Toy və nişan gözəl adətlərimizdən ən qədimi, ən maraqlısı və ən şənidir. Əzəldən bu mərasimləri 3 gün 3 gecə, 40 gün 40 gecə keçirərmişlər. Bu günlər 3 gün 3 gecə keçirilməsə də 40 gün 40 gecənin xərci çıxır. Amma bu tamam başqa mövzudur. Bu gün Evlenirik.Biz-in açacağı mövzu isə tam başqadır.

Şənliyə dəvətliləri ev yiyəsi qabaqcadan razılaşdırılmış masada əyləşdirir. Bu artıq illər boyu adət halını alıb. Bu cür xeyir işdə yığılan qohumlar, tanışlar bir-birləri ilə ünsiyyət apara bilmirlər. Bir-birindən ayrı oturan qonaqlar toy zamanı az görüşürlər. Bu problemi bir qırağa qoysaq da digər problemlər üzə çıxır. Möhkəm musiqi səsi, bu səs-səda altında yaxında oturan qonaqlar belə bir-birləri ilə ünsiyyət qura bilmir və toy bitdikdən çox sonra mahnı uğultusu hələ beyində olur. Digər problemler musiqi səviyyəsi, müğənnilər və s. barədə  danışmırıq.  Axı qonaqlar yeməyə, mahnıya qulaq asmağa deyil, gəlinlə bəyin ən xoşbəxt günlərində onlarla birgə olmaq, sevinclərini bölüşmək üçün yığılırlar. Eyni zamanda belə marəsimlər yaxın-uzaq qohum, tanışların birgə toplanıb görüşmələrinə səbəbdir. Lakin bu görüşdə qonaqların marəsim haqqında təəssüratlarını bölüşməyə imkan yaradılmır.

Bu problemləri nəzərə alıb qonaqların və ev yiyəsinin rahatlığı üçün optimal çıxış yolu axtardıq. Belə nəticəyə gəldik – Avropa, Amerika indi Rusiyada da toy və nişanda çoxdandır ki furşetə üstünlük verirlər. Furşet (fourchette) – fransız sözündən əmələ gəlib, mənası çəngəl deməkdir. Furşetdə təklif olunan taəmların hamısı çəngəllə və ayaq üstü yeyilə bilən olmalıdır. Furşet 2-3 saat davam edir və burada hər qonağa 400-500 qr müxtəlif növ qəlyanaltı nəzərdə tutulur. Furşet stolu adi stoldan 90-100 sm hündür, kvadrat, düzbucaq, dairəvi formada ola bilər. 2-3 mərtəbəli də ola bilər, lakin hər mərtəbənin hündürlüyü 50 sm-dən çox olmamalıdır. Stolun üzərinə uzun süfrə salınır. Süfrə ilə yerin arasında 5 sm ara qalmalıdır. Stolun üstünü gül kompozisiyaları ilə bəzəsəniz, ona qeyri adi görünüş vermiş olarsınız. Nəfis furşet 12-16 soyuq, 1-3 isti qəlyanaltı, desert, çay və kofedən ibarət olur. Sərinləşdirici içkiləri stolun kənarına yığırlar. Şirəylə suyu isə küpəyə töküb boşqabın içində stola qoymaq vacibdir.

Furşet ev yiyəsinin işini olduqca asanlaşdırır. Belə halda qonaqlar otağı və ya zalı gəzib bir-birləri ilə təəssüratları ilə bölüşürlər. Onlar üçün ünsiyyətə optimal şərait yaranır və seçimdə daha azad olurlar, fikir və marağa görə də qruplaşırlar.

Furşetdə həm də eyni məkanda daha çox qonaq qəbul eləmək imkanı yaranır. Belə olduqda rəqs üçün geniş yer də ayırmaq mümkünlüyü yaranır. Ancaq bir şərtlə ki, mahnı müşayiəti qonaqların söhbətinə mane olmasın. Proqramın arasına qabaqcadan düşünülmüş əyləncəli oyunlar, yarışlar da təşkil etmək olar. Oyunda qonaqların mərasimdən yadigar balaca hədiyyə udmaq şansı olacaq.

Deməli ilk əvvəl furşet bizə daha çox qonaq dəvət eləməyə, mərasimin əyləncəli keçməyinə fürsət yaradır. Digər fürsət dəvətlilər özləri özlərinə qulluq etdiyinə görə ev yiyəsinin üzərindən bu məsulliyyətli yük də götürülür.

Nişan mərasiminiz evdə keçirilərsə furşet eləmək lap yerinə düşər.

Furşeti isti aylarda həyətdə, bağ evində təşkil etmək daha gözəl olardı.  Belə nişan, istəsəniz hətta toy digərlərindən orijinallığı ilə fərqlənəcək və yadda qalacaq.

Hər kəsin öz flash kartı özünə məxsus olmalıdır ideyasından yola çıxan Microsoftun oyun yaradıcısı artıq qadınların öz sevdiklərinə USB nişan üzükləri bağışlayacağını düşünür.

Qızıldan hazırlanmış üzük eyni zamanda içində yerləşdirilən mikroçip yaddaş vasitəsilə bildiyimiz flash diskə çevrilib. Evlilik fantaziyaları dəyişdikcə bu növ aksesuarın maraq cəlb etməsi gözlənilir.

Proyektora çevrilən üzük

Bəli səhf eşidmədiniz. Üzük bildiyimiz proyektora çevrilir. İlk baxışda normal üzük kimi görülən üzüyün qaş hissəsində böyüdücü (lupa) və alt hissəsində isə slaydın pozitiv lenti görünür.

Qaranlıq otaqda kiçik led işıq ilə ışıqlandırılan üzük əsl proyektor kimi duvara şəkili əks etdirir. Bu üzük IXX əsrin aksesuarlarından ilham alınaraq əldə edilmişdir.

Evlenirik.Biz

Evlenirik.Biz  ”anspress.com” saytındakı xəbərə istinadən bildirir ki, insanların nişanda və evlilikdə üzük taxması adət-ənənəsi qədim misirlilərə məxsusdur. Miladdan 2800 il öncə Misirdə yaşayanlar başlanğıc və son nöqtəsi olmadığına görə halqa şəkilli cisimlərin sonsuzluğu təmsil etdiyinə inanıblar. Üzük də belə əşyalardan idi və onu barmağa taxmaq evliliyin sonsuzadək davam edəcəyi mənasına gəlirdi. Daha sonra bu inanc romalılar vasitəsilə ətraf ölkələrə də yayıldı və kütləvi hal almağa başladı.

Qədim Misirdə nişan üzüyünü sol əldə gəzdiriblər. Elə indi də şərq ölkələrində nişan üzüyünü sol ələ taxırlar. Avropanın əksər ölkələrində isə nişan üzüyü əvvəlcə sol ələ, toyda və toydan sonra isə sağ ələ taxılır. Nişan üzüyünün sol əlin, ikinci barmağına taxılması da bilavasitə inanclarla bağlıdır. Qədimdə insanların şah damarının məhz bu barmaqdan başlayıb ürəyə kimi getdiyinə inanıblar. Bununla da bu barmağa taxılan üzüklər cütlüyün bir-birinə ürəkdən bağlandığını göstərirmiş.

İndi damarların hardan başlayıb harda bitdiyi bilinsə də bu adət dəyişilməyib.

Hindistanda nişan əlaməti olaraq böyük barmaq da daxil olmaqla bütün barmaqlara bürcə uyğun simvoilk daşlarla bəzədilmiş qızıl üzüklər taxılır. Qəribə olsa da, Hindistanda brilliant daşın mənfi enerji daşıdığına inanırlar və hesab edirlər ki, yalnız hədiyyə edildikdə brilliant bu xüsusiyyətini itirir.

Nişan üzüyünü brilliantla ilk dəfə orta əsrlərdə italyanlar bəzəməyə başlayıblar.

Əvvələr istifadə olunmuş üzüyü nişan üzüyü kimi istifadə etmək yaxşı deyil, yalnız irsi olaraq verilən üzük istisnadır.

Evlenirik.Biz Mətbuat Xidməti

Parlamentin payız sessiyasına “Ənənələr haqqında qanun” layihəsi təqdim olunacaq.

Bu haqda Trend News-a deputat Musa Quliyev məlumat verib. Onun sözlərinə görə, həmin layihədə toylarla bağlı qaydalar öz əksini tapacaq: “Dünyanın heç bir yerində Azərbaycandakı qədər şadlıq evi yoxdur. Heç bir yerdə toya bu qədər adam dəvət etmirlər. Bir adam nə qədər yemək yeyə bilər? Toylarda süfrəyə 20-30 çeşiddə xörək düzürlər. Onların 80 faizi isə elə stolda qalır və əl vurulmamış bu xörəklər növbəti toyun süfrəsini “bəzəməli” olur”.

Musa Quliyevin sözlərinə görə, toylar artıq korrupsiya mənbəyinə çevrilib: “Vergilər Nazirliyi bu işlə ciddi məşğul olmalıdır. Belə də şey olar? Bir toyda müğənniyə 10 min və ya 15 min dollar pul vermək olar? Bizim toylarda adam səs-küydən sadəcə dəli olur”.

Evlenirik.Biz Mətbuat Xidməti

(LUISA BECCARIA)

(VERCASE)

(BLUGIRL)

Əgər siz “böyük gözləriniz” müzakirə obyekti olmasını istəmirsinizsə bu tip paltarlardan vaz keçin

(ERMANNO SCERVINO)

(DOLCE&GABBANA)

(JIL SANDER)

(YVES SAINT LAURENT)

(TADASHI SOSHJI)

Əlbəttə unutmaq lazım deyil ki, əsl ulduz Sizsiniz. Evlenirik.Biz komandas; Sizə xoşbəxtlik Oskarı arzulayır!

Evlenirik.Biz Mətbuat Xidməti

Brilyant (frans.«brillant» – «parıldayan»)

Keyfiyyətli bir brilyant seçmək istərkən, zəruri olan əsas özəllikləri, yəni 4C adlandırılan Karat ağırlığı (Carat weight), Təmizlik (Clarity),Rəng (Color) və Kəsim (Cut) əyarlarını nəzərə almağınız gərəkdir. Brilyantın dəyəri nadir olmasına, qiyməti isə qeyd olunan dörd özəlliyinə bağlıdır. Adi baxışda eyni görünsələr də, brilyantların dəyər və qiymətləri eyni deyil.

Eyni karat ağırlığındakı iki brilyantın qiymətinin fərqli olması onların karat agırlığının təmizlik, rəng, kəsim və bunların bir biri ilə birləşməsinə bağlıdır. Aşağıda göstərilən 4C özəlliklərinin təsviri brilyantın hansı meyarlara görə təsnif edildiyi və qiymətləndirdiyi haqqında sizlərdə müəyyən təsəvvür yaradacaq.

Kəsim. Kəsim bəlkə də, 4C özəlliklərinin ən önəmlisidir; çünki brilyantın gözoxşayan parıltısı kəsimin keyfiyyəti sayəsində üzə çıxır. Brilyantın digər özəllikləri onun təbiətindədirsə, kəsim özəlliyi brilyantın üzərində insan əli ilə yaradılan tək özəllikdir.Brilyant kəsimi daşın simmetriyası və ölçüləri ilə əlaqədar bir özəllikdir. Kəsim brilyanta işıltı və parıltı verir, onun işığı qırma qabiliyyətini təyin edir. Brilyant qüsursuz bir rəng və təmizliyə sahib olsa da, pis bir kəsim nəticəsində o, gözəlliyini itirə bilər. Ona görə də kəsim brilyantın ən vacıb özəlliyi hesab olunur. Brilyantın parıltısı onun özünə çəkdiyi işığı əksetdirmə qabiliyyətinə bağlıdır.

Kəsim brilyantın formasını və proporsiyalarını təyin edir. Gələcək brilyantın formasının seçimi işlənməmiş almazın formasından asılıdır. Fased (isığı əks etdirən açıq səth) parametrləri düzgün olan yaxşı bir kəsim brilyantın işıltısını və parlaqlığını üzə çıxarır. Texniki bir mövzu olan brilyant kəsimi ilə brilyant formasını qarışdırmaq lazım deyil. Forma insanın zövqünə bağlıdır. Yumru kəsim bilinən kəsimlər arasında ən geniş yayılmışdır. Digər kəsimlər arasında-baqet, damcı, markiz, prinses, oval və ürək formalı kəsimləri qeyd etmək olar.
[ad#468x60]
Brilyantın qiymətinə təsir edən kəsimin növbəti vacib aspektiv zəruri proporsiyaların gözlənilməsi və cilalama keyfiyyətidir. Yalnız bu şərtlər altında almazın optik xüsusiyyətləri maksimal dərəcədə aşkar olunur və onun parıltısı ortaya çıxır. Brilyantın ideal proporsiyalarında cüzi dəyişiklik onun qiymətinin düşməsinə gətirib çıxarır. Əgər ən parlaq və işıltılı brilyant almaq istəyirsinizsə, seçiminizi yumru kəsimə yönəldin. Digər kəsimlər yumru kəsim qədər çox parıldamayacaq.

Kəsimin əsas elementləri aşağıdakılardır:

• Üst səth (table) -  brilaytın kəsim xəttinə perpendikulyar olan üst səth düz səkkiz bucaq formaya malikdir. Bu üst səth işığı cəlb edir və əks etdirir.
• Kəmər (girdle) -   brilyantı üst (tac) və alt (pavilyon) hissələrə bölən hissədir. Kəmərin hündürlüyü kəsimin keyfiyyətinin göstəricisidir. Daş seçərkən nəzərə almalısınız ki, kəmər nə qədər nazikdirsə, kəsimin keyfiyyəti bir o qədər yüksəkdir
• Tac (crown) – üst səth ilə kəmərin arasında yerləşən hissədir.
• Pavilyon (pavilion) – kəmər ilə palet arasında olan brilyantın alt hissəsidir.
• Kalet (culet) – alt tərəflərin cəmləşmə nöqtəsinə deyilir. Seçim zamanı minimal ölçülü paletə malik olan daşlara üstünlük verilir. Cilalanmış tərəflərin üzərində işləmə izləri olamamalıdır. Əks halda, briliyantın əksetdirmə qabiliyyəti və parıltısı zəifləyir.

Karat ağırlığı. Karat- brilyantın ağırllıq ölçüsüdür. Bir karat 200 milliqrama bərabərdir və 100 bərabər hissələrə bölünür. Yarım karat 50 sotdur və 0.50 ct şəklində yazılır. Eyni karat ağırlığındakı iki brilyantın qiyməti, kəsim, rəng və təmizlik özəlliklərinin fərqli birləşməsi səbəbi ilə fərqli ola bilər.

Bir daşın ağırlığı ilə böyüklüyünü qarışdırmaq lazımdır. Digər daşların təyinində istifadə olunan karat miqdarları ilə brilyantın karat ölçüsü fərqli olacaq. Çünku  fərqli minerallar fərqli ağırlığa malikdirlər.

Daşların ölçü vahidi olan karatı zərgərlikdə istifadə olunan qızılın təmizlik (əyar) ölçüsü ilə qarışdırmamaq lazımdır. Karat qızılın əyar ölçüsü kimi kütlə vahidini deyil, qızıl xəlitəsinin keyfiyyətini bildirir.

Rəng. İnsanlar müxtəlif rənglərə üstünlük verirlər: buna görə 4Clər arasında rəng özəlliyi də vacib olanıdır. Brilyantın rəngləri ağın müxtəlif  tonlarından ibarətdir. Brilyantlat rəngsizə nə qədər yaxın olmalarına görə qruplaşdırılır. Ən nadir tapılan və ən ağ olanlar D,E,F, və G-dir, ancaq brilyantların çoxu ağ və çox şəffaf rəngli ağ olaraq adlandırılan H-L rəngləri arasındadır. M rəngi və onun altındakılar gözlə görünə bilən sarımtıl rəng çalarına malikdirlər. Digər tərəfdən, çox nadir tapılan rənglərdə  «fantazi» adlanan brilyantlar da vardır. Bunlar çəhrayı, mavi, sarı və bir çox başqa rənglərdə olur. Rəngli brilyantlar arasında xüsusi yer tutan, ən nadir və qiymətli olanlar qara brilyantlardır. Onlar çox nadir tapıldığından, qiyməti digərlərinə nisbətən daha bahalı olur.

Təmizlik. Bir brilyantın təmizliyi ləkələrinə baxılaraq təyin edilir. Demək olar ki, bütün brilyantlarda onları təşkil edən karbon kristallarının kiçik izlərinə rast gəlinir. Lakin bu ləkələrin çoxu mikroskopik olduğu üçün adi gözlə baxdıqda görünmür. Ləkələr ancaq çox qüvvətli bir xüsusi alət altında seçilə bilər. Bir brilyantın ləkələri  nə qədər az olsa, deməli, o nadir tapılandır.

Evlilik hazırlıqları, toy özü nə qədər həyəcanlı, maraqlı bir mərasim olsa da  o qədər də yorucu, gərginlik yaradan  bir mərasimdir. Ona görə də adətən, yeni evlilər toy mərasimindən sonra tez dincəlməyə çalışırlar və bal ayı da bunun üçün əla fürsətdir.  

Bundan əlavə, bal ayı yorğunluğu aradan götürməklə yanaşı, həm də yeni evliliyin daha maraqlı başlanmasına, nəhayət ki, tamamilə baş-başa, problemlərdən, işdən uzaq qala bilmələri üçün əla fürsətdir.

Nəzərdə saxlayın ki, bal ayını toydan həmən sonra etmək lazımdır, çünki sonra gecikmiş bir  bal ayı, bal ayı deyil, sadəcə tətildir. Ən azından toydan sonra bal ayını təxirə salsanız bu sizin yenidən gərgin iş həyatına qayıtmağınıza və yeni qurduğunuzu evlilikdən tam həzz ala bilməmənizə səbəb olacaq.

Nəyin bahasına olursa olsun bal ayınızı təxirə salmayın. Pulu bəhanə etməyin, bunun üçün toy pulundan da bir miqdar ayıra bilərsiniz. Unutmayın ki, bal ayı bir dəfə yaşanacaq və sizə unudulmaz dəqiqələr yaşadacaq ona görə də, bal ayınızı təxirə salmayın.

Bir məqamda var ki, indiki dövrdə çox az miqdarda pul xərcləyərək, bal ayınızı keçirə bilərsiniz.

Əgər iş qrafikiniz çox ağırdırsa, onda heç olmasa həftə sonunda şəhər kənarına çıxın. Bunun sizə necə müsbət təsir göstərəcəyini özünüz də hiss edəcəksiniz. Az da olsa özünüzə və sevdiyiniz insana vaxt ayırın.  

Nəzərə alın ki, dincəlmək üçün xarici ölkəyə getmək elə də vacib deyil, ölkəmizin Nabran, Bilgəh, Mərdəkan, Novxanı, Zaqatala, Lənkəran, İsmayıllı kimi gözəl məkanları var.  

Bal ayının harada və necə keçirilməsini müəyyənləşdirmək üçün isə ilk növbədə hər ikinizin necə bir iqlim sevdiyinizlə bağlı bir ortaq fikrə gəlməlisiniz. Ancaq dincəlmək üçün xarici ölkələrə getmək istəsəniz bal ayınızı mütləq ən az 2-3 ay əvvəlcədən planlamaq daha qənaətli olacaqdır. 

Məsələn, elə insanlar var ki, onlar qışı, qarı, sərin havanı, ya payızı, onun qızıl yarpaqlarını, romantikanı, digərləri isə  günəşi, dənizi, əyləncəni, tropik iqlimi sevirlər. Seçdiyiniz məkan da bunlara uyğun olmalıdır. 

Bundan başqa, bal ayı keçirəcəyiniz məkanın xidmətləri, yeməkləri, yeni evlilər üçün təklif etdiyi sürprizlər,  məkanın mədəniyyəti, qarşılaşacağınız və heç yerdə görməyəcəyiniz, maraqlı məqamları da nəzərə alın ki, bal ayınızı unudulmaz və maraqlı keçirəsiniz. 

Bal ayı planınızda çətinlik yaşasanız bizimlə əlaqə saxlaya bilərsiniz.

Kişilər üçün nəzərdə tutulmuş  müayinələr aşağıdakılardır:

1. Talassemiya
2. Qan qrupu, rezus faktor
3. Cinsi əlaqə ilə keçən xəstəliklər QİÇS,(SPİD), hepatit B,C (5%hallarda ), kandidoz (göbələk),xlamidioz, ureoplazmoz, mikoplazmoz, herpes, sifilis, qonoreya, papilomavirus və s.
4. Spermoqramma
5. Genetik xəstəliklər (şizofreniya və s.)

Qadınlar üçün müayinələr:

1. Talassemiya
2. Qan qrupu, rezus faktor
3. Cinsi əlaqə ilə keçən xəstəliklər (yuxarıda qeyd olunanlar)
4. Toksoplazmoz, sitomeqalovirus və s.
5. Ağciyərlərin ümumi rentgen müayinəsi
6. Qadın cinsiyyət orqanlarının ultrasəs müayinəsi
7. Genetik xəstəliklər

Yuxarıda göstərilən bəzi xəstəliklər haqqında sizə məlumat verəcəyik.

Talassemiya xəstəliyi: genetik keçən bir xəstəlik olub, valideynlərindən uşaqlara keçir. Valideynlər isə ya özləri xəstə olurlar ya da daşıyıcı olurlar. Oğlanlar və qızlar eyni dərəcədə xəstələnirlər. Ən çox yayılmış forması isə b (betta) talassemiyadır.

Bu ən çox cənubi və dənizkənarı ölkələrdə yayılmışdır. Sözün kökü də yunan sözü olan “thalassa” sözündən götürülüb, “dəniz” deməkdir. Keçmiş SSSR ərazisində isə ən çox Azərbaycanda yayılmışdır.

Xəstəlik hemoqlobinin (qanın tərkib hissəsi) tərkib hissəsi olan qlobinin tam ya hissəvi çatmazlığı nəticəsində meydana çıxır.

Əlamətlər isə xəstəliyin dərəcəsinə görə dəyişir. Hətta elə xəstələr var ki, onlar da ümumiyyətlə xəstəlik heç bir əlamətlə özünü göstərmir və bu ötürülmüş gendən asılıdır.

İlk əlamətləri isə uşağın birinci ilinin sonunda və ikinci ilinin əvvəlində meydana çıxır. Dəri və selikli qişalar saralmış olur və boğunuq, torpaq rənginə çalır. Uşaqlar tez-tez xəstələnirlər və inkişafdan geri qalırlar. Qarın isə qaraciyər və dalağın böyüməsi hesabına böyüyə bilər. Bəzən isə öd daşı xəstəliyi qoşulur. Sidiyin rəngi qırmızı-qəhvəyi rəngə çalır. Sümüklərdə isə   xüsusilə, kəllə sümüyündə məhz talassemiyaya  məxsus dəyişikliklər baş verə bilər, o cümlədən, patoloji (travma yox, xəstəlik nəticəsində) sınıqlar da baş verə bilər.

Müalicəsi isə qan köçürülməsi, dalağın apmutasiyası (çıxardılması) və sümük iliyinin köçürülməsi vasitəsilə aparılır.

Toksoplazmoz: bu xəstəliklə dünyada yoluxanların sayı 1milyarddan artıqdır.

Toksoplazmoz heyvan xəstəliyi kimi 80 il, insan xəstəliyi kimi 50 ildən artıq tanınır. Bu zoonoz infeksiya kimi 3 yolla yoluxur: ət məmulatları, bitki, bətndaxili. Bu xəstəlik ən çox yaxşı bişirilməmiş ət və ət məhsullarından istifadə edən insanlarda rast gəlinir.

Qan qrupu və rezus faktor: ilk növbədə nəzərə alın ki, qan qrupu və rezus faktorun yoxlanması vacibdir (bəzi insanlar hətta şəxsiyyət vəsiqəsində qan qrupu və rezus faktor olduğu halda buna diqqət yetirmirlər).

Rezus faktor qanda olan xüsusi antigendir (aqllütinogen). İlk dəfə 1940-cı ildə makak meymunlarının qanında xüsusi antigen  şəklində  tapılıb, nəsildən nəsilə ötürülür.

Yer üzərində əhalinin 80% də rezus müsbətdir (Rhpozitiv). Bəzi insanlar rezus mənfi dedikdə qorxulu bir xəstəlik başa düşürlər. Əslində isə qanın rezus mənfi olması qanköçürmədə və hamiləlik zamanı xüsusiyyət əhəmiyyət kəsb edir, həmçinin yeni doğulmuşlarda isə ana ilə uşaq arasında qan qrupu, rezus uyğunsuzluğu nəticəsində  hemolitik xəstəlik meydana çıxmasına ya da, ümumiyyətlə hamiləliyin düşüklə nəticələnməsinə səbəb ola bilir.

Bu faktor da irsi ötürülür. Mayalanma zamanı spermatozoidlə  yumurta hüceyrənin birləşməsi baş verir. Hər bir hüceyrə isə özündə həmin nəslin genlərini daşıyır. Və bu genlər vasitəsilə gözün rəngi, qulaqların forması, digər əlamətlər o cümlədən, rezus faktor və qan qrupu ötürülür.

Rezus amilinin sonsuzluğun etiologiyasında və qanköçürmədə böyük əhəmiyyəti var. Rezus amili mənfi olan hamilə qadınla onun bətnindəki rezus müsbət döl arasında hamiləliyin 7-8 həftəsindən başlayaraq rezus konflikt baş verir. Yəni ananın qanında döldəki rezus amilinə qarşı rezus  – antitellər əmələ gəlir. Belə qazanılmış immunizasiya hamilə qadınların 0.8% də təsadüf etsələr də onların 28-35% də uşaqsalma olur. Yerdə qalan hamilələr içərisində isə ölü doğuma halları artır. Antitellərin zəif titri olduqda uşaq diri doğulsa da ona hemolitik xəstəlik inkişaf edir.

İstər qanköçürmə, istərsə də hamiləlik zamanı baş verən immunizasiya hallarında rezus antitellərin əmələ gəlməsində insan orqanizmin reaktivliyinin ,allergik vəziyyətin olub-olmamasından, rezus amilin daxil olma sayının ,antigenin təkrar daxili olmalarında intervalın və digər amillərin böyük əhəmiyyəti var.

Editor: Bütün ailə qurmağa hazırlanan gənclərimizin mütləq həkim müayinəsindən keçməsinin vacibliyini vurğulayır, sağlam həyat arzulayırıq.

Dünyada gedən iqtisadi böhran hər sahədə özünü büruzə versə də,
Azərbaycan sənətçilərinin toy qiymətlərinə qəti təsir etməyib.

APA-nın 50-yə yaxın müğənni arasında apardığı sorğu nəticəsində məlum olub ki, böhranla əlaqədar müğənnilərinin qazancları heç də azalmayıb. Hər il olduğu kimi bu il də APA-nın sorğusunda ürəklə və çəkinmədən iştirak edən müğənnilərlə yanaşı, vergidən çəkinən, dilə-dişə düşməkdən qorxan sənətçilər də olub.

Bir il müddətində yerli şou-biznes nümayəndələrinin bəziləri toy qiymətlərini qaldırsa da, bəzilərinin toy qiymətində dəyişiklik olmayıb. Sorğu zamanı açıqlanacaq rəqəmlərin dərc olunacağı əvvəlcədən müğənnilərə söylənilib. Bunu eşidib qiymətini açıqlamaqdan imtina edən sənət adamları da az deyil. Ancaq etibarlı mənbələr vasitəsilə həmin sənətçilərin toy qiymətlərini öyrənmək mümkün olub. Bu ilki sorğumuzun özəlliyi bəzi sənət adamlarının Rusiyada keçirilən toy məclislərində iştirak üçün nə qədər qonorar tələb etmələrini əlavə siyahı şəklində dərc etməyimizdir. Biz sorğuda iştirak edən bütün müğənnilərdən Rusiyadakı toylar üçün tələb etdikləri qonorarla bağlı məlumat əldə etməyə çalışsaq da, sənət adamları üçün bu sual heç də ürəkaçan olmayıb.

Sorğuda iştirak edən sənətçilərdən Xumar Qədimova, Nadir Qafarzadə, Elariz Məmmədoğlu, Elton Hüseynəliyev, Mətanət İsgəndərli, Nura toylara hansı qiymətə getdiklərini açıqlamaqdan imtina ediblər. Elariz Məmmədoğlu toylarda çıxış üçün tələb etdiyi qonorarı açıqlamamaq üçün “axı mənim çox toyum olmur, ayda, ildə bir dəfə qohum-qardaş toyuna gedirəm. Buna görə də hansısa qiymət açıqlaya bilmirəm” deyib. Bizdə olan məlumata görə isə, bəhs etdiyimiz müğənni hazırda toy məclisləri üçün ən tələbatlı müğənnilər arasındadır. Xumar Qədimova isə Elariz Məmmədoğludan fərqli olaraq bunları deyib: “Şükür Allaha ki, toylarım az olmur. Məni bu gün də öz şad günlərində görmək istəyən insanlar çoxdur. Deməli sevilirəm və bu məclislərdə canla-başla iştirak edirəm. Toy qiymətlərim fərqli olduğundan konkret qiymət deməyə çətinlik çəkirəm. Sadəcə çalışıram ki, arzu olunduğum məclislərdə iştirak edim. Bu toy yiyəsinin imkanına bağlıdır”. Son illər toylarda çıxışı çox arzu edilən sənətçilər sırasına daxil olan Elton Hüseynəliyevin prodüseri Anar Mədətov toy qiymətlərini gizli saxlamalarının səbəbini belə izah edib: “İnanın ki, qiymətləri açıqlayanda çox pis duruma düşürük. Vergi gəlir, siyahını qoyur qarşımıza, pul tələb edir. Bu nəyə lazımdır ki? Pis başa düşməyin, ancaq açıqlaya bilmərəm”. Ənənəsinə sadiq qalaraq sualımızı pessimist əhval-ruhiyyədə qarşılayan, hətta ağlamsınaraq cavab verən müğənni Nadir Qafarzadə “hamı bir parça çörək pulunun dalınca qaçır” deməklə kifayətlənib. Nura isə toylara çox nadir hallarda getdiyini əsas gətirərək tələb etdiyi qonorarı açıqlamaqdan imtina edib.

Hazırda Azərbaycanda ən bahalı toy müğənnisi, nə qədər qəribə səslənsə də, əməkdar artist Bilal Əliyevdir. O, bir toy üçün nə az, nə çox düz 100 000 avro tələb edir. Ən bahalı müğənnilərin siyahısında ötən illə müqayisədə o qədər də
fərq hiss olunmur. Belə ki, ötən il olduğu kimi bu ildə həmin müğənnilərinin adları ən bahalı toy müğənniləri siyahısındadırlar. Bilal Əliyevdən sonra siyahının ən bahalı toy müğənnisi apardığı bütün toyun müqabilində 15 000 manat tələb edən xalq artisti Aygün Kazımovadır.

Ən bahalı toy qiymətləri

 8 000 manat və aşağı

 5 000 manat və aşağı

Hər il olduğu kimi bu ildə siyahımızda toy məclislərində ancaq 30 dəqiqəlik ifaya razılıq verən müğənnilər də var. Bu müğənnilər ötən ilki siyahı ilə eynilik təşkil edir. Adları sadalayacağımız sənət adamları bütün toyu aparmaq məsuliyyətini öz üzərlərinə götürmürlər. Artıq bir neçə ildir ki, eyni müğənnilər məclislərə ancaq yarım saatlıq ifa üçün gedirlər. Müğənnilərin bu addımı bütün toyu aparmaqla az pul qazanmaqdansa, gün ərzində bir neçə toya getməklə daha çox pul qazanmaq istəyi ilə izah olunur.

Yarım saatlıq ifalara görə:

Sorğumuzun sonunda vergi verməkdən qorxmayan müğənnilərin Rusiyada çıxış etdikləri toyun müqabilində tələb etdikləri qonorarı açıqlayırıq. Sənətçilərlə söhbət əsnasında məlum olub ki, şou-biznes nümayəndələri Rusiya toylarında əsasən 30 dəqiqəlik ifaya razılıq verirlər. Elə təqdim etdiyimiz siyahıda da müğənnilərin yarım saatlıq ifaları üçün tələb etdikləri qonorar açıqlanıb. Eyni zamanda pul qazanmaq üçün Rusiyaya üz tutan müğənnilərimizin yol xərclərini də toy sahibləri ödəməlidir. Əks-halda müğənnilərin tələb etdikləri qonorarın məbləğində xeyli artım olur. Həm də müğənnilərimiz toy sahiblərinin qarşısına Rusiyaya təyyarədə ancaq “biznes-klass”da uçacaqları şərtini qoyurlar. Sorğu zamanı məlum olub ki, müğənnilərimiz Rusiyada yarım saatlıq ifalarına görə, Azərbaycanda  apardıqları toylardan üç dəfə artıq pul qazanırlar. Bir şeyi də unutmaq olmaz ki, bu gün şou-biznes nümayəndələrinin əksəriyyəti (bu siyahıda adları qeyd olunmayan sənətçilər də) Rusiyada keçirilən toy məclislərində iştirak edirlər.

Müğənnilərin Rusiyada apardıqları toyun müqabilində tələb
etdikləri qonorar:

Sonda olaraq onu da vurğulayaq ki, Azərbaycanda hələ də qonorarsız, ancaq qohum və yaxın dostların toy məclislərində iştirak edən sənətçilər də var. Bu sırada xalq artistləri Flora Kərimova, İlhamə Quliyeva, Alim
Qasımov, Mənsum İbrahimovun adlarını çəkmək olar. 

Araşdırma üçün APA-ya təşəkkürlər!