, 5 suala düzgün cavabı 1111 nömrəsinə göndərən “Nar Mobile” abunəçiləri 8 mobil telefon qazandılar.

Evlenirik.Biz Mətbuat Xidməti

Nəhayətki evləndi..

evlenirikbiz — Tue, 06 Jul 2010 05:27:16 +0000

Keçən həftə paytaxt restoranlarının birində gənc estrada müğənnisi, “N brothers” qrupunun eks-solisti Əbdül Xalid artıq subaylığa əlvida deyib.

Evlenirik.Biz-in Lent.az saytına istinadən verdiyi məlumatına görə, Xalid Nigar adlı xanımla ailə qurub. Cütlük bir-birləri ilə dost olan valideynlərinin istəyi ilə ailə qurub.

Toyun ilk mahnısını Əbdül Xalid özü oxuyub, daha sonra xanımı Nigarla ilk valsını oynayıb. Digər ölkələrdə avtomobilin dövlət nömrə nişanı yerinə yazılar yazmaq adəti artıq ölkəmizdə də özünü biruzə verməyə başlayıb. Cütlüyün avtomobilinin nömrə nişanı yerində “Nəhayət ki” sözləri yazılması da diqqəti cəlb edib.
Ümumiyyətlə toyu “Yeni Ulduz” Elvin Musayev idarə edib.

“N brothers” qrupunun yaradıcısı Namiq Qafarov və onunla eyni vaxtda qrupdan ayrılan Emil Bədəlovdan başqa qalan qrup üzvləri toyda iştirak etməyib.

Cütlük bu həftə ərzində bal ayına yollanmağa hazırlaşır. Evlenirik.Biz olaraq yeni ailə həyatı quran cütlüyə Allahdan xoşbəxtlik arzulayır və dedi-qodulardan uzaq, firavan həyat sürməyi arzulayırıq.

Evlenirik.Biz Mətbuat Xidməti

Manana “Şöhrət” ordeni ilə təltif edilib

evlenirikbiz — Wed, 23 Jun 2010 22:06:13 +0000

Azərbaycanda fəaliyyət göstərən gürcü müğənni Manana Caparidze “Şöhrət” ordeni ilə təltif edilib.

APA-nın məlumatına görə, bu barədə Gürcüstan prezidenti Mixail Saakaşvili sərəncam imzalayıb. Azərbaycanda səfərdə olan Gürcüstanın mədəniyyət, abidələrin mühafizəsi və idman nazirinin müavini Marine Coquşvili Azərbaycanda Gürcüstan Mədəniyyət günləri çərçivəsində keçirilən konsertdə sərəncamı oxuyub və ordeni M. Caparidzeyə təqdim edib.

Evlenirik.Biz Mətbuat Xidməti

Faiq Ağayevdən şok açıqlama

evlenirikbiz — Tue, 01 Jun 2010 09:17:06 +0000

Azərbaycanın xalq artisti Faiq Ağayevin mətbuat xidməti xüsusi açıqlama yayıb. Mətbuat xidmətindən ANSPRESS-ə daxil olan məlumatda bildirilir ki, Faiq Ağayevin 6-9 iyun 2010-cu il tarixlərində Heydər Əliyev Sarayında keçirilməsi nəzərdə tutulan “F.A made in Azərbaycan” solo konserti təxirə salınır. Buna səbəb kimi, onu təşkil etməyə israrla şəxsi təşəbbüs göstərən MAB-ın rəhbəri, konsert təşkilatçısı Nahid Emiloğlunun “anlamsız fəaliyyətsizliyi, etinasızlığı və hazırlıqsızlığı” göstərilir.

Açıqlamada daha sonra bu qərarın aşağıdakı səbəbləri sadalanır:

“Konsertə sayılmış günlərin qaldığı bir vaxtda böyük, məsuliyyətli, mühüm bir konsert layihəsinin TV reklamı əhəmiyyətsiz, cüzi, açıqcası – YOX səviyyəsindədir.

Əvvəlcədən ödənişi mütləq olan vacib məbləğlərin heç biri, o cümlədən H.Əliyev Sarayının icarə haqqı, hələ də həyata keçirilməyib.

Bu azmış kimi, təşkilatçının bütün telefonları işlək vəziyyətdə olsa da, özü əlaqə dairəsi xaricindədir”.

Məlumatda xatırladılır ki, məhz N. Emiloğlunun səhlənkarlığı ucbatından xalq artisti Faiq Ağayev “F.A made in Azərbaycan” layihəsinin tarixini artıq üçüncü dəfədir ki, dəyişdirmək məcburiyyətində qalır.

Yaranmış vəziyyətdə Faiq Ağayev səriştəsiz təşkilatçı ilə razılaşmaya xitam verməyə qərar verib və konsertin keçirilmə zamanını digər vaxta ertələyib.

Konsert təşkilatçısı Nahid Emiloğlu iddialarla bağlı Lent.az-a açıqlama verib. Təşkilatçı bildirib ki, 4 gündür efirdə getməyən reklamın dayandırılmasının səbəbkarı özüdür, Heydər Əliyev adına Saraya icarə haqqının ödənilməsinə hələ vaxt var, lakin bununla yanaşı, o, bu konserti həyata keçirməkdən imtina edib: “Bu, Faiq Ağayevlə şəxsi münasibətin korlanması anlamına gəlmir. Öz səbəblərim var, bunun açıqlamaq istəmirəm”.

Evlenirik.Biz Mətbuat Xidməti

Eurovision Səs vermə nəticələri-CANLI

evlenirikbiz — Sat, 29 May 2010 21:33:44 +0000

Rumıniya – 12 xalını Danimarkaya verdi.

İrlandiya – 3 xal Azərbaycana, 12 xal isə Danimarkaya

Almaniya – 8 xalını Yunanistan, 10 xal Türkiyəyə, 12 xal Belçikaya

Serbiya – 8 xalını Almaniyaya, 10 xal Yunanistan, 12 xal Bosniya Hersoqaviniya

Albaniya – 8 xal Türkiyə, 10 xal Almaniya, 12 xal Yunanistan

Türkiyə – 8 xal Bosniya Hersoqovina, 10 xal Almaniya, 12 xal Azərbaycan

Xarvatiya – 8 xal Serbiya, 10 xal Bosniya H, 12 xal Türkiyə,

Polsha – 8 xalını Azərbaycana, 10 xal Belçikaya, 12 xal Danimarka,

Bosniya Hersoqoviniya- 7 xal Azərbaycan, 8 Xal Almaniya, 10 xal Türkiyə, 12 xal Serbiya

Fillandiya – 8 xal Fransiya, 10 xal İsrail, 12 xal Almaniya

Sloveniya – 10 xal Almaniyaya, 12 xal Danimarkaya,

Estoniya – 8 xal Gürcüstan, 10 xal Rusiyaya, 12 xal Almaniya,

Rusiya – 8 xal Azərbaycan, 10 xal Gürcüstan, 12 xal Ermənistan

Portuqaliya- 8 – Yunanistan, 10 xal Ruminiya, 12 İspaniya,

Azərbaycan – 8 xal Gürcüstan, 10 xal Ukrayna, 12 xal Türkiyə,

Yunanistan – 1 xal Azərbaycan, 8 xal Fransa, 10 xal Albaniya, 12 xal Kipr,

İslandiya – 4 xal Azərbaycan, 8 xal Yunanistan, 10 xal Belçika, 12 xal Danimarka,

Danimarka – 2 xal Azərbaycan, 8 xal Ruminiya, 10 xal Belçika, 12 xal Almaniyaya,

Fransa – 8 xal Portuqaliya, 10 xal Serbiya, 12 xal Türkiyə,

İspaniya – 7 xal Azərbaycan, 10 xal Ruminiyaya, 12 xal Almaniya,

Slovakiya – 8 xal İsrail, 10 xal Belçika, 12 xal Almaniya

Bolqaristan – 8 xal Ermənistan, 10 xal Türkiyə, 12 xal Azərbaycan,

Ukrayna – 8 xal Türkiyə, 10 xal Rusiya, 12 xal Azərbaycan,

Latviya – 2 xal Azərbaycan, 8 xal Rusiya, 10 xal Danimarka, 12 xal Almaniya,

Malta – 8 xal Danimarka, 10 xal Belçika, 12 xal Azərbaycan,

Norveç – 7 xal Azərbaycan, 8 xal Danimarka, 10 xal Danimarka, 12 xal Almaniya,

Kipr – 8 xal Ruminiya, 10 xal Azərbaycan, 12 xal Yunanistan,

Litviya – 8 xal İspaniya, 10 xal Almaniya, 12 Gürcüstan,

Belarusiya – 6 xal Azərbaycan, 8 xal İsrail, 10 xal Ukrayna, 12 xal Rusiya,

İsveçrə – 2 xal Azərbaycan, 8 xal Albaniya, 10 xal Serbiyaya, 12 xal Almaniya,

Belçika - 5 xal Azərbaycan, 8 xal İslandiya, 10 xal Almaniya, 12 xal Yunanistan,

İngiltərə – 8 xal Ruminiya, 10 xal Türkiyə, 12 xal Yunanistan,

Hollandiya – 8 xal Türkiyə, 10 xal İsrail, 12 xal Ermənistan,

İsrail – 7 xal Azərbaycan, 8 xal Ruminiya, 10 xal Rusiya, 12 xal Ermənistan,

Makedoniya – 3 xal Azərbaycan, 8 xal Almaniya, 10 xal Türkiyə, 12 xal Albaniya,

Maldova – 7 xal Azərbaycan, 8 xal Ukrayna, 10 xal Rusiya, 12 xal Ruminiya,

Gürcüstan – 8 xal Azərbaycan, 10 xal Ermənistan, 12 xal Belarusiya,

İsveç – 8 xal Danimarka, 10 xal Ruminiya, 12 xal Almaniya,

Ermənistan – 8 xal Urkayna, 10 xal Rusiya, 12 Gürcüstan.

Səs vermə sona çatdı. ALMANİYA QALİB OLDU!

Azərbaycan, 5-ci yerə nail oldu.

Eurovision 2010 FİNAL-canlı

evlenirikbiz — Sat, 29 May 2010 19:10:50 +0000

Alexander Rybak-ın açılış mahnısından sonra ilk olaraq ölkə təmsilçimiz Səfurə Əlizadə öz mahnısını ifa etdi. Sırasıyla bütün ifaçılar haqqında məlumatı nəzərinizə çatdırırıq.

Eurovision Təxminləri:

#	Ölkə və kanalları	İfaçılar	Mahnının adı
01	Azerbaijan İctimai	Səfurə Əlizadə ifaçının profilini oxuyun	Drip Drop
02	Spain TVE	Daniel Diges ifaçının profilini oxuyun	Algo Pequeñito (Something Tiny)
03	Norway NRK	Didrik Solli-Tangen ifaçının profilini oxuyun	My Heart Is Yours
04	Moldova TRM	Sunstroke Project & Olia Tira ifaçının profilini oxuyun	Run Away
05	Cyprus CyBC	Jon Lilygreen & The Islanders ifaçının profilini oxuyun	Life Looks Better In Spring
06	Bosnia & Herzegovina BHRT	Vukašin Brajić ifaçının profilini oxuyun	Thunder And Lightning
07	Belgium VRT	Tom Dice ifaçının profilini oxuyun	Me And My Guitar
08	Serbia RTS	Milan Stanković ifaçının profilini oxuyun	Ovo Je Balkan
09	Belarus BTRC	3+2 ifaçının profilini oxuyun	Butterflies
10	Ireland RTÉ	Niamh Kavanagh ifaçının profilini oxuyun	It’s For You
11	Greece ERT	Giorgos Alkaios & Friends ifaçının profilini oxuyun	OPA
12	United Kingdom BBC	Josh ifaçının profilini oxuyun	That Sounds Good To Me
13	Georgia GPB	Sofia Nizharadze ifaçının profilini oxuyun	Shine
14	Turkey TRT	maNga ifaçının profilini oxuyun	We Could Be The Same
15	Albania RTSH	Juliana Pasha ifaçının profilini oxuyun	It’s All About You
16	Iceland RÚV	Hera Björk ifaçının profilini oxuyun	Je Ne Sais Quoi
17	Ukraine NTU	Alyosha ifaçının profilini oxuyun	Sweet People
18	France France 3	Jessy Matador ifaçının profilini oxuyun	Allez Olla Olé
19	Romania TVR	Paula Seling & Ovi ifaçının profilini oxuyun	Playing With Fire
20	Russia RTR	Peter Nalitch & Friends ifaçının profilini oxuyun	Lost And Forgotten
21	Armenia AMPTV	Eva Rivas ifaçının profilini oxuyun	Apricot Stone
22	Germany NDR	Lena ifaçının profilini oxuyun	Satellite
23	Portugal RTP	Filipa Azevedo ifaçının profilini oxuyun	Há Dias Assim
24	Israel IBA	Harel Skaat ifaçının profilini oxuyun	Milim
25	Denmark DR	Chanée & N’evergreen ifaçının profilini oxuyun	In A Moment Like This

Belorus Simfonik Orkestri ilə konsert verdi

evlenirikbiz — Sat, 29 May 2010 15:40:07 +0000

Akademik Opera və Balet Teatrının solistləri, xalq artistləri Mənsum İbrahimov və Aygün Bayramova Belorusdan qastrol səfərindən qayıdıblar.

Mənsum İbrahimovun Lent.az-a verdiyi məlumata görə, 28 May – Respublika Gününə həsr olunmuş konsert Minsk Dövlət Filarmoniyasında baş tutub. Musiqiçilər Belorus Simfonik Orkestrinin, eyni zamanda əməkdar artistlər Elçin Həşimov (tar) və Elnur Əhmədovun (kamança) müşayiətilə çıxış ediblər: “Biz keçən ilə də elə bu bayram ərəfəsində Minskdə konsert verdik. Həmin konsert proqramında Niyazinin “Rast” simfonik muğamını ifa etmişdik.

Bu dəfə isə konsert proqramı rəngarəng oldu. Fikrət Əmirovun “Kürd ovşarı”, “Şur” simfonik muğamı, “Kor ərəbi”, Niyazinin “Qara gilə” və sonda Vasif Adıgözəlovun “Qarabağ şikəstəsi” aratoriyasını səsləndirdik. Onu da deyim ki, orkestri tanınmış dirijor, əməkdar incəsənət xadimi Yalçın Adıgözəlov idarə edirdi. Olduqca böyük maraqla qarşılandıq. Hətta son əsəri oxuyub qutarandan sonra hamı ayaq üstə alqışladı. Orkestrin öz musiqiçiləri də əsərlərimizə heyran qaldı. Bir sözlə, konsert çox yüksək səviyyədə keçdi”.

Mənsum İbrahimovun sözlərinə görə, tamaşaçılar arasında azərbaycanlılarla yanaşı, nazir müavinləri, rəsmi şəxslər, Belorusda fəaliyyət göstərən səfirliklərin nümayəndələri, məşhur musiqiçilər də olub. Konsert proqramı Azərbaycanın Belorusdakı səfiri Əli Nağıyevin təşəbbüsü və təşkilatçılığı ilə həyata keçirilib.

Evlenirik.Biz Mətbuat Xidməti