Toy və nişan gözəl adətlərimizdən ən qədimi, ən maraqlısı və ən şənidir. Əzəldən bu mərasimləri 3 gün 3 gecə, 40 gün 40 gecə keçirərmişlər. Bu günlər 3 gün 3 gecə keçirilməsə də 40 gün 40 gecənin xərci çıxır. Amma bu tamam başqa mövzudur. Bu gün Evlenirik.Biz-in açacağı mövzu isə tam başqadır.

Şənliyə dəvətliləri ev yiyəsi qabaqcadan razılaşdırılmış masada əyləşdirir. Bu artıq illər boyu adət halını alıb. Bu cür xeyir işdə yığılan qohumlar, tanışlar bir-birləri ilə ünsiyyət apara bilmirlər. Bir-birindən ayrı oturan qonaqlar toy zamanı az görüşürlər. Bu problemi bir qırağa qoysaq da digər problemlər üzə çıxır. Möhkəm musiqi səsi, bu səs-səda altında yaxında oturan qonaqlar belə bir-birləri ilə ünsiyyət qura bilmir və toy bitdikdən çox sonra mahnı uğultusu hələ beyində olur. Digər problemler musiqi səviyyəsi, müğənnilər və s. barədə  danışmırıq.  Axı qonaqlar yeməyə, mahnıya qulaq asmağa deyil, gəlinlə bəyin ən xoşbəxt günlərində onlarla birgə olmaq, sevinclərini bölüşmək üçün yığılırlar. Eyni zamanda belə marəsimlər yaxın-uzaq qohum, tanışların birgə toplanıb görüşmələrinə səbəbdir. Lakin bu görüşdə qonaqların marəsim haqqında təəssüratlarını bölüşməyə imkan yaradılmır.

Bu problemləri nəzərə alıb qonaqların və ev yiyəsinin rahatlığı üçün optimal çıxış yolu axtardıq. Belə nəticəyə gəldik – Avropa, Amerika indi Rusiyada da toy və nişanda çoxdandır ki furşetə üstünlük verirlər. Furşet (fourchette) – fransız sözündən əmələ gəlib, mənası çəngəl deməkdir. Furşetdə təklif olunan taəmların hamısı çəngəllə və ayaq üstü yeyilə bilən olmalıdır. Furşet 2-3 saat davam edir və burada hər qonağa 400-500 qr müxtəlif növ qəlyanaltı nəzərdə tutulur. Furşet stolu adi stoldan 90-100 sm hündür, kvadrat, düzbucaq, dairəvi formada ola bilər. 2-3 mərtəbəli də ola bilər, lakin hər mərtəbənin hündürlüyü 50 sm-dən çox olmamalıdır. Stolun üzərinə uzun süfrə salınır. Süfrə ilə yerin arasında 5 sm ara qalmalıdır. Stolun üstünü gül kompozisiyaları ilə bəzəsəniz, ona qeyri adi görünüş vermiş olarsınız. Nəfis furşet 12-16 soyuq, 1-3 isti qəlyanaltı, desert, çay və kofedən ibarət olur. Sərinləşdirici içkiləri stolun kənarına yığırlar. Şirəylə suyu isə küpəyə töküb boşqabın içində stola qoymaq vacibdir.

Furşet ev yiyəsinin işini olduqca asanlaşdırır. Belə halda qonaqlar otağı və ya zalı gəzib bir-birləri ilə təəssüratları ilə bölüşürlər. Onlar üçün ünsiyyətə optimal şərait yaranır və seçimdə daha azad olurlar, fikir və marağa görə də qruplaşırlar.

Furşetdə həm də eyni məkanda daha çox qonaq qəbul eləmək imkanı yaranır. Belə olduqda rəqs üçün geniş yer də ayırmaq mümkünlüyü yaranır. Ancaq bir şərtlə ki, mahnı müşayiəti qonaqların söhbətinə mane olmasın. Proqramın arasına qabaqcadan düşünülmüş əyləncəli oyunlar, yarışlar da təşkil etmək olar. Oyunda qonaqların mərasimdən yadigar balaca hədiyyə udmaq şansı olacaq.

Deməli ilk əvvəl furşet bizə daha çox qonaq dəvət eləməyə, mərasimin əyləncəli keçməyinə fürsət yaradır. Digər fürsət dəvətlilər özləri özlərinə qulluq etdiyinə görə ev yiyəsinin üzərindən bu məsulliyyətli yük də götürülür.

Nişan mərasiminiz evdə keçirilərsə furşet eləmək lap yerinə düşər.

Furşeti isti aylarda həyətdə, bağ evində təşkil etmək daha gözəl olardı.  Belə nişan, istəsəniz hətta toy digərlərindən orijinallığı ilə fərqlənəcək və yadda qalacaq.

Hər kəsin öz flash kartı özünə məxsus olmalıdır ideyasından yola çıxan Microsoftun oyun yaradıcısı artıq qadınların öz sevdiklərinə USB nişan üzükləri bağışlayacağını düşünür.

Qızıldan hazırlanmış üzük eyni zamanda içində yerləşdirilən mikroçip yaddaş vasitəsilə bildiyimiz flash diskə çevrilib. Evlilik fantaziyaları dəyişdikcə bu növ aksesuarın maraq cəlb etməsi gözlənilir.

Proyektora çevrilən üzük

Bəli səhf eşidmədiniz. Üzük bildiyimiz proyektora çevrilir. İlk baxışda normal üzük kimi görülən üzüyün qaş hissəsində böyüdücü (lupa) və alt hissəsində isə slaydın pozitiv lenti görünür.

Qaranlıq otaqda kiçik led işıq ilə ışıqlandırılan üzük əsl proyektor kimi duvara şəkili əks etdirir. Bu üzük IXX əsrin aksesuarlarından ilham alınaraq əldə edilmişdir.

Evlenirik.Biz

Bütün rəfiqələrin ərdədir? Ali məktəbdə ən çirkin saydığın qrup yoldaşın qarşına çıxıb sağ əlində brilyant nişan üzüyünü fırladaraq “Ərim məni işləməyə qoymur, yeri gəlmişkən, qrupumuzda ərə getməyən yeganə qız sənsən” deyir? Bu, nokautdur.  Aysel jurnalında dərc olunmuş məqaləni Evlenirik.Biz oxucuları ilə bölüşür.

Xoşagəlməz situasiyadan çıxış yolu ərə getmək və dedi-qoduçuların ağzını yummaqdır. Bunu etmək, göründüyü kimi, çətin deyil. “Gələcək həyat yoldaşı ilə necə və harada görüşmək olar?” mövzusu başqa məqalənin mövzusudur. Görüşdüyünüz oğlanın sizinlə ciddi münasibətlər qurmaq istəmədiyni hiss edirsinizsə, məsləhətlərimizi diqqətlə oxuyun.

Ərə getmək istəyirsən? Onda müstəqillik, feminizm, müasir, hiperseksual, iradəli, məqsədyönlü sözlərini unutmalısan. Bir çoxları hesab edir ki, məhz belə qadınlar kişinin xoşuna gəlir. Bu yanlışdır! Ola bilər ki, belə qadınlar kişinin xoşuna gəlsin, amma kişilər başqa qadınlarla ailə qurmağa üstünlük verirlər. Kişilərin yanında yemək bişirə bilməməyinlə öyünürsən? Onda təəccüblənmirik ki, hələ də “evdə qalmısan”. Çünki bir çox kişilər üçün qidalanma məsələsi olum və ölüm qədər önəmlidir. Əlbəttə, hər bir kişi evdə hazırlanan dadlı xörəyi sevir.

Heç vaxt sevdiyin insanı tənqid etmə, əgər ondan evlənmə təklifi almaq istəyirsənsə. Yəqin ki, bu məsləhəti birinci dəfə eşitmirsən. Amma məhz bu qanunu qızlar daha çox pozurlar. Onlar kişinin dostlarını, anasını, işini, vərdişlərini, hobbisini, geyim, hətta arzularını tənqid edirlər. Bunu etmə. Sadəcə, özünə tez-tez xatırlat ki, böyük adamı dəyişmək qeyri-mümkündür. Axı özün də mükəmməl deyilsən. Nəticədə tənqidlərdən yorulan gənc adam sənə sual verəcək: “Əgər mən pisəmsə, niyə yanımdasan? Get, yaxşısını tap”. Və o, haqlı olacaq. Ya daha yaxşısını tap, ya da tənqid etmə.

Onun üçün əvəzolunmaz insana çevril. Deyə bilərsən ki, əvəzolunmaz adam yoxdur. Düzdür, amma sən ərə getməyə çalışdığın insan üçün beləsinə çevrilməlisən. Əvvəlcə kişini başa düşməlisən. Hamıdan gözəl görünməyə çalışma. Bu sənə lazımdır, ona yox. Onun üçün həyatda nəyin vacib olduğunu öyrən. Məsələn, potensial ərin nərd oynamağı sevir və saatlarla oynamaqdan yorulmur. O, bununla bütün dost-tanışını bezdirib. Amma sən əsla belə olmamalısan. Nərd oynamağı bacarmırsan? Öyrən və onun üçün əvəzolunmaz partnyora çevril.

Sevdiyin insanın niyə səninlə evlənmək istəmədiyini aydınlaşdır. Ola bilər ki, problem səndə olmasın. Kişini bu önəmli addımı atmaqdan bir çox səbəblər yayındırır. Səbəblərdən bəzisi sənin üçün gülməli və qeyri-ciddi görünə bilər. Yadda saxla ki, bu sənə belə gəlir. Ola bilər kişi toyqabağı əziyyətlərdən qorxsun. Əgər problem bundadırsa, ona başa sal ki, bu əziyyətləri valideynlərinin öhdəsinə buraxacaqsan. Bir çox kişilər “həmişəlik” sözündən qorxduqları üçün ailə qurmur. Bu halda onu başa sal ki, əgər yola getməsəniz, bir sıra cütlüklər kimi siz də boşana bilərsiniz. Əgər o səninlə evlənmək istəmirsə, onu hərəkətə gətir. Bunu necə etməli? Sən sevdiyin insanı hamıdan yaxşı tanıdığından özün fikirləşməlisən. Bu məsələdə individual yanaşma lazımdır. Məsələn, bir xanım sevdiyi insanın soyadını çox bəyəndiyini söyləmiş, ertəsi gün isə evlənmə təklifi almışdır. Fantaziyanı işə salmaq kifayətdir. Amma ərə getməmişdən əvvəl yaxşı düşün, həqiqətənmi bu kişi sənə lazımdır? Yoxsa insanların ağzını bağlamaq üçün ərə gedirsən. Belədirsə, dedi-qodulara fikir vermə.

Əgər müxtəlif məsləhətlərə baxmayaraq yenə də ərə gedə bilmirsənsə, deməli kişilərin heç sevmədiyi qadın tipisən. Kişilər bəzi qadınlarla evlənir, bəzilərilə bir neçə dəfə görüşür, bəzilərindən isə ümumiyyətlə, yan keçirlər. Belə fikir var ki, qadınlar öz davranışları ilə kişini özlərindən uzaqlaşdırırlar. Məhz buna görə kişilər qadınları kateqoriyaya bölürlər.

Həddindən artıq qəribə və sirli.
Əlbəttə, hər bir qadında sirli nə isə olmalıdır. Amma sirr həddindən artıq çox olanda kişi həmin qadından uzaqlaşmağa çalışır. Sirli və qəribə deyəndə nə başa düşülür? Özünü həmişə formada saxlamağa çalışır, ünsiyyətcil, seksual və cəlbedicidir. Görüşə çağırılanda konkret cavab verməmək üçün minlərlə bəhanə tapır və bununla da kişini incidir. Özünün təyin etdiyi vaxtda kişi zəng edəndə telefonu açmır. Nadir hallarda düzgün qərar qəbul edir.Münasibətləri Meksika serialları və məhəbbət romanlarındakı kimi gərginləşdirməyə çalışır.Kişini daim gərginlikdə saxlayır.Gec, ya tez kişinin psixikası buna dözmür və o, başqasının yanına qaçır.

Tamahkar
Belə qadın gözəl, seksual və çox pozğundur. O, məqsədinə çatmaq üçün cəlbdeciliyindən istifadə edir. Kişilər belələrini sevsə də, sonradan anlayırlar ki, tamahkar qadın onun arzularını reallığa çevirə bilən kişilərlə bir yerdə olur.

Var-dövlət ovçusu
Bu tip qadınlar işləmədən dəbdəbəli həyata can atırlar. Ona görə də 86 yaşlı milyonçuya rahatlıqla ərə gedə bilərlər. Bir çox varlı kişilər belə qadınları yaxşı tanıyır və onlara görə var-dövlətlərindən olmaq istəmirlər.

Dəyişkən natura
Belə qadınlar fikirlərini iki dəqiqədənbir dəyişirlər. Qərar qəbul edə bilməyən qadın öz çatışmazlığı haqqında bilir və hər dəfə kişidən üzr istəyir. Tez, ya gec kişi dəyişkən qadından yorulur və sakitlik axtarır.

Çoxbilmiş
Ensiklopedik biliklərə sahibsiniz? Bu yaxşıdır. Amma belə qadınlar bununla kifayətlənmirlər. Onlar öz fikirlərini kişilərə yeritməyə, haqlı olduqlarını sübuta yetirməyə çalışırlar. Belə qadınlar kişiləri özlərindən çıxarır.

İfritə
İşdə nə qədər “yırtıcı” olsanız da, evdə daha mehriban olmağa çalışmalısınız. İfritə natura sadəcə diqqəti cəlb edir, kişilər belələrindən tez yorulur. Belə qadınlar kişiləri qiymətləndirmir və düşünürlər ki, bütün kişilər əclafdır.

Feminist
Bu, diaqnozdur. Hərçənd onlar arasında ərə getmək istəyənlər azdır. Belələri varsa da, onlar öz ideologiyaları ilə kişiləri dəli edərlər.

Daima şikayətçi
Həmişə onların işi pis olur, ayaqqabıları sıxır və s. Belə qadınlar daima şikayət edirlər. Onlar ən bədbəxt qadınlardır. Kişilər isə bədbəxt və köməksiz qadınları sevmirlər.

Nəzarətçi
Belə qadın kişinin alt paltarından tutmuş dostlarına qədər hər şeyi nəzarətdə saxlayır. Normal kişi beləsindən dərhal qaçır.

Özünü apara bilməyən
Belələri söyüş söyür, içki içir, dava edir. Belə dostu olan kişi bu qadını neyləyir?

Yaltaq
Belə qadın kişini toya qədər tərifləyir. Beləsini müəyyən etmək çətin deyil.

Mənbə: anspress.com

Evlenirik.Biz Mətbuat Xidməti

Möhkəm, sağlam ailənin qurulması və ər-arvad arasında uyğun münasibətlərin formalaşması, mükəmməlləşməsi onların xasiyyət vəhisslərinin cilalanması ilə əlaqədardır. Bu proses hər gün, hər saat, istirahət günsüz və məzuniyyətsiz olaraq davam edir, özü də ilk növbədə ər-arvaddan öz üzərilərində diqqətlə, ağır əmək tələb edən incəliklə işləmələrini tələb edir.
Bu, çətin amma nəcibləşdir. Ailənin qurulmasına sərf olunan əmək yüz qat əvəzlə nikahda uyğunluq, uşaqların xoşbəxtliyi, mənəvi sakitliklə isinən qocalıq dövrü ilə qaytarılır.

Xoşbəxt və hərcəhətli ailə qurmaq hamıya müyəssər olmur. Yalnız özünü sevən, qeyri qanuni, yalançı, şıltaq, tənbəl şəxslər heç bir vaxt bu işin öhdəsindən gələ bilmirlər. Amma xoşbəxtlikdən belələri o qədər də çox deyil. Belə ailə qurmağı ürəkdən istəyənlər lakin bunu necə etməyi bacarmayanlar daha çoxdur.

Cəmiyyət, ictimaiyyət üçün ailə münasibətlərinin çox böyük əhəmiyyəti var. Qeyd etmək lazımdır ki, gənc ailələrdə və elənə də çoxdan qurulmuş ailələrdə çox vaxt ailədaxili münasibətlər lazımi dərəcədə möhkəm və davamlı olmur. Son illərdə ailənin dağılmasının, boşanmaların nisbətən azalmasına baxmayaraq yenə də ildə bir milyona yaxın boşanma Hadisəsi Reydə alınır.
Boşanmaların böyük bir hissəsi (müxtəlif müəlliflərin məlumatlarına görə üçdə bir hissədən yarısına qədəri) seksual uyğunsuzluq, ər-arvadın (ilk növbədə qadının) izdivacda cinsi əlaqədə təmin olunmadıqlarından, onun qaydaya salınmaması səbəbindən baş verir. Belə vəziyyət isə ailə həyatının bu cəhətini lazımi qədər təşkil edə bilməməkdən, cinsi tərbiyənin gənclərə vaxtında və düzgün çatdırılmamasından irəli gəlir.

Mənbə:  maraq.info

Hər növ düşüncə tərzinə sahib ziyarətçilərimiz müxtəlif cavabları verərək öz rəylərini bildirmiş oldu.

Beləcə çox maraqlı nəticələr ortaya çıxdı.

Anketdə iştirak etmiş hər kəsə təşəkkürümüzü bildirir və bundan sonra da ümid edirik ki, tezliklə yeni anketlərimizdə də iştirak edərək öz münasibətinizi bildirəcəksiniz.

Anketimiz belədir: İnternetdə tanış olub evlənməyə münasibətiniz?

Normal qəbul edirəm ( 48%, 242 səs)

Qəti əleyhinəyəm (17%, 88 səs)

Qəbul etmirəm (14%, 70 səs)

Çox yaxşıdır (13%, 67 səs)

Anlaya bilmirəm (8%, 42 səs)

Cəmi səs verənlərin sayı: 509 nəfər

Ümumi qısa analiz apararsaq əyər, Çox yaxşı qəbul edənləri və normal qəbul edənləri bir arada, qəti əleyhinə olanları, qəbul etməyənləri və neytral bir hal olsa da müsbət kimi qiymətləndirilməyən anlamayanların kateqoriyalarını da bir arada cəmlərsək nəticədə: 61% -309 səs mübət, 39% – 200 səs mənfi münasibət bildirmişdir.

Bu onu göstərir ki, artıq insanlarımız internet üzərindən tanışlığa daha çox meyl edir və bunu müsbət hal kimi dəyərləndirirlər.

Əlbəttə bunun xeyli müzakirə mövzusu ola biləcək öz müsbət və mənfi cəhətləri vardır.

Öz növbəmizdə hansı şəraitdə tanış olursa olsun nəticəsi 2 insanın qovuşması ilə və “Evlenirik biz” sözləriylə yekunlaşırsa, Allahdan xoşbəxtliklər arzulayırıq..

Evlenirik.Biz Mətbuat Xidməti

Düzgün həyat yoldaşı seçimi insanın gələcək həyatını necə davam etdirəcəyi fikirlərinin yarandığı  həmçinin qərar mərhələsidir.

Bir insanı həyat yoldaşı olaraq seçmək gələcəkdə dünyaya gələcək uşaqların ana və ya atasını seçmək deməkdir. Evlenirik.Biz olaraq məsləhətlərimizi sizlərlə bölüşürük.

Unutmayaq ki, hər bir kəsin ana və atasından aldığı xüsusiyyətləri vardır. Ailə həyatında qadın hər zaman quracağı ailəni aldığı tərbiyə ilə müqayisə edir. Əgər ki, ata çox güclü bir atadırsa o zaman qadın seçdiyi kişini də hər zaman güclü görmək istəyir. Güc anlayışı hər bir qadın üçün fərqlidir. Kimsə üçün güc demək var-dövlət demək, kimsə üçün kariyera demək, kimsə üçün görünüş, kimsə üçünsə tamamilə başqa bir şey sayıla bilər.

Təbi ki, bu  xüsusiyyətlər nə qədər çox olsa da bununla bərabər hörmət, inam, dəyərlilik kimi xüsusiyətləri olan kişilər qadınlar üçün daha çox arzu olunandır. Ailə həyatını fiziki dəyərlərlə, maadiyyatla ölçmək olmaz.  Bəzən bu qadın o insanda ne tapır kimi müzakirələr edirik. Lakin qadının mütləq bir izahı vardır. Bunu müzakirə etməzdən əvvəl onunla söhbət etmək lazımdır. Analıq və atalıq öyrənilən bir fakdır. Hər bir insan ailə qurdcuğdan sonra bir çox şey öyrənir. Ana, atalarımızdan öyrəndiklərimiz, onlarad sevmədiyimiz xüsusiyyətlər, həyat yoldaşımızdan öyrəndiklərimiz və s. Lakin bunları öyrənib ailə həyatında tətbiq eləməklə bərabər bir insanı sadəcə o olduğu üçün sevmək əsil ailə həyatı deməkdir. Əsasən hər zaman sevgi, hörmət, inam, cəsarət anlayışları ailə həyatı üçün çox vacibdir.

Bunların hamısı bütünləşdiyi vaxt dəyər anlayışı daha da vacib olur. Yəni qarşılıqlı dəyər hissi. Əgər ki, ailə quracağınız kəs sizə olan sevgisini, hörmətini göstəriş xatirinə edirsə bu mütləq insanda inamsızlıq yaradacaq. Və belə bir ailə də xoşbəx olma şansı yoxdur. Yəni hər şeyə sahib olşub ancaq güvənsizliklə mücadələ etmək olmaz. Bunu üçün də ailə həyatı quramağı fikirləşdiyiniz adamı çox sevə bilərsiniz ancaq arada inam və hörmət olmadığı zaman bu munasibətin sonu mutsuzlukdur.

Bəzən SMS, biz qadınlar üçün romantik bir vasitə ola bilir. Lakin, qarşı cinsin nümayəndələri üçün çox vaxt sərf etmədən qadınlarla maraqlanmağın ən qısa yoludur!

Evlenirik.biz isə bu tənbəlliyə son verməyin yollarını dəyərli oxucularının nəzərinə çatdırır.

Əminliklə deyə bilərik ki, gələn mesajlarınız arasında minlərlə “Necəsən?” və ya “Bu gün görüşə bilərikmi?” kimi mesajlar var. Bu günlərdə mesajlaşmaq hər zaman olduğundan daha məşhur hal alıb. Gün ərzində 60-70 milyon adət SMS göndərilir. Bəs problem tam olaraq nədədir?

Zen And The Art of Failing in Love (Zen və Aşık olma sənəti) adlı kitabın müəllifi cənab Brenda Şoşanna, “SMS göndərmək kişilərdə münasibət qurmaq və onu davam etdirmək üçün daha az enerji sərf etməyə şərait yaradır. Və münasibətlərinizdə SMS-lər səbəbindən bir-birinizə qarşı tənbəl bir hala gəlirsiniz” deyə bu məsələyə aydınlıq gətirir.

Elə buna görə də Evlənirik.biz olaraq bu məsələyə aydınlıq gətirmək və bu tənbəlliyə tutulmamaq üçün necə etməyin yollarını araşdırdıq.

Texnoloji təhlükə 1: Bəxtini sınamaqdan çəkinir

“Görüşək?” kimi qeyri-müəyyən bir SMS göndərdiyində, işləri planlamaq kimi məsuliyətləri sizin üstünüzə atır və ya rədd cavabı eşitməməkdən özlərini sığortalayırlar. “İstəmirsinizsə cavab yazmazsınız bunu yox eşitməkdən üstün tuturlar” Şoşanna bildirir.

Texnoloji təhlükə 2: Canlı əlaqə yoxdur

Oğlanlarla telefonda danışmağın həyəcanını bir fikirləşin. Seksi bir gülüş, təsir edici bir səs tonu eşitmək necə də gözəldir. Amma mesajlaşmaq, bunları bir anda yox edir. Mesajlaşmaq oğlanların yaxınlaşmaqdan qaçmaqlarına şərait yaradır. Beləcə də, münasibət uzaqdan uzaqa davam edər.

Həmçinin aparılan tədqiqatların nəticəsi göstərir ki: kişilər münasibəti idarə etmək üçün SMS göndərdiyi halda, qadınlar münasibətləri möhkəmləndirmək üçün SMS göndərirlər.

Texnoloji təhlükə 3: Hislərini anlamağınız çətinləşir

SMS göndərdiyiniz zaman səsini eşitmədiyini üçün duyğularını anlamağınız çətinləşir. “Bu günkü görüşümüz çox gözəl idi, deyə yazdığında: ya həqiqətən sizinlə vaxt keçirməkdən çox məmnun olub, yada heç maraqlını kəsb etməmsiniz amma sizə nəzakətli davranmağa çalışır. Lakin, telefonda danışmış olsanız səs tonu və vurğulamaları sizə həqiqətdə nə demək istədiyini bilməkdə kömək olar. SMS-lərinə cavab yazmayıb, amma zəng edəndə yaxşı tonda danışsanız onu fikirlərini SMS-lə deyil canlı deməyə öyrəşdirə bilərsiniz.

Texnoloji təhlükə 4: Mübahisələrdən qaçır

Görüşmək planınızı təxirə salmaq istədiyini fikirləşək. “Sizin əsəbiliyinizi eşitməmək üçün bunu SMS-lə bildirməyi üstün tutur” bu halda “Mənə zəng edib gələ bilməyəcəyini desəydin daha yaxşı olardı” deyərək sizə hörmətsizlik edilməyindən xoşlanmadığınızı bildirə bilərsiniz.

Siz bunları bildirib zəng etməyi tələb etdikdən sonra hələ də SMS göndərməyə davam edirsə, cavab yazmayın. Bu onun sizə dəyər vermədiyini göstərir.

Kişilərə niyə SMS yazılmamalıdır?

Bəzən mesajlaşmaq münasibətinizdə təhlükə ünsürünə çevrilə bilər. Hansı hallarda?

Biraz anlaşılmazlıq olan kimi SMS ən asan yola çevrilir. Lakin, belə hallarda bəzən münasibətlərinizin düzəlməyinə kömək olan SMS, getdikcə hər davada, anlaşılmamazlıq olan kimi SMS çıxış yolu kimi seçilir. Bu da sonda əsəbiliyə, bir-birini anlamamağa, və ən əsası qıcıqlanmaya gətirib çıxarır.

İlk görüşdən sonra

Unudulmaz bir görüşdən sonra tanış olduğunuz insana SMS atmamaq üçün özünüzü güclə saxlayırsınız amma saxlamalısınız. Çünki, bu SMS içinizdə az da olsa istək olduğunu göstərir. Hətta psixoloq Diane Kirscher bildirir ki, görüşdən sonra atdığınız bu addım, onun sizin dalınızca düşmək həvəsini öldürə bilər.

Hirsli vaxtı

Yada düşməməyin nə qədər əsəb korlayıcı olduğunu bilirik, amma göndərəcəyiniz “Niyə mənə zəng etmirsən?” mesajının da sizi onun gözündən salacaq bir hərəkət olduğunu da unutmamalısınız. Həmçinin bu hərəkətiniz qarşınızdakı insanı hirsləndirəcəkdir də.

Zarafat etmək istədiyiniz zaman

Qarşınızda sizi, etdiyiniz zarafatı anlayacaq qədər yaxşı tanıyan bir insan yoxdursa, içində kinayə, lağ olan çətin başa düşüləcək SMS-lər yazmamalısınız. Zarafat olsun siyə göndərdiyiniz bir SMS tam əks başa düşülə və münasibətinizə xələl gətirə bilər.

Həmin gün üçün ilk mesajlaşmağınız deyilsə

Yeni qurulmuş münasibətlərinizdə tez-tez mesajlaşmaq istəyir ola bilərsiniz. Bir-birinizdən xəbər almaq istəməyiniz də təbii haldır. Lakin davamlı SMS əlaqəsi qurmaq bir-birinizə zəng etmək üçün bəhanənizin olmaması ilə nəticələnə bilər.

Evlilik sadəcə ağ bir gəlinlik və xoşbəxt bir ailə anlayışı deyil. Evlliklikdə nələr olduğunu öyrənmək  üçün yazımızı oxumaq kifayətdir.  Baxın təcrübə nələri göstərir.

Ailə qurmazdan əvvəl bir-birinizi möhtəşəm sayırdınız. Evlilikden sonra da hərşey əvvəl olduğu kimi qaydasında olascağına eminsiniz. Bərabər seçdiyiniz üzüyü taxmaqdan başqa bir şeyin dəyişməyəcəyini fikirləşirdiniz. Sizdən əvvəl evlənən dostunuzunun evllik haqqında dedikləri və xəbərdarlıqlarını süzgün qəbul etmirdiniz. Ailə həyatı qurmağa hazırlaşan insanların fikirində hər şey mükkəmməl olacaq kimidir. Lakin işlər hər zaman gözlədiyiniz kimi olmaya bilər. Ailə həyatı gözəl anları ilə bərabər xəstəlik, maddi problemləe, bir-birini anlamamaq və s. kimi can sıxıcı anları da var. Qısası bu içində gözəlliklər qədər sıxıntılar da olan bir paketdir…

Evlənirik.Biz olaraq ailə qurduqdan sonra şok keçirtməmək üçün aşağıdakı yaşanmış təcrübələrdən faydalanmaqı məsləhət görük.

İlk öncə qadınların dediklərini nəzərinizə çatdırırıq.

1- Sərbəstliyinizə əlvida deyəcəksiniz

“Özümü tanıdığım andan bəri sərbəstəm. Həyat yoldaşım ilk tanızş olduğumuz vaxtlarda bundan çox xoşu gəlirdi, lakin ailə həyatı qurduğumuz annadan etibarən fərqli davranmağa başladı. Hətta özümü olduğum kimi qəbull etdirmək üçün izahlar belə etməli oldurdum. Axırıncı söhbətimizdə dəyişməyəcəyimi söylədim və çətində olsa bunu qəbul etdirdim. Ailə həyatı qurduğunuz vaxt qətiyyən özünüz olmaqdan əl çəkməyin.

2- Fikizlərinizi oxuya bilməz

“bir insanla 10 il də bərabər yaşasanız, eyni evi, yatağı, həyatı paylaşsanız da sizin fikirlərinizi oxuya bilməz. Həyat yoldaşınız belə olsa ona nə hoss etdiyinizi, nə istədiyinizi deməlisiniz. Kişilər qadınlar qədər anlayışlı deyillər”

3- Kəbin kəsdirmək ailə qurmaq deyil

“Nişanlı vaxtlarında hammı evlliklik hazırlıqlarından, ailə həyatının necə olacaqından danışır, lakin həyatını sevdiyi insanla birləşdirmək kəliməsini bir dəfə də olsun işlətmirlər. Bu çox səhv dir.”

4- Artıq subay deyilsiniz.

“Bəziləri nişanlandığı vaxt subaylıq həyatlarının bittiyini fikirləşərək yas tuturlar amma bunun qarşı tərəfə necə təsir edəcəyini düşünmürlər. Əksinə həyatınızın daha maraqlı olacaqını fikirləşərək daha çox xoşbəxt olmaq olar”

5- Sizə ananız kimi baxmaz

həyat yoldaşınız sizə qətiyyən ananız kimi baxmaz. Bu sizə xəstə olduğunuz vaxtlarda dərman içirtməyəcəyi və ya qulluq etməyəcəyi mənasını vermir. Lakin xəstəliyin ona da keçməsindən ehtiyat edər və çox da yanınızda durmaq. Ancaq özü xəstə olduğu vaxtlarda bütün işinizi buraxıb anası kimi böyük bir şəfqətlə ona qulluq etməyinizi istəyir”

6- O “Pis gün” tez gələ bilər.

“Hələ 21 yaşında olduğum vaxt qardaşım, avtomobil qəzası nəticəsində rəhmətə getdi. Görünürdə güclü idim. Anama, atama dəstək olurdum, amma evə gəlib iki-üç saat ağlayırdım. Lakin bu zamanlar həyat yoldaşım hər an yanımda oldu və öz dəstəyini əsirgəmədi. Səbirlə düzələcəyim günü gözlədi. Tövvsiyyəm budur; o “pis gündən” qorxmayın, o pis gün gec ya da tez olacaqdır, lakin elə vaxtlarda bir birinizə dayaq olsanız daha çox bir-birinizə bağlanarsınız”

7- Məşğulam, gələ bilmərəm bəhanəsini qətiyyən işlətməyəcəksiniz.

Ailə həyatı qurduqdan sonra bir çox istədiyiniz yerlərə getməmə şansınız da azlır. Subay vaxtı istəmədiyiniz yerə getmədiyiniz halda, ailə qurduqdan sonra ad gününə, ailə ziyarətinə və s getməmək bəhanələr işə yaramaz”

Qaynanə məsələsi

Qaynanalar haqqında eşitdikləriniz düzdür. İşinizə qarışarlar, sabit fikirli insanlar ola bilərlər. Budur bir neçə faydalı tövsiyələr:

8- Onun dəstəyi üçün mübarizəyə hazır olun.

“Əgərki qaynananızla problemləriniz olarsa ki, olacaqdır ilk bir neçə il həyat yoldaşınızın anasının tərəfini tutmasına hazır olun.

9- Onu ailəsi ilə tanıyarsınız

“Həyat yoldaşımın anasını, atasını çox istəyirəm. Təbi ki, bəzən məni çilədən çıxardıqları olur amma problem deyil. Onlar haqqında daha çox şey öyrəndikcə həyat yoldaşım haqqında olan biliklərim də artır. Nəticədə onu sevdiyim kişi halına gətirib çatdıran valideyinləridir”

Üz qızardan mövzular

10- Gizli qalmalıdır…

ilk dəfə yaxınlarımdan biri ailə qurduğu zaman bir-birlərinə “quzum” deyə müraciət etdiklərini eşitdim. Bun ikisi də deyirdi. Hər bir insan fərqli xitablar istifadə edə bilər amma məncə bunu hamının eşitməsi düzgün deyil”

11- Bölüşməyə öyrəşəcəksiniz

iki kişilik bir büdcə hazırlamaq çox çətindir. Lakin maddi vəziyyət haqqında bərabər qərarlar alındığı zaman həyat daha da asanlaşır”

12- Təkrarən aşiq olmağınıza kömək olan şeylər

“Həyat yoldaşım və mən nəqqliyyatda bir cütlüyün xarici dildə həyəcanla danışdıqlarına şahid olduq. Həyat yoldaşım qəfildən onların dilində danışmağa başladı. Həyat yoldaşımın italyanca, ispanca və portuqal dilində bildiyini bilmirdim. Bu sürprizlər sayəsində ona yenidən aşiq oldum”

13- Həyat yoldaşım olsa da hələ də çəkicidir.

“ Ailə qurduqdan sonra seks həyatımın bitəcəyini fikirləşirdim, elə olmadı, əksinə daha tutkulu hala gəldi. Ona baxıb həyat yoldaşım olduğunu fikirləşdiyim vaxtlar hələ də onu çox sevdiyimi anlayıram”

14- Evli olmağı o da çox sevəcək!

“Həyat yoldaşınız hər gün sizə niyə daha əvvəllər evlənmə təklif etmədiyini deməsə də belə düşündüyünə əmin olun. Təbi ki buna əmin olmaq üşün ailə qurmuş olsanız belə günü gündən o özünüzə daha çox baqlamaqı bacarmalısınız. Və ən əsası özünü tək hiss etməməli ən şətin anında belə yanında olacaqınızı hiss etdirməlisiniz.

Ümid edirik ki, bu məsləhətlər və yaşanmış təcrübələr ailə həyatında sizə azacıqda olsa kökək edəcəkdir.

Bu dünyaya göz açan andan etibarən Tanrı hər kəsin alnına onun gələcəkdə qarşılaşacağı həyat səhnəsi yazır. İllər ötür bir kiçik tumurcuqdan uca gövdəli ağaca çevrilir canlı varlıq. Həyatının hər bir anında bəzən qismət payına inanlarda olur, inanmayıb bunu dananlarda. Həyat çox insanlarla qarşılaşdırır bizi, çox qonaqlarımız olur könül evimizdə amma yalnız birini daimi sakin seçirik. Seçimizin dəqiqliyinə varan kimi evlenirik biz deyirik. Bu kəlmə hər kəsin arzuladığı bir eşqin kulminasiya nöqtəsidir. Yer üzünün bütün sakinləri bu kəlməni deməyə can atırlar lakin müxtəlif yaş həddində, gəlin müəyyən dövrlər üçün nəzərdə tutulan xarakteristikaya nəzər salaq.

18-25 yaş arası gənclər -   bir andaca verdiyi qərarla bu kəlməni qısa müddətdə qəbul edirlər, onların zəkalarında ancaq sevgi ilə qurulan ailə obrazı canlanır daima. Həyatın bütün çətinliklərinə sinə gələcəklərini düşünürlər, dünyanın heç bir cəh-cəlalı olmur gözlərində. Xoşbəxt olacaqlarına əmin olmuş kimi addım atırlar bəlkədə daha sonra onları gözləyən həyat sınağının çətinliyini gözə almadan. Onlar ürəklərinin qanununa tabe olurlar.

26-30 yaş -   arası gənclər həyatda sərbəst olduqları, bütün şəraitə hazır olduqları halda belə seçim edərkən ağılın köməyindən istifadə edirlər. Onlar üçün ailə qurmaq qlobal bir problemə çevrilir bəzən. Seçəcəkləri insanda daha çox xüsusiyyət axtarırlar, hər cuzi anlaşılmazlığı şişirdilmiş şəkilə salırlar. Evlənirik biz kəlməsini dilə gətirmək onlara bəzən uzun söz söhbətin yekun həddində olur. Onlar ağıllarına bağılıdırlar.

31-35 yaş arası gənclik dövrünün son həddində olan gənclər  -    evlənirik bizə gənclik həvəsinin orta yaş həddinə doğru istiqamətinin dəyişdirilməsi kimi bu hissin məhv olmasının qarşısını alan bir ümid kimi baxırlar. Onlar üçün evlənirik biz heç kimə məhəl qoymadan qəbul ediləcək qərarın son variantıdır. Onlar ümidlərini üzməyəndilər.

36-45 yaş arası orta yaş həddində olan insanlar üçün   -    evlənirik biz qərarının verilməsi övlad sahibi olmaq istəyən və onun üçün valideyn olacaq insanların qəbul etdiyi kəlmədir. Bu kəlmənin arxasında dayanan məsuliyyət isə yalnız tənhalığa son qoymaq istəyən insanın üzərinə düşür. Onlar bir can üçün yaşayırlar.

45 yaşdan yuxarı insanlar   -   isə evlənirik biz kəlməsini yalnız özlərinə həmfikir tapdıqları zaman dilə gətirirlər. Onlar səssizlikdən bezmiş olurlar.

Bunuda qeyd etməliyik ki, hər bir yaş həddindən asılı olmayaraq yaranan istisna hallarda var.

Kimliyindən asılı olmayaraq bu qərarı verən insanlara ürəklə, ağılın ortaq cəhətlərini tapmaq ideyasını çatdırmaq istərdik.

Qarşıda duran məsələ bu kəlmənin necə qəbul etməkdən asılı deyil, əsas bu kəlməni qəbul edərkən onun məsuliyyətini hiss etməkdən və icrasını yerinə yetirməkdən ibarətdir.

Hər kəsdən “Evlənirik.biz” i eşitmək ümidi ilə…..

Evlenirik.Biz-in Dövlət Statistika Komitəsinə istinadən verdiyi məlumata görə, bu ilin yanvar-iyun ayları ərzində Azərbaycanda 32600 nəfər evlənib.

Bu dövrdə Azərbaycanda bağlanmış nigahların sayı hər 1000 nəfərə 7,4 nəfər təşkil edib. Boşanan ailələrin  sayı isə 4,2 min nəfərə çatıb. Boşanan insanların sayı keçən ilin eyni dövrü ilə müqayisədə dəyişməz qalıb.

Statistika məlumatlarına görə, ilk nikaha daxil olanların orta yaş həddi kişilər arasında 27, qadınlar arasında isə 23 yaş təşkil edir.

Əlavə olaraq bildirmək istərdik ki, bu altı ay ərzində Azərbaycanda 76,3 min nəfər uşaq doğulub və 27 min nəfər isə dünyasını dəyişib. Doğulanların sayında 5,1 faiz artıb, ölənlərin sayında isə 0,1 faiz azalma qeydə alınıb.

Evlenirik.Biz Mətbuat Xidməti