Toy və nişan gözəl adətlərimizdən ən qədimi, ən maraqlısı və ən şənidir. Əzəldən bu mərasimləri 3 gün 3 gecə, 40 gün 40 gecə keçirərmişlər. Bu günlər 3 gün 3 gecə keçirilməsə də 40 gün 40 gecənin xərci çıxır. Amma bu tamam başqa mövzudur. Bu gün Evlenirik.Biz-in açacağı mövzu isə tam başqadır.

Şənliyə dəvətliləri ev yiyəsi qabaqcadan razılaşdırılmış masada əyləşdirir. Bu artıq illər boyu adət halını alıb. Bu cür xeyir işdə yığılan qohumlar, tanışlar bir-birləri ilə ünsiyyət apara bilmirlər. Bir-birindən ayrı oturan qonaqlar toy zamanı az görüşürlər. Bu problemi bir qırağa qoysaq da digər problemlər üzə çıxır. Möhkəm musiqi səsi, bu səs-səda altında yaxında oturan qonaqlar belə bir-birləri ilə ünsiyyət qura bilmir və toy bitdikdən çox sonra mahnı uğultusu hələ beyində olur. Digər problemler musiqi səviyyəsi, müğənnilər və s. barədə  danışmırıq.  Axı qonaqlar yeməyə, mahnıya qulaq asmağa deyil, gəlinlə bəyin ən xoşbəxt günlərində onlarla birgə olmaq, sevinclərini bölüşmək üçün yığılırlar. Eyni zamanda belə marəsimlər yaxın-uzaq qohum, tanışların birgə toplanıb görüşmələrinə səbəbdir. Lakin bu görüşdə qonaqların marəsim haqqında təəssüratlarını bölüşməyə imkan yaradılmır.

Bu problemləri nəzərə alıb qonaqların və ev yiyəsinin rahatlığı üçün optimal çıxış yolu axtardıq. Belə nəticəyə gəldik – Avropa, Amerika indi Rusiyada da toy və nişanda çoxdandır ki furşetə üstünlük verirlər. Furşet (fourchette) – fransız sözündən əmələ gəlib, mənası çəngəl deməkdir. Furşetdə təklif olunan taəmların hamısı çəngəllə və ayaq üstü yeyilə bilən olmalıdır. Furşet 2-3 saat davam edir və burada hər qonağa 400-500 qr müxtəlif növ qəlyanaltı nəzərdə tutulur. Furşet stolu adi stoldan 90-100 sm hündür, kvadrat, düzbucaq, dairəvi formada ola bilər. 2-3 mərtəbəli də ola bilər, lakin hər mərtəbənin hündürlüyü 50 sm-dən çox olmamalıdır. Stolun üzərinə uzun süfrə salınır. Süfrə ilə yerin arasında 5 sm ara qalmalıdır. Stolun üstünü gül kompozisiyaları ilə bəzəsəniz, ona qeyri adi görünüş vermiş olarsınız. Nəfis furşet 12-16 soyuq, 1-3 isti qəlyanaltı, desert, çay və kofedən ibarət olur. Sərinləşdirici içkiləri stolun kənarına yığırlar. Şirəylə suyu isə küpəyə töküb boşqabın içində stola qoymaq vacibdir.

Furşet ev yiyəsinin işini olduqca asanlaşdırır. Belə halda qonaqlar otağı və ya zalı gəzib bir-birləri ilə təəssüratları ilə bölüşürlər. Onlar üçün ünsiyyətə optimal şərait yaranır və seçimdə daha azad olurlar, fikir və marağa görə də qruplaşırlar.

Furşetdə həm də eyni məkanda daha çox qonaq qəbul eləmək imkanı yaranır. Belə olduqda rəqs üçün geniş yer də ayırmaq mümkünlüyü yaranır. Ancaq bir şərtlə ki, mahnı müşayiəti qonaqların söhbətinə mane olmasın. Proqramın arasına qabaqcadan düşünülmüş əyləncəli oyunlar, yarışlar da təşkil etmək olar. Oyunda qonaqların mərasimdən yadigar balaca hədiyyə udmaq şansı olacaq.

Deməli ilk əvvəl furşet bizə daha çox qonaq dəvət eləməyə, mərasimin əyləncəli keçməyinə fürsət yaradır. Digər fürsət dəvətlilər özləri özlərinə qulluq etdiyinə görə ev yiyəsinin üzərindən bu məsulliyyətli yük də götürülür.

Nişan mərasiminiz evdə keçirilərsə furşet eləmək lap yerinə düşər.

Furşeti isti aylarda həyətdə, bağ evində təşkil etmək daha gözəl olardı.  Belə nişan, istəsəniz hətta toy digərlərindən orijinallığı ilə fərqlənəcək və yadda qalacaq.

Bütün rəfiqələrin ərdədir? Ali məktəbdə ən çirkin saydığın qrup yoldaşın qarşına çıxıb sağ əlində brilyant nişan üzüyünü fırladaraq “Ərim məni işləməyə qoymur, yeri gəlmişkən, qrupumuzda ərə getməyən yeganə qız sənsən” deyir? Bu, nokautdur.  Aysel jurnalında dərc olunmuş məqaləni Evlenirik.Biz oxucuları ilə bölüşür.

Xoşagəlməz situasiyadan çıxış yolu ərə getmək və dedi-qoduçuların ağzını yummaqdır. Bunu etmək, göründüyü kimi, çətin deyil. “Gələcək həyat yoldaşı ilə necə və harada görüşmək olar?” mövzusu başqa məqalənin mövzusudur. Görüşdüyünüz oğlanın sizinlə ciddi münasibətlər qurmaq istəmədiyni hiss edirsinizsə, məsləhətlərimizi diqqətlə oxuyun.

Ərə getmək istəyirsən? Onda müstəqillik, feminizm, müasir, hiperseksual, iradəli, məqsədyönlü sözlərini unutmalısan. Bir çoxları hesab edir ki, məhz belə qadınlar kişinin xoşuna gəlir. Bu yanlışdır! Ola bilər ki, belə qadınlar kişinin xoşuna gəlsin, amma kişilər başqa qadınlarla ailə qurmağa üstünlük verirlər. Kişilərin yanında yemək bişirə bilməməyinlə öyünürsən? Onda təəccüblənmirik ki, hələ də “evdə qalmısan”. Çünki bir çox kişilər üçün qidalanma məsələsi olum və ölüm qədər önəmlidir. Əlbəttə, hər bir kişi evdə hazırlanan dadlı xörəyi sevir.

Heç vaxt sevdiyin insanı tənqid etmə, əgər ondan evlənmə təklifi almaq istəyirsənsə. Yəqin ki, bu məsləhəti birinci dəfə eşitmirsən. Amma məhz bu qanunu qızlar daha çox pozurlar. Onlar kişinin dostlarını, anasını, işini, vərdişlərini, hobbisini, geyim, hətta arzularını tənqid edirlər. Bunu etmə. Sadəcə, özünə tez-tez xatırlat ki, böyük adamı dəyişmək qeyri-mümkündür. Axı özün də mükəmməl deyilsən. Nəticədə tənqidlərdən yorulan gənc adam sənə sual verəcək: “Əgər mən pisəmsə, niyə yanımdasan? Get, yaxşısını tap”. Və o, haqlı olacaq. Ya daha yaxşısını tap, ya da tənqid etmə.

Onun üçün əvəzolunmaz insana çevril. Deyə bilərsən ki, əvəzolunmaz adam yoxdur. Düzdür, amma sən ərə getməyə çalışdığın insan üçün beləsinə çevrilməlisən. Əvvəlcə kişini başa düşməlisən. Hamıdan gözəl görünməyə çalışma. Bu sənə lazımdır, ona yox. Onun üçün həyatda nəyin vacib olduğunu öyrən. Məsələn, potensial ərin nərd oynamağı sevir və saatlarla oynamaqdan yorulmur. O, bununla bütün dost-tanışını bezdirib. Amma sən əsla belə olmamalısan. Nərd oynamağı bacarmırsan? Öyrən və onun üçün əvəzolunmaz partnyora çevril.

Sevdiyin insanın niyə səninlə evlənmək istəmədiyini aydınlaşdır. Ola bilər ki, problem səndə olmasın. Kişini bu önəmli addımı atmaqdan bir çox səbəblər yayındırır. Səbəblərdən bəzisi sənin üçün gülməli və qeyri-ciddi görünə bilər. Yadda saxla ki, bu sənə belə gəlir. Ola bilər kişi toyqabağı əziyyətlərdən qorxsun. Əgər problem bundadırsa, ona başa sal ki, bu əziyyətləri valideynlərinin öhdəsinə buraxacaqsan. Bir çox kişilər “həmişəlik” sözündən qorxduqları üçün ailə qurmur. Bu halda onu başa sal ki, əgər yola getməsəniz, bir sıra cütlüklər kimi siz də boşana bilərsiniz. Əgər o səninlə evlənmək istəmirsə, onu hərəkətə gətir. Bunu necə etməli? Sən sevdiyin insanı hamıdan yaxşı tanıdığından özün fikirləşməlisən. Bu məsələdə individual yanaşma lazımdır. Məsələn, bir xanım sevdiyi insanın soyadını çox bəyəndiyini söyləmiş, ertəsi gün isə evlənmə təklifi almışdır. Fantaziyanı işə salmaq kifayətdir. Amma ərə getməmişdən əvvəl yaxşı düşün, həqiqətənmi bu kişi sənə lazımdır? Yoxsa insanların ağzını bağlamaq üçün ərə gedirsən. Belədirsə, dedi-qodulara fikir vermə.

Əgər müxtəlif məsləhətlərə baxmayaraq yenə də ərə gedə bilmirsənsə, deməli kişilərin heç sevmədiyi qadın tipisən. Kişilər bəzi qadınlarla evlənir, bəzilərilə bir neçə dəfə görüşür, bəzilərindən isə ümumiyyətlə, yan keçirlər. Belə fikir var ki, qadınlar öz davranışları ilə kişini özlərindən uzaqlaşdırırlar. Məhz buna görə kişilər qadınları kateqoriyaya bölürlər.

Həddindən artıq qəribə və sirli.
Əlbəttə, hər bir qadında sirli nə isə olmalıdır. Amma sirr həddindən artıq çox olanda kişi həmin qadından uzaqlaşmağa çalışır. Sirli və qəribə deyəndə nə başa düşülür? Özünü həmişə formada saxlamağa çalışır, ünsiyyətcil, seksual və cəlbedicidir. Görüşə çağırılanda konkret cavab verməmək üçün minlərlə bəhanə tapır və bununla da kişini incidir. Özünün təyin etdiyi vaxtda kişi zəng edəndə telefonu açmır. Nadir hallarda düzgün qərar qəbul edir.Münasibətləri Meksika serialları və məhəbbət romanlarındakı kimi gərginləşdirməyə çalışır.Kişini daim gərginlikdə saxlayır.Gec, ya tez kişinin psixikası buna dözmür və o, başqasının yanına qaçır.

Tamahkar
Belə qadın gözəl, seksual və çox pozğundur. O, məqsədinə çatmaq üçün cəlbdeciliyindən istifadə edir. Kişilər belələrini sevsə də, sonradan anlayırlar ki, tamahkar qadın onun arzularını reallığa çevirə bilən kişilərlə bir yerdə olur.

Var-dövlət ovçusu
Bu tip qadınlar işləmədən dəbdəbəli həyata can atırlar. Ona görə də 86 yaşlı milyonçuya rahatlıqla ərə gedə bilərlər. Bir çox varlı kişilər belə qadınları yaxşı tanıyır və onlara görə var-dövlətlərindən olmaq istəmirlər.

Dəyişkən natura
Belə qadınlar fikirlərini iki dəqiqədənbir dəyişirlər. Qərar qəbul edə bilməyən qadın öz çatışmazlığı haqqında bilir və hər dəfə kişidən üzr istəyir. Tez, ya gec kişi dəyişkən qadından yorulur və sakitlik axtarır.

Çoxbilmiş
Ensiklopedik biliklərə sahibsiniz? Bu yaxşıdır. Amma belə qadınlar bununla kifayətlənmirlər. Onlar öz fikirlərini kişilərə yeritməyə, haqlı olduqlarını sübuta yetirməyə çalışırlar. Belə qadınlar kişiləri özlərindən çıxarır.

İfritə
İşdə nə qədər “yırtıcı” olsanız da, evdə daha mehriban olmağa çalışmalısınız. İfritə natura sadəcə diqqəti cəlb edir, kişilər belələrindən tez yorulur. Belə qadınlar kişiləri qiymətləndirmir və düşünürlər ki, bütün kişilər əclafdır.

Feminist
Bu, diaqnozdur. Hərçənd onlar arasında ərə getmək istəyənlər azdır. Belələri varsa da, onlar öz ideologiyaları ilə kişiləri dəli edərlər.

Daima şikayətçi
Həmişə onların işi pis olur, ayaqqabıları sıxır və s. Belə qadınlar daima şikayət edirlər. Onlar ən bədbəxt qadınlardır. Kişilər isə bədbəxt və köməksiz qadınları sevmirlər.

Nəzarətçi
Belə qadın kişinin alt paltarından tutmuş dostlarına qədər hər şeyi nəzarətdə saxlayır. Normal kişi beləsindən dərhal qaçır.

Özünü apara bilməyən
Belələri söyüş söyür, içki içir, dava edir. Belə dostu olan kişi bu qadını neyləyir?

Yaltaq
Belə qadın kişini toya qədər tərifləyir. Beləsini müəyyən etmək çətin deyil.

Mənbə: anspress.com

Evlenirik.Biz Mətbuat Xidməti

Möhkəm, sağlam ailənin qurulması və ər-arvad arasında uyğun münasibətlərin formalaşması, mükəmməlləşməsi onların xasiyyət vəhisslərinin cilalanması ilə əlaqədardır. Bu proses hər gün, hər saat, istirahət günsüz və məzuniyyətsiz olaraq davam edir, özü də ilk növbədə ər-arvaddan öz üzərilərində diqqətlə, ağır əmək tələb edən incəliklə işləmələrini tələb edir.
Bu, çətin amma nəcibləşdir. Ailənin qurulmasına sərf olunan əmək yüz qat əvəzlə nikahda uyğunluq, uşaqların xoşbəxtliyi, mənəvi sakitliklə isinən qocalıq dövrü ilə qaytarılır.

Xoşbəxt və hərcəhətli ailə qurmaq hamıya müyəssər olmur. Yalnız özünü sevən, qeyri qanuni, yalançı, şıltaq, tənbəl şəxslər heç bir vaxt bu işin öhdəsindən gələ bilmirlər. Amma xoşbəxtlikdən belələri o qədər də çox deyil. Belə ailə qurmağı ürəkdən istəyənlər lakin bunu necə etməyi bacarmayanlar daha çoxdur.

Cəmiyyət, ictimaiyyət üçün ailə münasibətlərinin çox böyük əhəmiyyəti var. Qeyd etmək lazımdır ki, gənc ailələrdə və elənə də çoxdan qurulmuş ailələrdə çox vaxt ailədaxili münasibətlər lazımi dərəcədə möhkəm və davamlı olmur. Son illərdə ailənin dağılmasının, boşanmaların nisbətən azalmasına baxmayaraq yenə də ildə bir milyona yaxın boşanma Hadisəsi Reydə alınır.
Boşanmaların böyük bir hissəsi (müxtəlif müəlliflərin məlumatlarına görə üçdə bir hissədən yarısına qədəri) seksual uyğunsuzluq, ər-arvadın (ilk növbədə qadının) izdivacda cinsi əlaqədə təmin olunmadıqlarından, onun qaydaya salınmaması səbəbindən baş verir. Belə vəziyyət isə ailə həyatının bu cəhətini lazımi qədər təşkil edə bilməməkdən, cinsi tərbiyənin gənclərə vaxtında və düzgün çatdırılmamasından irəli gəlir.

Mənbə:  maraq.info

Düzgün həyat yoldaşı seçimi insanın gələcək həyatını necə davam etdirəcəyi fikirlərinin yarandığı  həmçinin qərar mərhələsidir.

Bir insanı həyat yoldaşı olaraq seçmək gələcəkdə dünyaya gələcək uşaqların ana və ya atasını seçmək deməkdir. Evlenirik.Biz olaraq məsləhətlərimizi sizlərlə bölüşürük.

Unutmayaq ki, hər bir kəsin ana və atasından aldığı xüsusiyyətləri vardır. Ailə həyatında qadın hər zaman quracağı ailəni aldığı tərbiyə ilə müqayisə edir. Əgər ki, ata çox güclü bir atadırsa o zaman qadın seçdiyi kişini də hər zaman güclü görmək istəyir. Güc anlayışı hər bir qadın üçün fərqlidir. Kimsə üçün güc demək var-dövlət demək, kimsə üçün kariyera demək, kimsə üçün görünüş, kimsə üçünsə tamamilə başqa bir şey sayıla bilər.

Təbi ki, bu  xüsusiyyətlər nə qədər çox olsa da bununla bərabər hörmət, inam, dəyərlilik kimi xüsusiyətləri olan kişilər qadınlar üçün daha çox arzu olunandır. Ailə həyatını fiziki dəyərlərlə, maadiyyatla ölçmək olmaz.  Bəzən bu qadın o insanda ne tapır kimi müzakirələr edirik. Lakin qadının mütləq bir izahı vardır. Bunu müzakirə etməzdən əvvəl onunla söhbət etmək lazımdır. Analıq və atalıq öyrənilən bir fakdır. Hər bir insan ailə qurdcuğdan sonra bir çox şey öyrənir. Ana, atalarımızdan öyrəndiklərimiz, onlarad sevmədiyimiz xüsusiyyətlər, həyat yoldaşımızdan öyrəndiklərimiz və s. Lakin bunları öyrənib ailə həyatında tətbiq eləməklə bərabər bir insanı sadəcə o olduğu üçün sevmək əsil ailə həyatı deməkdir. Əsasən hər zaman sevgi, hörmət, inam, cəsarət anlayışları ailə həyatı üçün çox vacibdir.

Bunların hamısı bütünləşdiyi vaxt dəyər anlayışı daha da vacib olur. Yəni qarşılıqlı dəyər hissi. Əgər ki, ailə quracağınız kəs sizə olan sevgisini, hörmətini göstəriş xatirinə edirsə bu mütləq insanda inamsızlıq yaradacaq. Və belə bir ailə də xoşbəx olma şansı yoxdur. Yəni hər şeyə sahib olşub ancaq güvənsizliklə mücadələ etmək olmaz. Bunu üçün də ailə həyatı quramağı fikirləşdiyiniz adamı çox sevə bilərsiniz ancaq arada inam və hörmət olmadığı zaman bu munasibətin sonu mutsuzlukdur.

Bu dünyaya göz açan andan etibarən Tanrı hər kəsin alnına onun gələcəkdə qarşılaşacağı həyat səhnəsi yazır. İllər ötür bir kiçik tumurcuqdan uca gövdəli ağaca çevrilir canlı varlıq. Həyatının hər bir anında bəzən qismət payına inanlarda olur, inanmayıb bunu dananlarda. Həyat çox insanlarla qarşılaşdırır bizi, çox qonaqlarımız olur könül evimizdə amma yalnız birini daimi sakin seçirik. Seçimizin dəqiqliyinə varan kimi evlenirik biz deyirik. Bu kəlmə hər kəsin arzuladığı bir eşqin kulminasiya nöqtəsidir. Yer üzünün bütün sakinləri bu kəlməni deməyə can atırlar lakin müxtəlif yaş həddində, gəlin müəyyən dövrlər üçün nəzərdə tutulan xarakteristikaya nəzər salaq.

18-25 yaş arası gənclər -   bir andaca verdiyi qərarla bu kəlməni qısa müddətdə qəbul edirlər, onların zəkalarında ancaq sevgi ilə qurulan ailə obrazı canlanır daima. Həyatın bütün çətinliklərinə sinə gələcəklərini düşünürlər, dünyanın heç bir cəh-cəlalı olmur gözlərində. Xoşbəxt olacaqlarına əmin olmuş kimi addım atırlar bəlkədə daha sonra onları gözləyən həyat sınağının çətinliyini gözə almadan. Onlar ürəklərinin qanununa tabe olurlar.

26-30 yaş -   arası gənclər həyatda sərbəst olduqları, bütün şəraitə hazır olduqları halda belə seçim edərkən ağılın köməyindən istifadə edirlər. Onlar üçün ailə qurmaq qlobal bir problemə çevrilir bəzən. Seçəcəkləri insanda daha çox xüsusiyyət axtarırlar, hər cuzi anlaşılmazlığı şişirdilmiş şəkilə salırlar. Evlənirik biz kəlməsini dilə gətirmək onlara bəzən uzun söz söhbətin yekun həddində olur. Onlar ağıllarına bağılıdırlar.

31-35 yaş arası gənclik dövrünün son həddində olan gənclər  -    evlənirik bizə gənclik həvəsinin orta yaş həddinə doğru istiqamətinin dəyişdirilməsi kimi bu hissin məhv olmasının qarşısını alan bir ümid kimi baxırlar. Onlar üçün evlənirik biz heç kimə məhəl qoymadan qəbul ediləcək qərarın son variantıdır. Onlar ümidlərini üzməyəndilər.

36-45 yaş arası orta yaş həddində olan insanlar üçün   -    evlənirik biz qərarının verilməsi övlad sahibi olmaq istəyən və onun üçün valideyn olacaq insanların qəbul etdiyi kəlmədir. Bu kəlmənin arxasında dayanan məsuliyyət isə yalnız tənhalığa son qoymaq istəyən insanın üzərinə düşür. Onlar bir can üçün yaşayırlar.

45 yaşdan yuxarı insanlar   -   isə evlənirik biz kəlməsini yalnız özlərinə həmfikir tapdıqları zaman dilə gətirirlər. Onlar səssizlikdən bezmiş olurlar.

Bunuda qeyd etməliyik ki, hər bir yaş həddindən asılı olmayaraq yaranan istisna hallarda var.

Kimliyindən asılı olmayaraq bu qərarı verən insanlara ürəklə, ağılın ortaq cəhətlərini tapmaq ideyasını çatdırmaq istərdik.

Qarşıda duran məsələ bu kəlmənin necə qəbul etməkdən asılı deyil, əsas bu kəlməni qəbul edərkən onun məsuliyyətini hiss etməkdən və icrasını yerinə yetirməkdən ibarətdir.

Hər kəsdən “Evlənirik.biz” i eşitmək ümidi ilə…..

Evlenirik.Biz-in Dövlət Statistika Komitəsinə istinadən verdiyi məlumata görə, bu ilin yanvar-iyun ayları ərzində Azərbaycanda 32600 nəfər evlənib.

Bu dövrdə Azərbaycanda bağlanmış nigahların sayı hər 1000 nəfərə 7,4 nəfər təşkil edib. Boşanan ailələrin  sayı isə 4,2 min nəfərə çatıb. Boşanan insanların sayı keçən ilin eyni dövrü ilə müqayisədə dəyişməz qalıb.

Statistika məlumatlarına görə, ilk nikaha daxil olanların orta yaş həddi kişilər arasında 27, qadınlar arasında isə 23 yaş təşkil edir.

Əlavə olaraq bildirmək istərdik ki, bu altı ay ərzində Azərbaycanda 76,3 min nəfər uşaq doğulub və 27 min nəfər isə dünyasını dəyişib. Doğulanların sayında 5,1 faiz artıb, ölənlərin sayında isə 0,1 faiz azalma qeydə alınıb.

Evlenirik.Biz Mətbuat Xidməti

Ürəyinizcə olmayan saç kəsimi, yaraşmayan saç rəngi və ya modeli… Bunlarla üzləşdiyiniz hallar ola bilər. Amma gəlinlər üçün belə hal qətiyyən arzuolunan deyil. Saçınızla bağlı etməli və etməməli olduğunuz şeyləri əvvəlcədən planlaşdırsanız, hər hansı problemlə üzləşmək riskini minimuma endirə bilərsiniz. Bu sahədə Evlenirik.Biz “Bəy-Gəlin” Kataloqunun tövsiyələrini Sizə təqdim edir.

Bunlara diqqət edin:

• Duvaq taxıb-taxmamağa qərar verməzdən əvvəl saç düzümünüzü müəyyən edin.
• Saç üslubunu seçmədən əvvəl fərqli düzümləri yoxlayın.
• Toya 6 ay qalmışdan saçlara baxımını yaddan çıxarmayın.
• Toya 2 həftə qalmış saç rənginizi yeniləyin və ya dəyişin.
• Gəlinlik modeli ilə saç düzümünün ahəngini nəzərdən qaçırmayın.
• Saçlarınızı yaxşı kəsdirsəniz, forma vermək üçün daha az vaxt itirərsiniz.
• Duvağı toy əsnasında çıxarmağı düşünürsünüzsə, saç ustanıza bunu əvvəlcədən bildirməlisiniz.
• Şampun və saç kremini saç növünə görə istifadə etdiyinizdən əmin olun.

Bunları etməyin:

• Toya 3 ay qalmış saç üslubunu dəyişdirməyin.
• Saçınızı evdə boyamayın.
• Ürəyinizə yatmayan saç düzümünə sizi razı salmalarına yol verməyin.
• Saçınızda ağır aksessuar istifadə etməyin. Toy günü baş ağrısına səbəb ola bilər.
• Tələsib saçınızı çox tez düzəltdirməyin. Qarşıda uzun bir gün olduğunu unutmayın.
• Toy günü saçınızı yumayın. Əks təqdirdə saçın istədiyiniz şəkili alması çox çətin ola bilər.

Fərqli saç nümunələri olan qalereyamızı  təqdim edirik.

[Show as slideshow]

[View with PicLens]

12►

Evlenirik.Biz

Toylar milli mədəniyyətin gündəlik həyatda əks olunması baxımından vacib hadisələrdən biridir. Ailə quran insanların, eləcə də onların ailə üzvlərinin və yaxınlarının bir yerə toplaşaraq öz sevinclərini bölüşdüyü, əyləndiyi bu şən məclislər əsas təyinatını kölgədə qoymamalıdır.

Evlenirik.Biz “Bəy-Gəlin” Kataloqunda yayımlanan məqaləni sizinlə bölüşür. Bu gün toylarda şahidi olduğumuz və getdikcə adiləşən bir sıra hallar ağlı kəsən hər kəsi narahat edir. Çoxları musiqi zövqümüzün korlanmasından, yemək kimi məsələlərdən şikayət edir, bir şam yandırmaqdansa qaranlığa söyür. Unutmayaq ki, sivil cəmiyyətlərdə hər bir problem tədricən həll oluna bilər. Bunu isə təbii ki, həmin cəmiyyətin üzvü olan sivil insanlar etməlidir.

Əvvəlcə “toy” deyəndə nə istədiyimizə qərar verməliyik. Yəqin ki, bir çoxlarının ortaq istəyi toyun şən keçməsidir. Bu baxımdan məkan seçimi ən vacib şərtlərdən biridir. Bakıda toylar əsasən şadlıq saraylarında keçirildiyi üçün bu mövzuya toxunmağı düşündük. Hazırkı vəziyyət hamıya bəllidir: Bir neçə yüz nəfər eyni zala toplaşır, burada həm yeyib-içir, həm də oynamağa çalışır. Kişilərin çoxu fürsət tapan kimi foyedə istirahətə çəkilsə də, xanımlar davamlı əziyyətə məhkum olur.

Fikrimizcə problemin həlli keçmişi yada salmaqdan keçir. Belə ki, əvvəllər yemək yeri ilə toyxana ayrı olardı. Qonaqlar bir tərəfdə yemək yeyər, ürək sözlərini deyər, toyxanada isə rəqs edər, musiqi dinləyərdilər. Təbii ki, mağar toylarına geri qayıtmağı təklif etmirik. Sadəcə olaraq, bir çox restoranda olan foyelərin daha da genişləndirilməsi, həm xanımların, həm də kişilərin istəyəndə çıxıb burada dincəlməsi üçün uyğun şərait yaradılmasını təklif edirik. Bu xırda dəyişiklik problemi böyük ölçüdə azaldar. Heç olmasa masalardakı yükün bir qismi furşetə əlavə olaraq foyedə yer ala bilər.

Yaxşılığa doğru nailiyyət əldə etmək işində insanların münasibəti də başlıca rol oynayır. Gərək hər kəs nəyin pis, nəyin yaxşı olduğunu görüb seçimini yaxşıdan yana etsin.

Təəssüf ki, bəzi insanlar hazırkı şəraiti normal qəbul edir. Hətta “dünyanın heç bir ölkəsində bizdəki kimi möhtəşəm toy olmur” fikrini də irəli sürürlər. Bəlkə də belədir. Amma mövcud vəziyyət inkişafın, yüksək mədəniyyətin, ictimai zənginliyin göstəricisi kimi qətiyyən qəbul olunmamalıdır. Mövcud vəziyyəti daha mədəni və sivil formaya salmağa, neqativ cəhətlərdən və yüksək mədəniyyətə malik olan cəmiyyətlərdə qəbul olunmayan qüsurlardan qurtulmağa çalışmalıyıq. Çünki Azərbaycan artıq müəyyən mədəni səviyyəyə nail olmuş sivil bir Avropa ölkəsidir.

Evlenirik.Biz Mətbuat Xidməti

Həqiqətən də həyatınız boyu bir yerdə olmaq istədiyiniz biri ilə, yaxşı-pis hər şeyi bölüşmək üçünmü ailə qurmaq istəyirsiniz, yoxsa bu 6 səhv səbəblərə görəmi? Evlenirik.Biz Sizə ciddi tövsiyələr edir.

1. Səhv səbəb: Sevirəm, Ölürəm

Sevgi; əsaslı izah edilə bilən bir ruh halı deyil. Sevirsiniz, ölürsünüz bunu ürəkdən yaşamağı sadəcə tövsiyə edə bilərik. heç bir sevgi bir neçə ildən çox çəkməmişdir.  Müəyyən bir müddətdən sonra bitər. Diqqət edin o sevgi dediyiniz öz yerini çox istəməyə, mütləq yanında olmaq istəməyə, bir-biri ilə yaxşı anlaşmağa, dostluğa buraxırmı? Vurulmuşsunuzsa ailə qurmaq qərarı almaq üçün o vurğunluğun sona çatmağını gözləyin.

2. Səhv səbəb: Tənhalıqdan sıxıldım

Bilinir ki, sıxılan insansınız. Tənhalıqdan olduğu kimi bərabərlikdən də sıxılacaqsınız. Üstəlik ondan daha tez sıxılacaqsınız. Çünki tənhalığın əvvəl-axır sizin nəzarətinizdə olması  ehtimal edilən bir şeydir. Tənha olan zaman istədiyiniz vaxt harasa gedə bilər, istədiyiniz vaxt televizorun istənilən kanalına baxa bilərsiniz. Lakin bərabərlik heç vaxt tamamilə sizin nəzarətiniz altında olmur. Və tənhalıqdan sıxıldığınızdan daha çox biri ilə birlikdə olmaqdan və bir evdə yaşamaqdan sıxılacaqsınız.

3. Ailəm sevgili olmağa icazə verməz

Bir müddətdir bir sevdiyiniz insan var ailənizin bu vəziyyətdən xəbərdar oldu. Bu vəziyyətdə ailəniz daha çox sizi töhmət etməsinlər deyə  hər hansısa bir yolla sevdiyiniz insana təsir edərək artıq ailə qurmaq istədiyinizi deməyə, ima etməyə başlayırsınız. Lakin sevgililik sevgililikdir, ailə qurmaq isə tamamən fərqlidir. İki insan ən azından müəyyən bir müddət bir yerdə yaşamadan ailə qurmağa qərar verməməlidir, idealı budur, amma coğrafiyamızda bu nadir hallarda mümkün olduğu üçün sizə tövsiyəmiz; heç olmasa biraz böyüməyi gözləyin.

Böyüdükcə həyatdan nə istədiyinizi biləcəksiniz. Sırf  ailəniz belə istəyir deyə bir insanla 50 il bir evdə yaşamaq sazişi bağlamağın necə bağlayıcı bir sözləşmə olduğunun fərqinə varmaqdan ötəri biraz daha gözləyin.

4. Səhv səbəb: Çətin bir mərhələdən keçməkdə mənə köməklik etdi

Çətin bir mərhələdən keçməkdə sizə kömək edən şəxslərə dost, qohum və ya psixoloq deyirlər. Və bunlar sonradan o şəxslərin həyat yoldaşınız olması üçün kifayət edəcək  qədər şərt və yaxınlıq deyil. Həmin çətin mərhələ bitdikdən sonra sizinlə ailə qurmaq istədiyini deyən insan, onsuzda o mərhələdən əvvəl bunu  beyninə yeritmiş deməkdir. Yəni sizə o köməkliyi və dəstəyi əvəzsiz etməmişdir. Yaxşı deyək ki, həqiqətən də o yaxşı niyyətli biridir və sizə əvəzsiz olaraq köməklik etmiş olsa belə bir insanın köməksevər, yaxşı və pis gün dostu olması onunla eyni evdə və xoşbəxt bir cinsi həyat yaşaya biləcəyiniz mənasına gəlmir. O yaxşı bir insandır; bu qədər… Digər kriteriyaları dəyərləndirmək lazımdır!

5. Səhv səbəb: maddi vəziyyəti yaxşıdır

Pul heç bir xoşbəxtçiliyin açarı deyil, ola bilməz. Bir insanla bölüşəcək xoşbəxtlik, sadəcə yaxşı maşın və restoranlarda keçirilən günlərdən ibarətdirsə, ona xoşbəxtlik yox istifadə deyirlər. Sizin və özünün rahat, fikirləşmədən xərcləməsini təmin edən kişiyə yalnız sponsor deyilər. Həyat yoldaşı yox.

Xoşbəxtlik, bir birini yaxşı başa düşmə, birlikdə nələrdənsə zövq almaq, pulun gücü ilə edilən birşey deyil. Pul sadəcə seçimləri çoxaldır. Lakin olmayan birşeyi əvəz edə bilməz. Amma vaxt aşırı keçdiyini fikirləşdirəcək qədər aldadıcı ola bilər. Sonunda isə “hərşeyim var, mən niyə xoşbəxt deyiləm?” deyə fikirləşməmək üçün vaxtında bunları fikirləşmək lazımdır.

6.  Səhv səbəb: Artıq özümə aid bir evim olsun istəyirəm

Xüsusilə də bizim mentalitetimizə aid bir şey. Gənc qızlar rahat-rahat gəzib, əylənə bilmədikləri üçün özlərinə aid bir dünya yaratmağın yolunun bir evdə yaşamaq olduğunu fikirləşirlər. Cəmiyyətimizdə ailələr qızlarının ayrı yaşamaqlarına icazə vermədikləri üçün onlar da ev sahibi olmağı ailə qurmaqda görürlər. Qızların vəziyyətini başa düşməyə çalışırıq əlbəttə çətindir. Amma nə olursa olsun özünüzə aid bir evin olması üçün ailə qurmaq doğru deyil. Yəni sadəcə bu səbəbə görə ailə qurulmaz. Unutmayın ki, o həyatda sadəcə sizə aid olmayacaq. Sərbəstliyinizin daha da az olduğu həyat ailə həyatıdır. Doğru insanlar seçilmədiyi müddətcə ata evi daha rahatdır.

Evlenirik.Biz

Ən gözəl gününüzdə gözəlliyinizə gözəllik qatmaq əlinizdədir. Bu istiqamətdə Evlenirik.Biz sizə bir neçə faydalı məsləhət  edəcəkdir.

Üz

Kirşan və örtücü krem qüsursuz bir görünüş üçün vacibdir. Ağ qiyafədə olacağınız üçün örtücü kremi dəri rənginizdən tünd seçməyin, yoxsa üzünüz boğunuq görünə bilər. Təbi görünüş üçün dəri rənginizə uyğun örtücü krem və pudra seçin.

Açıq sinəsi olan bir paltar seçmişsinizsə bu zaman boynunuza da kirşan çəkməyi unutmayın.

Gözlər

Gözlərinizi vurğulamaq üçün açıq rəngdən orta tünd rənglərə qədər olan bir ton seçə bilərsiniz. Qaş sümüyünüzün tam altına isə, açıq dərilisinizsə ağ, bir az qarabuğdayısınızsa sümük rəngi bir göz boyası çəkin. Bu görünüş gəlinliyinizin gözəlliyi ilə bir-birini tamamlayacaqdır.

Kakao, qum rəngləri göz qapaqlarının ətrafını vurğulaya biləcək rənglərdən sayılır. Baxışlarınızın diqqət çəkməsi üçün alt və üst göz qapaqlarını qəhvəyi, tünd yaşıl və ya kömür rəngi kimi təbi tonlarla rəngləyin.

Qaşlar da müəyyən miqdarda rənglənməlidir. Lakin diqqət çəkəcək qədər yox! Təbi bir görünüş üçün saç rənginizə uyğun olan göz qələmi ilə rəngləyin. Qaşlarınızın alınmasını bir-iki gün əvvəl etsəniz qızarıqların yaranmasının qarşısını almış olarsız.

Bu gözəl gününüzdə mütləq suyadavamlı tuşdan istifadə edin. Bu tuş həm daha uzun ömürlü olacaq həm də belə duyğulu gününüzdə göz yaşlarınızın gözəlliyinizi pozmasına imkan verməyəcək. Dəri rənginiz çox açıqdırsa tünd qəhvəyi tuşdan istifadə edin. Kirpiklərinizin daha uzun və gözlərinizin daha böyük görsənməyi üçün tuşdan istifadə etməzdən əvvəl kirpiklərinizi kirpik qaldıran cihazla qaldırın.

Yanaqlar

Sizi sağlam göstərəcək bir ənlik seçin! Dərinizin rəngi açıqdırsa çəhrayı, qarabuğdayısınızsa, qırmızı tonları seçin. Ənlik yanaqlarda almacıq sümükləri istiqamətində və alnınıza çəkilir. Daha təbi görsənmək üçün yalnız almacıq sümüklərinizə istifadə etdiyiniz ənliyin bir ton açığını çəkin. Ənliyi normaldan biraz çox çəkin.

Dodaqlar

Hər zaman istifadə etdiyiniz dodaq boyasından bir iki ton açıq rəng dodaq boyası çəkin. Çəhrayı, qırmızı, narıncı rəngdə olan dodaq boyaları gəlinlər üçün ideal bir rəng sayılır. Ən sonda isə dodaq qələmindən istifadə edərək dodaqlarınızı vurğulayın.

Dırnaqlar

Dırnaqlarınıza açıq rəngli dırnaq boyası çəkin. Üzərinə isə dırnaqlarınızı daha da parıltılı edən rəngsiz dırnaq boyası çəkin. Bu dırnaqlarınızı daha səliqəli və təbi göstərəcək.

Evlenirik.Biz